CHAPITRE VI
Ce que les anciens ont escrit de la nature des Cerfs.
Éifere que i'aye descrit de la nature du Cerf tout ce que l'en ay peu apprendre par experience, si est-ce qu'estant jaloux denelaisser rien sortir de mes mains qu'il ne soit si parfaict qu'il contente tous ceux qui le liront, et y puissent apprendre tout ce qu'ils desirent scauoir. l’ay regardé et fait chercher par aucuns des plus doctes personnages de mon Royaume ce que les anciens Philosophes en ontescrit, queï'ay voulu rediger en ce chapitre à part, et sur chacune de leurs opinions, ie passeray ce que ie connois estre veritable, sans y rien respondre : mais sur ce que ie connoistray ne l’estre, ie dirai sommairement mon opinion et ce que l'experience m'en a apprins et tiens pour veritable, et si ay obmis aux chapitres precedens quelque chose que vous pourrez veoir icy, croyez qu'elle est de si peu de consequence qu'elle n'importe au fait que ie veux escrire, Car Vous auez peu veoir par cy-deuant comme par ordre i'ay separé toutes les saisons du Cerf, et ses conditions durant chacune d’icelles, qui est tout ce que j'estime qui
s’en peut et est necessaire d'escrire à la verité, si est ce que ie n'ay voulu faillir pour cela d'en mettre icy ce que plusieurs desdicts anciens en ont escrit. Aristote dict que les Cerfs montent les Biches presque tousiours auec impetuosité et fureur, d'autant que la Biche ne veut attendre le Cerf pour la roydeur et dureté du vit, neanmoins qu'elle attend quelquefois, et est saillie de la mesme facon que la Brebis. Oppian escrit que les Biches n'attendent iamais les Cerfs, mais que fuyans, lesdicts Cerfs les retiennent auec les pieds de deuant et les suiuans de ceux de derriere sans les abandonner, malgré elles les couurent. Veritablement Aristote a eu quelque raison de dire ce que dessus, car iamais les Cerfs ne montent comme dict Oppian qu'en courant :
mais de dire que ce soit pour la roydeur et dureté de leur membre, il n’y a point d'apparence car ils ne l’ont plus dur que les autres. Ledit Aristote dict aussi chose qui est veritable, qu'en peu de temps vn Cerf couure plusieurs Biches, que le rut vient pres du leuer de larcture entre Aoust et Septembre le 5. ou 15. selon Seruius, et est ce que j'ay dict par cy-deuant, que le rut se commence au mois de Septembre. Les Cerfs ruent plus gros que les Biches quand la saison du rut est venuë, et les Biches quand elles ont peur : le rnëment de la Biche est plus court, et
celuy du Cerf plus long : Aristote escrit que l’on conte fabuleusement que les Cerfs viuent longues années, mais que cela n’apparoist certain parce que le terme que les faons demeurent au ventre de la Biche, et leur maniere de croistre ne sont comme d'animaux qui viuent fort longtemps; toutes-fois Oppian dict qu'ils viuent quatre fois plus que la Corneille qui peut estre quatre cens ans, et Pline donnant vn exemple de leur longue vie, escrit que cent ans apres Alexandre le Grand, on a pris des Cerfs auec des coliers au col qu'on leur auait attachez du temps dudit Alexandre, estans lesdits coliers cachez de leur peau tant ils auoïient de venaison : Aristote dict aussi qu'il y à vne montagne nommée Elaphos en Asie pres Arginaise où Alcibiades mourut, en laquelle tous les Cerfs et Biches ont l'oreille fenduë : tellement qu'encores qu'ils changent de pays on les reconnoist par là, et que ceste marque vient au faon estant au ventre de la mere. « Quant à moy il me semble que l’aduis « d'Aristote qui dict que les Cerfs ne sont de si « longue vie, comme l’escriuentOppian et Pline, « est le plus veritable, car outre toutes ces rai- « sons, ie n'ay oùy dire n’y veu de nostre temps « que l’on ait pris Cerf si vieil qu'il peust auoir « atteint l’aage qu'ils alleguent, et quant aux « GCerfs qui ont les oreilles fenduës, c’est chose
