CHAPITRE XVII
De la rage des Chiens.
+. auoir escrit de la Nature des Chiens courans, ie veux parler des maladies ausquelles ils sont sujets, et sur chacune d'icelles le moyen qu'il faut tenir pour les guarir, le Chien est vne beste fort seiche, elle l'est tant qu’elle n’a nulle humidité en soy : Cela est cause que les maladies qu'il a prouiennent de chaleur. Et tout ainsi que l’homme sec et chaud a commu-
nement pour maladies fievres fort ardentes et aigues : ainsi le Chien tenant de ce naturel, n'a autre maladie que fievre, mais la fievre du Chien est ce que l’on appelle rage, parce qu'il est encores plus chaud que l'homme. Et comme on voit quand vne humeur melancolique saisit les esprits, faire differents etfects en ceux qui en sont transportez selon le sujet qu'ils trouuent : Ainsi la rage est differente et plus dangereuse aux vas qu'aux autres Chiens, selon leur aage, l'exercice qu'ils font, le temps et saison de l’année, et leur nourriture et traitement : Car la rage est plus cruelle à vn Chien de moyen aage qu'elle n'est à vn ieune, plus dangereuse à vn Chien qui court souuent qu'à celuy qui n’est en aage de courre.Celuy qui enrage aux iours caniculaires est plus à craindre que celuy qui tombe malade au Printemps ou autre saison : Le Chien mal nourry sera plustost touché de la rage que celuy qui l’est bien, d'autant qu'il a le sang plus facile à corrompre. Le vieil Chien s’il enrage ne peut estre trop furieux, ou meurt incontinent : car la chaleur et le venin qui cause la rage, a aucunement perdu sa force et malice pour la vieillesse. Et partant nous dirons qu’il y a six especes de rage. La premiere et pire de toutes, s'appelle rage enragée : Les Chiens qui en sont touchez crient et hurlent à voix cassée et en-
roïüée, pour la seicheresse grande qu'ils ont au gosier, quand ils vont partout mordans hommes, bestes et tout ce qu'ils rencontrent, car le venin de la rage leur a tellement troublé les sens, qu'ils ont perdu toute connoissance, leur morsure est tres dangereuse, et à grand peine en peut eschapper celuy qui en est atteint, d’où sort le sang, car le venin penetre si soudainement iusques au dedans, et saisit les parties nobles, que la vertu d'icelles est incontinent abbattuë, et voit-on plustost les signes de la mort que les remedes n'y peuuent estre appliquez.
L'autre rage est approchante de la premiere, et toutes-fois differente en vne chose, c'est que le Chien euragé ne s’attache point aux hommes, ains seulement aux bestes, sa morsure est autant perilleuse que l’autre : Et parce que le Chien ne s’arreste en aucun lieu, courant ça et là, elle s'appelle rage courante. Il ne se faut esbahir si tel Chien ne mord les hommes : car le venin de la rage n'a encore acquis telle mauuaisüé, qu'il luy face du toui perdre le sens : mais luy demeure quelque petite scintille de iugement et discretion dont il reconnoist l'homme, duquel il est naturellement amy: on lient ces deux rages estre fort contagieuses pour les autres Chiens, encores qu'ils ne soient mordus : c’est par ce que l'haleine qui leur sort des nazeaux
se communique à l'air qui les enuironne, lequel estant infecté et corrompu, est attiré par les autres Chiens : puis estant paruenu au cœur, les esprits et les sens en recoivent la contagion. Ce qu'il ne faut trouuer estrange, car l'on voit le semblable tous les iours entre ceux qui hantent les ladres et pestiferez. L'autre et troisiesme rage se nomme tombante, pour autant que comme ils cuident cheminer ils vont chancelant sans se pouuoir soustenir, ainsi tombent et meurent : La cause de cela. est que le venin n'en estant si violent et pernitieux, elle n'est si dangereuse et contagieuse que les deux autres. La quatriesme rage s'appelle rage eflanquée, car ils sont cousus par les flancs, bastent grief, et ne veulent manger, tiennent la teste et le regard bas, et quand ils vont leuent haut les pieds et chancelent : Ceste rage vient aux vieux Chiens, et autres qui sont rompus et vsez d’auoir trop courru, et principalement quand ils sont mal couchez, traitez et nourris : car il faut que l'emmaigrissement soit commencé longtemps deuant que la rage soit venuë. Tels Chiens enragez ne sont dangereux, parce qu'ils sont sans vigueur, et n'ont force de mal faire, ils meurent comme en langueur et faute de nature. L'autre rage se nomme endormie, parce que les Chiens sont tousiours couchez, et faisans semblant de
