CHAPITRE XXII

. Du iugement du Cerf par les alleures.

A. auoir descrit ce peu que ie scay du iugement que l’on peut auoir d'vn Cerf de dix cors par le pied : Aussi il faut discerner vn ieune Cerf d’auec les Biches, ie veux dire la connoissance que l’on en a par les alleures : pour le tout mis ensemble, former vn iugement certain et asseuré. Or il y a de plusieurs sortes de Cerfs, les vns qui sont hauts sur jambés, et longs de corsage, les autres qui estans hauts sur iambes ne sont pas si longs : Il y en a aussi qui sont bas, et ne laissent pas d’auoir les alleures longues, il y en a qui en tout et par tout sont petits, tant de hauteur que de longueur, et de toutes ces quatres sortes, il ne laisse d'y en auoir de grands vieux Cerfs, Cerfs de dix cors, et aussi

de bien ieunes Cerfs, et chacune sorte a sa facon d’alleure, et sur chacune on peut asseoir iugement certain, tout Cerf qui a le corsage grand a par consequent les alleures longues, et toutesfois il ne s'ensuit que pour cela il soit vieux Cerf. Mais faut considerer si en marchant il laisse le pied de derriere bien loing de celuy de deuant, et de quelle sorte il le delaisse : car si ordinairement vous voyez que le pied de derriere demeure loing de celuy de deuant et vn petit en dehors, vous le pouuez iuger Cerf de dix cors, et tant plus il demeure loing, plus en dehors, et qu'il continuë à aller de ceste mesme facon vous le pouuez iuger grand vieux Cerf, vn des plus grands iugements qu'il y ait aussi de vieillesse; c'est quand il a tousiours le pied de deuant fermé, et que de la pince du pied 1l emporte la terre à luy et en arriere; si au contraire vous voyez que du pied de derriere, il se mesmarche, c'est à dire qu’il donne dedans celuy de devant, et qu'il ait les pinces du pied ouuertes, et qu'il ne donne gueres souuent des os ny de la iambe à terre, ce n'est pas signe de grande vieillesse : Ce qui fait que les vieux Cerfs donnent ordinairement du pied de derriere en dehors de celuy de deuant, c'est que comme ils sont plus gras, les entrecuisses estans plus pleines, cela leur fait ouurir les iambes de derriere, et les fait

marcherainsilarge.Ceste mesme raison d'ouurir le derriere aïnsi pesant, et le sumerchaige leur fait demeurer les alleures de derriere plus loing de celles de deuant, et tant plus vn Cerf est vieux plus est-il chargé de venaison. Et quant aux trois autres sortes de Cerfs dont j'ay parlé, s’ils n'ont les alleures si longues que les premieres, aussi le pied de derriere ne leur demeure si loing de celuy de deuant, mais tousiours faut-il qu'il jette en dehors, et qu’il ait la pince du pied fermée, qu’il donne souuent de la jambe en terre, et qu’il l’attire à soy de la pince du pied, comme l'ay dict cy-dessus, pour estre iugé vieux Cerf, et tant plus vn Cerf le fait plus est-il Cerf de dix cors : mais 1l faut noter que ces facons d’alleures ne leur durent sinon depuis le commencement d’Auril iusques au commencement de Septembre, car au commencement de Septembre la furie du rut qui les transporte les leur fait changer.