CHAPITRE V

Des fumées du Cerf.

Le Cerf ne jette ses fumées qu’en trois diuerses sortes. Car l’on ne conte point celles qu’il fait durant le rut etl’Hyuer, à cause qu'elles sont desfaictes, la premiere est en plateau, c’est à dire, que l’excrement qui sort de son corps est de la mesme forme d'vne bouse de vache, mais non de la couleur : car elle est vn peu plus verte, et selon la peinture qui est icy representée !. Trois semaines apres que le Cerf est remply de viandes qu'il prend, et que son boyau est plus estressy à cause de la graisse : selon la forme dudit boyau il jette ses fumées qui sont en torche. Apres comme il a la chaleur plus grande dedans le corps, à cause de la venaison, elles se separent d'ensemble, et sortent formées et en crottes : comme sont celles d’une Cheure, mais plus grosses, il faut noter qu’au temps qu'ils frayent leurs testes, les fumées se desfont, mais aussitost elles se refont, et durent iusques à ce qu'ils entrent au rut : le diray par cy apres quelles sont les meilleures ou pires fumées que

1 Cette phrase annonce uue figure qui n'existe pas dans l'édition originale,

jette le Cerf, et le iugement que l'on y a de ieune Cerf à vieux Cerf. Or doncques il faut bien retenir, suyuant ce qu'est escrit au chapitre precedent, qu'vn peu deuant la fin de luillet les Cerfs sont du tout frayez et bruniz, et en leur pleine venaison, ils demeurent en cette haute graisse et à leur donner du bon temps dedans les buissons qu'ils ont choisis pour faire leurs testes et leur dicte venaison, iusques à ce que l'amour commence à les resueiller, comme il est dict au deuxiesme chapitre. Voila tout ce que ie puis escrire de la nature du Cerf, et me semble qu'il ne s’en peut apprendre dauantage en la Venerie. Toutesfois auant que de passer aux autres parties que j’ay deliberé d'escrire, i’ay voulu discourir au premier chapitre suiuant tout ce que j'ay peu lire et oùy dire de la nature et condition du Cerf. Puis apres je traitteray de la nature et condition des Chiens, et de la façon du Veneur, quelles mœurs il doit auoir. Comme il faut à l’estre, et pour le comble de mon œuure, la facon et maniere de trouuer le Cerf, le destourner, le laisser courre et pourchasser, quester et requester iusques à la mort. Puis donner le droict à ses limiers, et faire la curée à ses Chiens.

1 Curée, repas des chiens composé de tout ou partie de l’animal qu'ils ont pris.