« qui s’est peu trouuer en Asie, mais par decà « elle ne se voit point. » Le mesme Aristote dict que les Cerfs se retirent à part aussi tost que les Biches sont pleines, et par ardeur et brulement de paillardise estans separez foüillent des fosses où ils se rangent à l'escart, et leur face demeure noyre comme celle des bœufs, à raison d’vne sueur et rosée qui coulle de leurs testes, et qu'ils viuent ainsi iusques à ce qu’il vienne vne pluye, et apres retournent au viandiz, estant leur naturel de faire telles choses, pour ce qu’ils sont luxurieux et abondans en sperme, et qu'en telle saison ils sont fort chargez de graisse. « Il « est bien vray, comme j'ay descrit cy-deuant « parlant de la retraicte des Cerfs, sans nul « doute ils se retirent d'auec les Biches des que « le rut est acheué, mais de dire qu’ils facent des « trous en terre pour se mettre à la reposée. « C’est chose fauce, car au contraire en ce temps «“ là pour estre plus chaudement et se garentir « de la froidure de la terre qui est gelée, ils font « des lits de feuilles esquels ils se mettent à la « reposée. Quand à ce qu'il dict que le mufle « leur deuient noir, c’est chose qui ne leur dure « seulement que tant qu'ils sont en rut, mais « quand ils entrent en rut le col leur enfle, le « poil leur herisse, et la peau leur vient beaucoup plus dure qu’en vne autre saison :
« Quand ils fuyent ils font des reposées, et de- « meurent arrestez iusques à Ce que ceux qui « les poursuiuent soient pres d'eux, et lors ils « se remettent à fuir, ils font ces reposées parce « que leur intestin trauaille en courant, lequel « ils ont si foible, que si quelqu’vn les frappe « tant soit peu, il se romp sans que la peau soit « offensée, et ont ledit intestin si amer que les « Chiens mesmes n’en veulent point manger, si « le Cerf n’estextremement gras.» Ledit Aristote escrit que leur chair est mauuaise et puante au temps du rut ainsi que celle des boucs, qu’en Hyuer ils sont maigres, sans force etvigueur, et au Printemps et Esté, ils sont gras et en force, lors ils ne se monstrent aucunement, ains se cachent en lieux forts à cause que l’on les peut prendre facilement pour leur pesanteur. Parlant des mues des Cerfs il dict, qu'ils font leurs testes en lieux difficiles et malaisez à retrouuer, de là vient le prouerbe où les Cerfs perdent leurs cornes, que lors ils se donnent bien garde d'estre veuz, parce que se sentent et connoiïssent desarmez, et sont ainsi que dict Oppian comme vergongneux et honteux de se monstrer aux autres bestes ayans leurs testes desarmées. Ledit Aristote dict que iamais homme ne veit leur brancheur senestre, d'autant qu'ils la cachent sçachant qu’elle est profitable à quelque medecine,
et mesme Oppian escrit qu'ils foüillent en terre vne fosse en laquelle ils les cachent, mais Pline ne s'accorde auec Aristote, car il dict que c'est la corne droicte qu'ils cachent, et qu'elle a plus de vertu que l’autre. « Nous voyons tous les « jours par experience tout le contraire de ce « que dessus : car il se trouue fort commune- « ment et facilement des testes de Cerf, autant « la droicte comme la gauche, et la mesme « vertu qui est en l’vne se trouue aussi en « l’autre sans aucune difficulté. » Sur ce qu'ils disent qu'ils se cachent dedans leurs forts, pour ce qu’ils ont honte que les autres bestes les voyent desarmez de leurs testes, « ils n’ont « tant de consideration, mais ils choisissent « ainsi les buissons escartez, pour ce qu'ils sont « communement plus forts et peuplez de bois « que les autres, et qu'il y a plus de gaignage! « aux enuirons. » Lesdits autheurs escriuent que les Cerfs d'vn an ne jettent des dagues, mais seulement quelque commencement d'enflure et bosse comme pour marque. Cela est court et gros, quand ils ont deux ans ils poussent leurs dagues droictes comme alaines, et pour ce alors on les appelle dagars ou brocards, à trois ans ils
1! Gaignage, terres ensemencées où le grand gibier va paitre.
