CHAPITRE XX

Des Veneurs.

A var que de parler des parties que doit auoir leVeneurpourestre parfait,ie veux dire qu'au temps passé il y auoit de deux sortes de Veneurs,

au lieu qu'il n'y en a maintenant que d’vne : car les vns et principaux estoient connoisseurs, qui alloient au bois, et laissoient courre les Cerfs, et les autres se nommoient Piqueurs, de facon que le connoiïsseur ne se disoit piqueur, et le Piqueur n'estoit connoiïsseur. En sorte que les Piqueurs estans à la queuë des Chiens, s'ils voyoient bondir le change, ou bien qu'ils reconneussent quelque chahgement de chasser à leurs Chiens, estoient contraincts, et l’art le vouloit, qu'ils les rompissent en brisant aux dernieres voyes qu'ils auoient chassé, et n’osoient passer outre que les connoiïsseurs ne feussent arriuez : Eux venus falloit qu'ils meissent pied à terre, et qu’auec grand iugement demeslassent le Cerf d’auec leur change, et ainsi le remissent deuant les Chiens. Tout aussi tost qu’il estoit relancé, les Piqueurs faisans leur estat suyuoient les Chiens, et les connoisseurs montans sur traquenarts suyuoient la Chasse de loing, iusques à ce qu'vn autre deffaut vint : ce qui causoit que les Cerfs duroient beaucoup d’auantage qu'ils ne font à present, pour la longueur qu'il y auoit à releuer les deffauts. Mais comme en toutes choses les hommes auec le temps et l’aage se subtilisent, et que ceux qui ont du iugement tirent profit de l'experience des choses, les Veneurs ont appris à faire l’vn et l’autre, de mode qu’il

faut estre Piqueur, ensemble connoisseur pour estre bon Veneur, c’est à dire ne perdre iamais ses Chiens de veuë quand ils chassent, et bien connoistre d'vn Cerf par les signes et iugements que ie descriray par cy apres. Et pour ce que en cela il y a beaucoup de peine et trauail, il faut que le ieune Gentil-homme que l’on veut rendre bon Veneur, soit bien sain, dispos et de belle taille, qu'il ait l’esprit bon, notamment le iugement prompt et vif, d'autant que la principalle partie de l’art consiste en la promptitude du lugement, et que le prouerbe dict que l’aage d'vn homme n’est suffisant pour bien et parfaictement apprendre vn art: Le plus ieune que l'on y peut entrer est le meilleur, et singulierement en celuy de la Venerie, auquel on voit et connoist chacun iour choses nouuelles, que la nature des bestes apprend aux hommes. Le point principal est de considerer que la force y soit pour porter la peine, il me semble que celuy qui est sain et bien composé peut commencer à douze ans, ayant en cet aage iugement pour apprendre et retenir ce que l’on luy peut monsirer par la veuë, et enseigner par l’ouye.