CHAPITRE XXI
Du iugement que l'on a d'un Cerf par le pied.
PE dict : pour dresser vn ieune homme à auoir connoissance d'vn Cerf par le pied, il faut que le Veneur qui le meine en aye vn dedans sa poche, et que comme il est au bois qu'il le pousse en terre si ferme que la marque en demeure empreinte : puis, qu'il appelle son disciple pour luy faire voir, et luy apprendre ainsi les connoissances qu'il y a: Mais ie ne suis de cet aduis d'autant qu'vn pied de Cerf s’estreissit et seiche, quand il y a quelque temps qu'il a esté leué du corps du Cerf. Il faut seulement quand l’on vient à trouuer les voyes d’vne beste, luy monstrer les connoiïissances qu'il y a, et par icelles iuger s'il est Cerf ou Biche. Phæbus dictaussi que toutes voyes où l’on peut coucher dedans les quatre doigts sont d'vn Cerf, Cerf de dix cors : et où l’on ne peut coucher que les trois, il peut estre Cerf de dix cors. Or ie diray auec verité que les voyes où l’on peut coucher quatre doigts, c’est d’vn Cerf : mais il ne s’ensuit qu’il soit grand vieux Cerf, et Cerf de dix cors. Tout Cerf qui a le pied grand et large ne l'ayant creux, n’est pas signe qu'il soit vieux:
LA CHASSE ROYALE. 63 Et mesmement quand il n’a pas les costez gros et espais. Encores que ceste facon de pied se les monstre plus que non pas le creux, si auec le grand pied il a les pinces grosses et larges, qu'il ait les os longs et creux, la iambe large, et bas joincte, c'est signe de vieillesse. Il y a vne autre facon de pied que l'on appelle pied rond, si vous voyez d'vn Cerf qui ait le pied court, qui n’ait les pinces roides, ains au contraire qui les ait aigues et trenchantes, que les costez du pied soient de mesmes, ces Cerfs là ont communement la iambe estroitte et les os fort desliez, ce n’est pas signe de vieillesse : mais si vous voyez va gros pied court, qui ait les pinces rondes et mousses, les costez du pied gros et combles, la jambe large, et les os courts et espais, c'est signe de grande vieillesse : Ces sortes de pieds là, tant grands pieds comme courts, viennent communement en lieux où n'y a point de marais. La premiere sorte de pied dont j’ay descrit, l’on l'appelle communement pied de veau, et la derniere trace de Sanglier. Au contraire, au pays de marais, les Cerfs qui ordinairement s'y nourrissent ont vne autre sorte de pied, car si vous voyez d’vn Cerf qui ait le pied plat et comble en tels lieux, vous pouuez iuger qu’il est ieune Cerf, et si d’auenture vous voyez qu'il ait les os longs gros ou creux, et la jambe large, il faut pre-
suposer que c’est vn Cerf depaysé, et qui vient d’vn pays sec : Car les Cerfs nourris en pays de marais sont tout ainsi que les cheuaux qui y sont nourris, d'autant que le pays est doux et mol, qui ne leur mange et ronge la corne : Le pied leur croist de teile facon qu'il deuient long et creux, encores quil n’aye les costez gros et espais, pourueu qu'il ait la pince ronde, c’est signe de vieillesse. Or en ceste facon de pied ils n'ont pas la fente si large que les autres : mais ils ont les os plus longs et plus creux, et ne faut irouuer estrange quand l’on voit les pieds de derriere de ces Cerfs là : car communement ils sont longs et si fort estroicts que l’on les couuriroit bien du poulce, ces Cerfs là sont Cerfs de repos. Au contraire les ieunes Cerfs en ce mesme pays ne laissent d’auoir le pied creux, mais ils ont les pinces aigues, et les os plus courts, et moins creux, et communement le pied de derriere meilleur, c’est à dire plus grand et plus large que les vieux Cerfs, ce n’estpasqu'ils ayent plus de corne au pied, mais comme ils vieillissent le pied se resserre, etse resserrant ne donne en terre sinon des deux costez du pied et de la pince, de sorte qu'il n’est si bon connoisseur qui n'y soit bien souuent trompé : ces pieds là communement s'appellent pieds de nasselle. Voila les trois sortes de pieds qu’ont les Cerfs : maïs
pource qu’il ne me suffit pas d'escrire seulement ces choses communes. le diray par le menu les connoissances qu il y a d'entre vn ieune Cerf et vne Biche : car iusques à ceste heure ie n'ay parlé que de la connoissance du vieux Cerf d'auec le ieune. Or tout Cerf qui porte six est connoissable d'auec les Biches, et celuy qui ne le peut connoistre n’est digne d'estre appellé Veneur, ce n’est pas qu'il ait le pied plus grand d'ordinaire que les bestes : Mais il y a deux choses à quoy c'est que l’on ne se peut tromper. L'vne est que si voyez d'vne beste qui ait le pied qui ressemble à celuy d'vn Cerf, et que vous en soyez en doute, considerez à la jambe quelle elle est, car iamais Biche pour vieille qu'elle fust n'eut la jambe si large qu'vn Cerf de six cors, et si d'auuenture vous luy trouuez plus large que l'ordinaire des Biches, considerez que les os en sont longs et creux, par cela vous pourrez iuger que c'est une vieille beste, et qu'estant vieille elle n’a pas assez de pied, ny les costez ny les pinces assez bonnes pour estre vieux Cerf, et aussi que les os en sont tousiours plus deliez, et communement sont plus hautes joinctes que les Cerfs : Au contraire vn ieune Cerf encores qu'il aye les costez du pied tranchez et la pince aiguë, si est ce qu'il a tousiours le pied de derriere meilleur, c'est à dire plus
grand, et la jambe plus large qu'vne vieille Biche. Les Cerfs qui ont la jambe large et neantmoings n'ont le pied bon, sont communement Cerfs de dix cors, sans estre grands vieux Cerfs, car c’est signe que la iambe et le pied de ces Cerfs là est en croissance, et que nature ne luy baïlle encores en cet endroïict sa nourriture.