marquent deux dauantage comme en fourche, à quatre ans ils marquent plus espais, et ainsi augmentent d’an en an iusques à six ans, et apres lesdits six ans ils jettent tousiours leurs testes semblables, si bien qu'on ne peut plus par icelles remarquer et reconnoistre leur aage; mais il y a deux signes principaux par lesquels on les peut connoistre vieils Gerfs, à sçauoir quand ils n’ont plus de dents ou qu'ils en ont bien peu, et qu'ils ne produisent plus de deffence, on appelle deffence les andoüillers qui leur viennent en auantau dessus des autres pres du front, desquelsils se deffendent. Les Cerfs ont quatre dents de chacun costé et deux autres grandes. C’est chose veritable ce que dict Aristote, que par année la rameure des Cerfs augmente iusques à six ans, mais que ce soit de deux andoüillers tous les ans, i’ay esprouvé le contraire. car j'ay veu Cerf qui de sa seconde année a porté douze, et autre de mesme aage qui n’a porté que les dagues : Quant à connoistre l'âge du Cerf par les dents, ie m'en rapporte à ce qui en est: «car « les veneurs n’en iugent par là, mais les con- « noissentsans les veoir, eteniugent par le pied, « et autre connoissance que ie diray quand ie « traiteray de la Chasse. » Selon Aristote les Cerfs muent leurs testes tous les ans au mois d’Auril et se tiennent en lieux ombrageux et espais pour
éuiter les mouches, ils viandent lors la nuict iusques à ce que leurs testes soient refaictes. Quand elles commencent à sortir, il se fait comme vne enflure espoisse qui est couuerte d'vne peau, puis quand elles sont grandes et hantes, ils les monstrent au Soleil afiu de les seicher du tout, et comme en frayant et grattant leurs testes contre les arbres ils ne sentent plus de douleur, alors ils abandonnent leurs forts, estans plus asseurez ayans recouuert leurs armes pour se deffendre : Autrefois a esté prins un Cerf qui portoit du lierre fort verd en ses andoüillers, qui sembloit estre nay dedans, comme en vn arbre verd : et cela estoit aduenu pour s’estre attaché par cas fortuit à la teste estant encore tendre. « Aristote s'abuse d’vn mois entier pour le « moins Car la pluspart des Cerfs muent comme « j'ay dict és chapitres precedens sur la fin de « Feburier ou au commencement de Mars : et « mesmes y en a de si aduancez qu'ils se def- « font de leurs testes des la my-Feburier, mais « peu. Quant a ce qu'il dict qu'ils viandent lors « la nuict, ce n’est seulement en ceste saison, « mais tout le long de l’année : et les veoit on « quelque-fois viander encor que le Soleil soit « leué, toutesfois ils ne demeurent gueres hors « du couuert depuis qu’ils sentent la chaleur « d'iceluy : au reste ce sont fables de dire
« qu'ils monstrent leur rameure au Soleil pour « la seicher. Et pour homme docte et sçauant « veritablement il fait tort à nature, comme « si elle n'auoit le moyen d’acheuer vne « œuure qu'elle a commencée, et qu'elle soit « contraincte de s’aider de ce dont elle n’a be- « soin : mais pour verité, la rameure du Cerf « ne se seiche qu’à mesure que nature con- « noist qu’il n’est plus temps de la nourrir, et « qu'elle du tout alonge et nettoye sa teste de « la peau qui est dessus, ainsi que j’ay descrit « au chapitre qui en parle. Et sur ce qu'il dict « qu'il s’est veu du lierre attaché à la teste d'vn « Cerf, c'est chose de laquelle ie ne veux rien « dire, pour ce que ie ne l’ay veu ny conneu, « mais j'estime que cela est tres difficile. » Ledit Aristote dict que si les Gerfs sont chastrez auant qu'ils ayent des cornes, ils n’en portent iamais, et s'ils sont chastrez quand ils ont les andoüillers, leurs testes demeurent tousiours en mesme estat sans se renouueller d’an en an : entre tous les animaux qui ont des cornes, qu'il n’y a que les Cerfs qui les portent solides et en rameure, et à qui elles tombent tous les ans. Toutesfois nous voyons en France le Dain et le Cheureuil muer sa teste tous les ans aussi bien que les Cerfs : Aristote a opinion que leurs testes tiennent plustost à la peau que au test, alleguant