dormir, meurent ainsi sans manger, cela prouient quand l'humeur froide et chaude se rencontrent dans le cerueau : Si la chaude surmonte la froide, il tombe en vne dormeuille, que l’on dict communement: mais si l'humeur froide abonde plus que la chaude, le Chien dort plus qu’il ne vueille, et ne s’amuse cependant à mal faire. Parquoy telle rage n’est dangereuse, et n'est sans cause qu’on appelle vn Chien enragé, fol, et dict-on communement qu'il folie, par ce que le cerueau est la partie qui souffre le plus en toutes sortes de rages. Toutes-fois il y en a vne entre les autres, qui s'appelle rage de teste, parce que la teste leur deuient grosse et enflée, que les yeux pareïillement se monstrent si gros qu'ils semblent sortir de la teste, ce qui procede de la grande abondance de sang chaud et ardent, lequel estant renuoyé du cœur au cerueau s'espand cà et là, et cause telles enflures. Tel Chien ne fait aucun mal, càr l’affluence du sang luy en oste toute enuie. Ie n’ay iamais veu guarir Chien du tout enragé, de l’vne de ces manieres de rage : mais beaucoup de gens estiment vn Chien enragé, lequel quelquefois ne l’est pas. Quand vn chien voyant l’eau tremble et dresse le poil, c'est mauuais signe, qu'il a les yeux rouges et chancelans, le regard de trauers, la veuë immobile, comme fichée en vn mesme
lieu : il penche la teste contre bas, il court la gueule ouuerte, il tire la langue, jette de l’escume des nazeaux, il pousse bien fort du nez, mord les autres Chiens en festoyant de la queuë, les fleurant premierement, et a les babines d'en haut qui couurent les dents si retirées, que l'on peut aisément aperceuoir par au dessous : il chancelle ca et là, et s’aheurte à toute chose qu'il rencontre, et ne reconnoist le plus souuent maistre ny maison où il a prins sa nourriture, ce sont tous signes de rage : mais la plus asseurée preuue qu'on y puisse auoir, est le séparer des autres trois jours naturels, pendant lesquels s'il ne veut manger chair ny autre chose, il le faut tenir pour enragé, et qu'il ne viura que neuf jours pour le plus. Pour guarir vn Chien mordu d'vn autre enragé, il luy faut appliquer les remedes le plus tost qu’on peut, apres sa morsure : Car peu en eschappent, quand la maladie a saisi le corps: Car s’il passe vn iour naturel, ie n’oserois entreprendre le guarir des deux premieres rages que j'ay dictes, mais il le peut estre des autres, parce que non contagieuses, il n'y a peril pour ceux qui les pansent. Toutesfois il ne faut S'endormir à y pourueoir, quand bien le Chien enragé n'auroit fait qu'vne petite impression de la dent à celuy qu’il a mordu :
car vn petit et moins que rien d’escume de laissée
à la playe apres la morsure engendre vne vapeur qui est si pernitieuse qu'elle pourrit le sang, et corrompt toute sa substance; et se decouure plustost la rage aux Chiens apres la morsure, quaux hommes. Parce que leur naturel est preparé pour receuoir vne telle contagion, ainsi que i'ay cy dessus dict: il ne faut donc negliger la morsure d'vn Chien, ains y appliquer promptement les remedes, dont il y a de plusieurs manieres. Premierement faut auoir esgard à la playe, si elle est grande, il faut laisser fluer le sang plus longuement qu'on pourra, afin qu'auec iceluy vne partie du venin se puisse