CHAPITRE XVIII

De la caquesangue et rongne des Chiens.

Es Chiens ont aussi vne autre sorte de ma-

ladie que l’on appelle caquesangue, qui leur vient quand ils ont fait grand effort, et qu’ils ont esté mouillez et en grand froid : ceste maladie est dangereuse, parquoy les faut separer tout aussi tost d’auec les autres. Le remede est premierement les tenir bien chaudement, et ne leur bailler rien de salé. Au commencement les nourrir d'vn potage fort espais, dedans lequel faut mettre de la terre sigillee, qui en pourra recouurer promptement : Si pour cela ils ne peuuent guarir, faut prendre de la bouillie de farine de febues aussi espaisse que colle et leur en faire

manger : Si c'est vn ieune Chien il ne faut d'en gunarir, Mais si ceste maladie accueille vn vieil Chien on le peut bien enuoyer à la riuiere : car des meshuy il ne seruira plus qu'à donner la contagion aux autres. Aussi sont ils suiets à vne autre sorte de maladie qu'on appelle galle, qui n'est moins contagieuse que les autres, pourquoy les faut aussi sepärer, il y en a de quatre sortes. La premiere est la rogne qui tient de lepre, ie dis de lepre, pource qu'elle fait des mesmes accidens aux Chiens que la ladrerie fait aux hommes : Le Chien qui en est malade a le cuir enflé, tout le corps en crouste, et la peau fenduë par plusieurs creuaces, cette galle est la pire de toutes, et ne vient communément à beaucoup de Chiens, mais quand ils l'ont on les peut bien tenir pour perdus, etencores qu'ils en guarissent ils perdent du tout leur vitesse, à cause que les vnguens dont il faut vser sont si corrosifs qu'ils leur corrompent les nerfs. Or pour en guarir fautnourrir le Chien de toutes les choses les plus froides que l’on peut trouuer, et faire vn vnguent pour le frotter de verd-de-gris, ius de genet, de vieil oing et de chaux amortie, et tout cela meslé ensemble l’en frotter. Il se peut encores guarir d'vne autre sorte, prendre du sublimé, du miel, de l'huyle de noix, et de l'herbe qu'on appelle ellebore, et tout cela meslé en-