qu'il y a des Bœufs en Phrigie qui remuent les cornes comme les oreilles, Quand les Cerfs ont esté morduz des Fallanges ou d’autres bestes venimeuses, ils amassent des cancres de riuiere et les mangent : Ce qui fait estimer que leur remede est pareillement bon pour l'homme, estant pris en breuuage, mais il est mal plaisant. Le Poëte Nicandre dict que les Cerfs se courroucent à l'encontre des Serpens iusques à les suiure à la trace par les hayes et lieux pierreux. les tirans de leurs trous par la force et vapeur de leurs nazeaux : Escrit aussi Phisiologre qu'ils emplissent leur bouche d’eau, qu'ils la versent dedans le trou où sont les Serpens afin de les faire plustost sortir, puis comme ils sont dehors, les foulent aux pieds tant qu ils les font mourir, si l’on enueloppe quelqu'vn de la peau d'vn Cerf, les Serpens ne lui peuuent nuire : Et est la presure d'un Faon, selon Solinus, prins et tué dedans le ventre de sa mere, vn singulier remede contre la morsure des Serpens. Aristote escrit qu'entre les animaux qui n'ont point de fiel, le Cerfest nommé, toutes-fois qu’en Achaïeles Cerfs semblent l’auoir à la queuë : et ce qu'ils appellent fiel, est de couleur semblable au fiel, non du tout si humide mais ressemblant au dedans de la ratte. « Veritablement les Cerfs n’ont point de fiel. » Aristote dict aussi que les Cerfs ont tous
enlateste des vers viuansquis’engendrent en vne concauité qu'ils ont sous la racine de la langue aupres de lavertebre, en l'endroit où la teste tient au col, lesquels vers ne sont de moindre grandeur que ceux qui naissent és chairs pourries et relantes, ils s engendrent beaucoup ensemble, et se tiennent jusques à vingt l’vn auec l’autre. «Ge « qu'il dict qu'ils ont tousiours des vers dedans « la teste est faux. Il est bien vray que quelque « temps deuant qu'ils veuillent faire leurs tes- « tes, les vers leur viennent, non seulement à « la teste, mais par tout le corps entre cuir et « chair, comme 1'ay dict plus particulierement « cy-deuant. Les Cerfs n’ont point de fibres au « sang, et pour ce, leur sang ne s'espoissit com- « me des autres animaux, mais ainsi que celuy « des lievres, d’vn caillement liquide comme du « laict qui se lie de soy mesme sans presure ni « tornure. » Aristote escrit que les Cerfs cheuallez se laissent prendre par le chant et flustement du chasseur, car comme ils sont flattez par l'harmonie de l’vn des chasseurs qui chante ou fluste deuant luy, l'autre les blesse par derriere ; s'ils ont les oreilles dressées ils oyent fort aigu et clair, etest malaisé de les surprendre, mais s’ils les ont baissées on les surprend aysement, et craignent fort le glatir du Renard. «Geste facon « de prendre les Cerfs en flustant peut avoir esté
