CHAPITRE XIV

Comme il faut nourrir les petits Chiens quand ils sont hors de dessous la mere.

Ÿ on dict communement qu'il faut nourrir les L 4Chiens courans ensemble, et braqueset epagneux separez, Ce n'est pas sans Cause : Car veritablement leur facon de chasser est differente, pour ce qu'il faut que les Chiens courans pour bien chasser se tiennent ensemble, et au contraire les Chiens d’oyseaux, tant plus ils s’escartent pour battre le pays ils en sont estimez meilleurs. Doncques pour apprendre aux Chiens courans d'autre creance les vns aux autres, les faut nourrir ensemble, apres qu'ils ont tetté deux mois et demy, et qu'il les faut tirer hors de dessous la mere. Si la maison du Gentil-homme où la Chienne aura challé est en Bourg ou Bourgade, il les en doit oster pour deux raisons, l’vne qu'il faut euiter que le Chien soit nourry de tripailles, chair, ny autres viandes semblables à celles là, car cela le rendroit trop mol : l’autre que si les Chiens trouuoient si souuent à manger, estant leur naturel de s’endormir aussi tost qu'ils sont saouls, ils ne feroient point d’exercice, dont il aduiendroit qu'ils ne s’endurci-

roient le pied, et ne s'accoustumeroiïent le corps au travail. Partant il est necessaire les mettre et tenir en lieu où ils soient bien nourris de pain gruau, laict, et autres telles choses, sans qu'ils en ayent faute et en liberté, comme en la maison d'vn laboureur : Et afin que les petits Chienss’accoustumentauchaudets’endurcissent le pied, il faut que le laboureur qui les a en garde les meine auec luy quand il va aux champs :

iusques à l’aage de six mois ils ne pensent qu à se joüer, mais comme ils entrent au septiesme, le laboureur ne les doit perdre de veuë : Car le Chien qui est de bonne race, dès qu'il entre au septiesme mois, s’il rencontre du conin', lievre, ou autre beste sauuage, ne faudra de le chasser, cela ne luy peut de rien seruir: Au contraire luy nuist grandement, pour ce qu'il n’a pas le iugement de connoistre ce qu’il chasse et se faire le sentiment, et n'ayant la forcede suyure ce qu’il a entrepris il s’effile. Quand le laboureur les à nourris iusques en l’aage de huict mois, faut qu'il leur change de facon de viure, et qu'il leur baille du pain tout sec le meilleur qu'il peut trouver, etdepuis l'aage de huict moisiusques au bout de l’an qu’ils doyuent demeurer chez luy, il est besoin qu'il leur attache des bastons au col

1 Conin, conil, lapin.

pour les apprendre à aller au couple, et qu’il commence à les faire hanter le monde, afin qu'ils ne soient tant agars quand ils entreront au chenil. Du Fouilloux‘ et d’autres ont voulu dire qu’il y auoit connoissance de bonté en la ieunesse d’vn chien à certains signes qu'ils remarquent, comme quand il est ergoté, qu'il a trois poils longs sous le menton et qu’il a le poil du ventre rude, mais quant à moy ie diray que la meilleure connoïssance qui y soit c’est à la race. Car selon l’ancien prouerbe, il n’est chasse que Chiens de race, et pour vn bon Chien que trouuerez qui n’est point de race auec les signes que dict Du Fouilloux, il s’en trouuera dix qui donneront du déplaisir à leur maistre, et ici ie diray que i’en ay veu de bonne race auoir ces signes là ne chasser mieux que les autres : Et pour conclure auec verité, si voulez tres bien connoistre vn Chien, il le faut veoir chasser.

1 Dans l'édition originale, on lit Le Fouilloux.