CHAPITRE XXII

Du iugement par les portées, frayées.

v temps passé les Veneurs appelloient ce que maintenant l’on dict portées frayées, à pre-

sent, nous vsons de l’vnet de l’autre, par ce que va Cerf entrant dedans le bois il le fraye et emporte auec lateste : C'est aussi la principalle connoissance que l’on a d'vu Cerf, apres les autres deux que j’ay escrites : mais i] faut noter qu'il y a des saisons où les Cerfs ne font point de portées à cause qu'ils n’ont leur teste entiere : Au moyen de quoy on ne commence à prendre iugement du Cerf par ce signe que depuis la my-May,que sa teste est plus que my venuë. Il faut aussi considerer en quel pays vn Cerfse rembusche, et par quel pays il passe : car si c'est en haute fustaye il ne fait point de portées, à cause que le bois est si fort, si clair semé, et loing à loing l’vn de l’autre, que quand bien les rencontreroit auec la teste, ne les pourroit ployer : Doncques le Cerf ne fait portées qu’en pays de tailles espoisses, et où le Lois se peut ployer. Il y a plusieurs sortes de portées, car les Cerfs qui ont la teste haute, ouuerte et bien perlée, emportent le bois en de dans, et escorchent l’escorce iusques à la queuë : Et quand on voit que la branche est escorchée depuis le haut iusques en bas, c’est signe que leur teste va tousiours en eslargissant contrairement, tels Cerfs n'ont la teste ronde, car ceux qui l'ont ne touchent que du milieu de leur marrin au bois, le bois ne laisse pas d'en estre ployé et emporté au dedans, mais les frayeures

n’en sont si longues, et si l'on voit qu'au haut des branches elles soient meslées ne demeurans en leur naturel, ployées et froïssées les vnes auec les autres, c’est signe de grande vieillesse. Et faut iuger que ces Cerfs là ont le chandelier en la paumure, ou que par necessité ils ayent quelques andoüilliers renuersez, qui ameinent et attirent ainsi le bois apres eux. Les ieunes Cerfs ne font telles portées, n’ayans la force d’emporter le bois qui est si fort, ains seulement ployent les petites-branches qui sortent, et n’ont encores force. Il est bien vray qu’il y en à de vieux si malicieux, mesmes ceux qui ont esté courus, qu'ils se ployent à l'entrée de leur rembuschement!, de telle sorte que l’on n’en peut auoir grand iugement : mais la recepte estentrer vn pas ou deux dedans le rembusechement, car s’il s’est feinct en entrant dedans le bois, comme il peut estre en liberté, il ne se contrainct plus : aussi faut-il prendre garde quand vous rembuschez vn Cerf au trauers d’vn fossé, car s'il le saute tout franc, il fait les portées de l’estomac si hautes et ouuertes que vous diriez que c’est de sa teste : Et alors il faut faire le mesme que ie viens de dire, en entrant vn peu plus auant

1 Rembuschement, c'est la rentrée d'un animal de la plaine au bois, comme on dit débucher lorsqu'un animal quitte le bois pour la plaine.

dedans le bois, ie n’escris point la difference qu'il y a des Biches, parce qu'elles ne font point de portées. Il me reste à descrire le jugement et connoissance que l’on a d'vn Cerf par les fumées.