euacuer, et quand le sang sera arresté, appliquer dessus la playe vne grande ventouse, auec grand feu pour attirer dauantage le venin qui sera delaissé en la playe : Sera bon la leuer par deux ou trois fois, et quand la remettre. Apres que la ventouse aura fait son effect, faut mettre par dessus vn poulet fendu par le milieu, et l'y laisser l’espace de six heures : car il n’a pas seulement l'efficace d'attirer à soy le venin, mais appaise la douleur et l’inflammation, si aucune en y à : Si la playe de la morsure est petite, il la faut scarifier et agrandir, puis y mettre et appliquer les ventouses et autres remedes comme dict est : il les faut seigner des veines qui sont au dedans des quatre jambes,
LA CHASSE ROYALE. pi de deux autres veines qui sont a costé du gros nerf, qui est dessous la langue, et de deux autres qui sont sur les deux yeux. Et parce que le plus souuent on n'a point de ventouse, promptement faut auoir recours aux remedes qui ont la vertu d'attirer du corps le venin, et le garder de passer outre. Le premier et plus facile à recouurer est de lauer les playes auec du fort vinaigre tout chaud, ou qui mieux est d'vne eau bouillie, auec racine d'vne herbe qu'on appelle patience, ou parelle : et quand la playe sera bien frottée et lavée, y mettre vn cataplasme fait d'oignons et ails cuits, ensemble y adioustant du gros sel puluerisé, et un peu de miei, les autres y appliquent ce qui en suit, qui est fort experimenté : va gros oignon lequel il faut cuire entre deux braises, puis le piler dans vn mortier auec bon teriac et metridat, autant de l'vn que de l’autre, siboules, de la ruë, et orties, en y adioustant sur la fin vn petit d'eau de vie. Et encores que les remedes qu’on applique par dehors attirent la maladie qui est dedans, si est ce que pour la mieux guarir, il est necessaire y remedier par dedans, et leur faire aualer quelques breuuages, qui aydent à nature à pousser dehors ce qui est dedans le corps, et partant faut prendre de la pimpernelle auec sa racine, la faire piller iusques à ce qu'il en sorte du ius, mesler ce jus
auec de l’huyle d’olif vierge, et la mettant dans vn cornet la leur faire aualer comme font les mareschaux, quand ils veulent baïller quelque medecine aux cheuaux, on leur en doit baiïller à chacune fois vne chopine tous les matins, par l’espace de quarante iours : Du suc qui reste de ladite pimpernelle en faire vne aumelette auec des œufs et du beurre frais, sur tout qu'il n'y ait point de sel, car il y est contraire : Puis leur en faire manger par autant de iours que l’on leur fait boire de ce dit breuuage. Communément aussi on leur brusle la playe auec vn fer chaud : apres qu'elle aura esté lauée par plusieurs fois auec de l’vrine, c'est pourueu que la partie où est la playe ne soit nerueuse, il est necessaire de continuer les remedes cy-dessus dicts; principalement ceux qui sont faits en forme de cataplasme l'espace de cinq ou six iours, puis entretenir la playe ouuerte, auec autres remedes communs aux autres playes, le plus longuement que l’on pourra : car il y a danger de la fermer plustost que l’on ne deuroit. On pourroit descrire plusieurs autres remedes, mais ceux Cy sont les principaux : Et s'ils ne guarissent de la rage, à grand peine le pourront faire les autres. le ne veux obmettre aussi à dire que les enuoyer a la Mer, à Monsieur S. Hubert, ou à l'Eglise de Monsieur $S. Denis en France, ce sont
remedes vsitez, desquels ie me suis bien trouué. Quand on les enuoye à la Mer les faut plonger en icelle sans qu'ils y pensent par deux ou trois fois, et les laisser boire tout leur saoul : afin que par ce moyen ils perdent la soif et la crainte de l'eau, qui sont les accidens qu'ils craignent le plus : Si vous estes trop loing de la Mer il les - faut plonger en quelque estang ou riuiere, ne plus ne moins qu'en la Mer.
