LA CHASSE ROYALE. J

semble comme j'ay cy-dessus dict, en faire vn vaguent pour le frotter. L'autre rogne qui s’appelle volante est aussi contagieuse que l’autre, mais non si dangereuse pour le Chien : Et pour connoistre cette sorte de galle, il faut scauoir que au commencement qu'elle vient elle prend en vn endroict, puis en vn autre : Et comme elle est amortie en vn lieu, soudain elle renaist en vn autre. Pour en guarir il y a plusieurs remedes, desquels ie diray les deux principaux, l'vn est, comme vous verrez le Chien attainct de ceste maladie, en tous les endroicts où il en aura des taches, faut auec de l’huyle de vitriol y faire vn cerne par cinq fois differentes, de trois en trois iours, et si cela ne le guarit, il faut faire l’autre, à scauoir : prendre du vif argent amorty auec de la saliue d'homme à ieun, du souffre. et de ia graisse de Pourceau qui ne soit salée, et de tout cela faire vn vnguent pour le frotter, et certainement il guarira. Les deux autres sortes des galles, sont celles desquelles les Chiens sont communement attaincts, et quasi semblables, aussi se guarissent presque d'vne mesme facon : Il faut prendre d'vne racine d'herbe nommée luyne, et l'ayant coupée menuë la faire bouillir auec de l'huyle de noix, puis en frotter le Chien. Or il y a vne autre recepte meilleure que toutes, et encores que les

deux premieres rognes soient mal-aysées à guarir, si est-ce que si vn Chien ne fait que commencer d'en estre attainct, i'entreprendray de le guarir : et ce remede ie l'estime plus que les autres, pource que quand vn Chien en a esté pansé, il ne perd rien de sa vitesse non plus qu'il faisait auparauant : Cet vnguent se fait d'huyle de noix et de nauette, de soufre et de vieux-oing bien consommez ensemble. Ie ne veux obmettre qu’à chacune sorte de galle il est necessaire de seigner le Chien des deux jarrets de derriere, des veines qui sont au dedans, et des arcs. Voylà toutes les maladies des Chiens, et les remedes qu'il y faut faire, il est vray qu'aucunefois ils ont quelques degoustemens, mais c'est peu de chose, car d’eux mesmes ils se guarissent en mangeant quelques herbes quand on les meine à l’esbat.