CHAPITRE XV

Comme il faut mettre les Chiens chez le Gentilhomvme pour les apprendre à chasser.

D: que les Chiens ont vn an accomply, il est necessaire de les tirer d’auec le laboureur, d’autant qu’il esttemps de commencer à leur apprendre leur mestier.Pource faire s’il ya quelque Gentil-homme qui ait vne meutte de.Chiens couranspourlelieure, on lesluy doit bailler et laisser pour quatre mois, car il n’y a rien qui leur face si tost le nez bon que chasser auec compagnie de bons Chiens, ils apprennent à requester : Et d'autant que le sentiment du lievre n’est si grand que celuy du Cerf, et qu'il ruse plus souuent, cela est cause de leur faire le sentiment meilleur, plus delié et subtil, aussi leur apprend il à faire leurs raussins soudains, et prendre peine à trouuer le but de la ruse de la beste qu’ils chassent : il faut aussi que le Gentilhomme qui veut prendre la peine de mettre les jeunes Chiens à la voye, aille deux fois la semaine aux champs pour les veoir chasser, qu'il les tienne sujets, et que pour ce faire il ait quelque valet de Chiens à pied, qui auec la gaule les face tirer où il entend le son de la

trompe, pour leur y faire prendre creance :

Aussi ne faut il qu’il sonne jamais à faute, c’est à dire que la beste ne soit passée, ou que ce ne soit pour leur faire auoir curée, car cela leur feroit perdre toute creance. Apres que le chien a demeuré quatre mois chez le Gentil-homme, qu'il a aprins à chasser et auoir creance à l'homme, il faut l’en tirer et le mettre au chenil. le ne veux obmettre à dire, que tandis qu’il est chez le Gentil-homme il faut qu'il soit nourry de pain sec, et bien traité de la main : Car le bon traittement qu’on luy fait de la main luy profite autant que toute autre nourriture. Et aussi que l’estable où le tient le Gentil-homme soit renouuelée souuent de paille fresche, et qu'elle ne soit trop chaude. Je ne dy point chemil, à cause qu'il n'appartient à nul de nommer chenil le lieu où il met ses Chiens qu'à celuy qui a meutte de Chiens Royale, qui peuuent prendre le Cerf en tout temps sans autre ayde que de leurs Chiens : .ie descriray cy apres comme doit estre fait le chenil, et en quel lieu il doit estre situé.