« vuë du temps d’Aristote en ce pays là, mais « pour le présent c’est chose non vsitée, et à la- « quelle il n’y a nulle apparence, non plus qu’à « dire qu'ils n’oyent aussi clair en vne situation « qu'en vne autre. Quant est du glatir du Re- « nard il est vray semblable qu'ils le craignent « aussi bien comme celuy des Chiens et des « Loups. » Oppian escrit que les Cerfs ne courent seulement sur la terre, mais aussi passent la mer d’vn long ordre comme une flotte de nauires : Le premier qui va deuant guide la troupe comme vn pilote de nauire qui conduict le gouuernail, ils appuyent leurs testes sur le dos l’un de l’autre, les tenans hautes sur l’eau comme les voyles d’vn vaisseau, et des deux pieds fendent la mer comme d'vn auiron, quand le premier est lassé il change de place, et celuy qui le suyt prend son lieu et conduict le nauigage, puis vn autre apres, etainsi se rafraichissans l’vn l’autre se conduisent par la mer, ce qui se veoit et obserue comme dict Solinus au bras de mer qui est entre la terre ferme de Cilicie et l'Isle de Cypre, adioustant qu'ils ue voyent les terres esquelles ils vont, mais nagent au sentiment d'icelles. Quand les Cerfs se sentent malades, Ambrosius dict qu'ils mangent de petits rejettons d'Oliuiers, et se guarissent ainsi: mais Pline eserit qu'ils n'ont jamais fievre, qui plus
est remedient à pareille maladie, et qu’il y a des Princesses qui ayans accoustumé de manger tous les matins vn peu de chair de Cerf, ont vescu fort longuement sans iamais auoir eu aucune fievre, pourueu que les Cerfs ayent esté tuez d’vn seul coup; non seulement les Cerfs cherchent les bourgeons d’Oliuier pour se guarir du mal qu'ils ont, mais aussi par vn instinct naturel ontbien le iugement de connoistre plusieurs autres herbes et arbres, desquels ils vsent pour se garantir desdictes maladies: « Aussi faut il bien « en ces pays Septentrionnaux qu'ils s’'aident « d’autres que d'Oliuiers, car il ne s’y en trouue « point. » Quant à ce que dict Pline de la chair du Cerf qui garantit des fievres, ie l'en veux laisser discourir, mais l’on en croira ce que l’on voudra. Phisiologus dict que les larmes du Cerf recueillies, comme aussi l’os trouué dedans son cœur, sont tres propres pour donner à boire à ceux qui ont battement de cœur, cet os se cree d'vne certaine superfluité qui sort d’vne concauité, qui est selon Platearius dedans le cœur du Cerf au costé gauche, laquelle est le souspirail de sa ratte, estant ainsi fait du sang du cœur il est un peu roux, et est tres singulier contre la pasmoyson et les hemorrhoïdes, il a aussi proprieté de purifier les femmes melancoliques. Haly escrit que la presure du faon est bonne
contre le ius de la Ciguë. et contre les potirons quand on en a trop mangé, aussi prinse auec du vinaigre on dict qu’elle arreste le sang, l'vrine d'vn Cerf est bonne contre les douleurs de la ratte , elle sert aussi contre les coliques venteuses de l’estomac et des boyaux : quand on en verse dans les oreilles, elle guarit les vlceres d’icelles : Selon Pline le poulmon du Cerf seiché à la fumée puis puluerisé et prins auec du miel, guarit de la toux, la corne de Cerf bruslée descouure ceux qui sont suiets au mal caduc, et la cendre d’icelle appliquée en du vinaigre simple ou rozat appaise la douleur de teste, guarit les petits reumes, chasse les vers du corps qui la boit, et sert à l'encontre de la iaunisse la prenant auec dun vin, elle affermit aussi les dents qui tremblent en les froltant ou lauant d’icelle et en allege les douleurs : Le semblable fait la poudre de ladite corne non bruslée, selon Auïicenne le bout de la queuë d’vn Cerf est vn venin, qui en prend, tombe en angoisse vehemente, s’esuanotit et finalement meurt; le remede est de le faire vomir auec du beurre et de l’anis : Solinus dict que le Cerf oyant l’aboy des Chiens s'enfuit tousiours vers le Levant, afin que le sentiment de son pied se perde auec luy ; quand le Cerf est chassé il fuit aussi tost vers l’Occi-
dent, et autre costé que vers le Leuant.
