CHAPITRE XIX

Comme il faut dresser vn valet de Chiens.

ae auoir descrit de la nature de la beste queie veux chasser, et des Chiens dontieme veux aider pour ce faire : Ie veux deduire par le menu la facon et condition qu'il faut qu'aye

va ValetdeChiens, et aussi vn Veneur. Premierement pour mieux faconner vn Valet de Chiens, on le doit prendre le plus ieune que l'on peut, comme dix à onze ans, aussi tost qu'il est dans le Chenil, faut luy faire apprendre le nom de tous les Chiens, et le faire connoistre à eux, à faire la paille, c'est a dire, la renouueler vne fois le iour, et mettre tousiours la vieille dessous, le tenir sujet à estre derriere les Chiens avec la gaulle pour les faire tirer apres le maistre Valet quand on les meine promener, qu’il rafraischisse deux fois le iour d’eau fraische dedans le Chenil, sur tout est necessaire qu'il y demeure et couche iour et nuict, qu'il apprenne à faire la marque aux Chiens, tant en escusson qu’autrement, qu'il scache comme il les faut seigner et panser des maladies qui leur suruiennent, comme j'ay escrit au chapitre qui en parle. Il ne peut apprendre tout ce que dessus qu'il n'y aille du temps, dedans lequel la force luy uient, l'entendement luy croist, et le iugement Iuy augmente : et selon que l’on connoiïst qu'il est gentil garcon, l’on le croist d'estat, comme de simple garcon de Chiens, l’on le fait maistre Valet, puis communement on ne le change plus : car ie diray auec verité qu vn bon Valet de Chiens sert autant à les rendre sages comme fontlesVeneurs. Le Valet de Chiens bien instruict pour rendre ses

Chiens auec bonne creance, les doit mener ordinairement deux fois le iour à l’esbat dedans le parc du Chenil, et les faire sortir du Chenil tous descouplez, et les accoustumer auec la crainte à demeurer tousiours derriere luy, si d'auenture il y a de ieunes Chiens que l’on ait de nouueau mis au Chenil, faut qu'il les couple auec les vieux, pour leur oster cette peur et frayeur qu'ils ont quand ils sortent d’auec le Gentilhomme qu'ils n’ont accoustumé d'esire auec tant de Chiens ensemble, car si du commencement vn ieune Chien prend vn effroy, l’on est longtemps auant que de le rasseurer, aussi au contraire si de ce commencement le Valet de Chiens auec douceur le rend familier à l'homme, il ne peut qu'il n’en soit beaucoup meilleur, tant pour auoir creance quand on le veut rompre, comme aussi pour estre plus aisé à reprendre quand on le veut faire. Puis quand ils ont esté quelque temps ainsi menez et couplez auec les autres, il les doit faire sortir decouplez comme les autres : Le Chien sage et obeissant à l'homme ne peut qu'il ne face bonne fin, ou il tiendra à celuy qui le dresse. Apres que le Valet de Chiens a fait faire cinq ou six tours à ses Chiens à son cul, comme j'ay dict cy-dessus, il les doit mener au ruisseau et fontaine, qui est dedans le pré : puis comme ils ont prins de l’eau, beu et lapé ce

qu'ils ont voulu, il les doit laisser en liberté. faire ce qu'ils veulent : et alors le bon Valet de Chiens doit auoir l'œil sur tous ses Chiens, l’vn apres l'autre, pour veoir qu'elle contenance ils font, de quelle alleure ils marchent : Et selon ce qu'il connoist el voit, iuger des maladies qu'ils ont, par les signes que j'ay deduicts cy-dessus, les panser d'icelles auec les remedes que l'ay pareillement escrits. le ne veux obmettre à dire qu'au sortir et entrer du Chenil, il faut que les garcons Valets de Chiens et le Maistre ayent le soin de peigner et bouchonner chacun des Chiens l’vn apres l'autre; car mener le Chien à l’esbat à son heure. le nourrir de bon pain et eau fraische, etle panser soigneusement de la main, est ce qui l'entretient en beauté, bonté et vigueur. Voilà ce qui me semble qu'il faut qu'vn Valet de Chiens scache pour estre digne de demeurer aupres des Chiens.