CHAPITRE XVI

Comme doit estre fait et situé le Chenil.

Pa Chenil doit estre fait à cinq ou six cents pas de la maison du seigneur, il doitestre accompagné d'vn pré d’vn arpent ou arpent et demy, dedans lequel il y ait de l’eau viue et courante, et le clorre de paillis ou de muraille : il faut prendre garde de situer et planter le lieu où les Chiens couchent, de facon que le midy et le couchant n'y donnent point afin de le rendre plus frais, 1l doit estre de sept toyses de long et cinq de large, on y doit faire vne cheminée de trois toyses, entourée de barreaux de bois pour garder les Chiens d’aprocher trop pres du feu. Ledit lieu doit aussi auoir d'vn costé et d'autre la largeur d'vne toyse et demye, estre releué de la hauteur d’vn pied d’ais qui soient troüez afin que le pissat, la sueur et puanteur du Chien coulle en bas, et qu'au milieu il demeure vne allée de deux toyses de large, plancheée comme le reste, où il y ait deux ou trois bastons fichez couuerts de paille, contre lesquels les Chiens puissent pisser : il le faut aussi lambrisser dais par le dedans, et qu'entre la premiere couuerture et le lieu ou sont les Chiens 1l y ait vne separa-

tion comme vn grenier, où les garcons des Chiens puissent coucher, que les fenestres soient si hautes que les Chiens n’en puissent sortir. Derriere ledit parcet Chenil il faut qu’il y ait vne court, à l'vn des costez de laquelle il faut qu'il y ait vn logis pour les Veneurs et des estables pour tenir leurs cheuaux, et que de l’autre il yait trois ou cinq petits Chenils particuliers de deux toyses en quarré, tant pour mettre les Chiennes chaudes que les Chiens malades, et ceux qu’on doute de la rage: à vn des coings de ladite court, il y doit auoir van four et vne chambre pour le boulanger. Voylà comme doit estre fait le Chemil et ce qu’il y faut obseruer.