V. 287-^)0 II
Guidiez vous, se me disiiez
vostre conseil celeenient,
que jel deisse a nule gent ? jk»
Je me leroie avant sanz faute
trere les denz l'un avant l'autre.
— Ha ! fet cil, por Dieu merci, sire
je ne sai que je doie dire . $24
ne que je puisse devenir ; mes je voudroie mieus morir que perdre ce que je perdroie se le voir dit vous en avoie ; j2«
, quar s'il estoit de li seù que l'eusse reconneù a jor qui fust a mon vivant... ! »
Lors dist li dus : Je vous créant ^32
seur le cors et l'ame de moi et sor l'amor et sor la foi que je vous doi sor vostre hommage, que ja en trestout mon eage î}6
n'en ert a créature née par moi novele racontée ne samblant fet grant ne petit. »
Et cil en plorant li a dit : j4o
« Sire, jel vous dirai ainsi ; j'aim vostre nièce de Vergi, et ele moi, tant c'on puet plus.
— Or me dites donc, fet li dus, 544 quant vous volez c'on vous encuevre,
savoit nus fors vous dui ceste oevre ? »
Et li chevaliers li respont :
(i Nenil, créature del mont. » J4«
Et dist li dus : « Ce n'avint onques :
comment i avenez vous donques,
ne comment savez lieu ne tens ?
— Par foi, sire, fet cil, par sens 552
que je vous dirai sanz riens tere,
quant tant savez de nostre afere. •<>
Lors li a toutes acontees
ses venues et ses alees, 356
et la couvenance première,
et du petit chien la manière.
Lors dist li dus : « Je vous requier
que a vostre terme premier 360
vueilliez que vostre compains soie
d'aler o vous en ceste voie,
quar je vueil savoir sans aloingne
se ainsi va vostre besoingne : 364
si n'en savra ma nièce rien,
— Sire, fet il, je Totroi bien,
mes qu'il ne vous griet ne anuit,
et, sachiez bien, g'irai anuit. » 5^8
Et li dus dist qu'il i ira,
que ja ne li anuiera,
ainz li sera solaz et geu.
Entr'aus ont devisé le leu 372
ou assambleront tout a pié.
Si tost comme il fu anuitié,
que assez près d'iluec estoit
ou la nièce le duc manoit, 376
celé part tienent lor chemin
tant qu'il sont venu au jardin,
ou Ji dus ne fu pas grant pièce,
quant il vit le chienet sa nièce 380
qui s'en vint au bout du vergier
ou il trova le chevalier
qui grant joie a fet au chienet
Tantost a la voie se met 384
li chevaliers et le duc lait,
et li dus après lui s'en vait
près de la chambre, et ne se muet ;
iluec s'esconsse au mieus qu'il puet ; 388
d'un arbre moût grant et moût large
s'estoit couvers com d'une targe
et moût entent a lui celer.
D'iluec vit en la chambre entrer 392
le chevalier, et vit issir
sa nièce et contre lui venir
hors de la chambre en un prael,
et vit et oï tel apel 396
comme ele li fist par solaz
de salut de bouche et de braz,
si test comme ele le choisi.
De la chambre vers lui sailli, 400
et de ses biaus braz l'acola
et plus de cent foiz le besa
ainz que feïst longue parole.
Et cil la rebese et acole, 404
et li dist : « Ma dame, m'am,ie,
m'amor, mon cuer, ma druërie,
m'esperance et tout quanques j'aim,
sachiez que j'ai eu grant faim 408
d'estre o vous, si comme ore i sui,
trestoz jors puis que je n'i fui. »
Ele redist : « Mon douz seignor,
mes douz amis, ma douce amor, 412
onques puis ne fu jor ne eure
que ne m'anuiast la demeure ;
mes ore de riens ne me dueil,
quant j'ai o moi ce que je vueil, 416
quant ci estes sains et haitiez,
et li très bien venuz soiez ! »
Et cil dist : « Et vous bien trovee ! »
Tout 01 li dus a l'entrée, 420
qui meut près d'aus apoiez fu ;
sa nièce a lavoiz bien connu,
si bien, et a la contenance,
que il est or fors de doutance, 424
et si tient de ce la duchesse
que dit lit ot a menteresse;
et moût li plest : or voit il bien
que cil ne li a mesfet rien 42R
de ce que il l'a mescreû.
Ilueques s'est issi tenu
toute la nuit, endementiers
que la dame et li chevaliers 4j2
dedenz la chambre en un lit furent
et saiiz dormir ensamble jurent,
a tel joie et a tel déport
qu'il n'est resons que le recort, 456
ne nus ne l'entende ne n'oie
s'il n'atent a avoir tel joie
que Amors aus fins amanz done,
quant sa paine reguerredone. 440
Quar cil qui tel joie n'atent,
s'il l'ooit or, riens n'i entent,
puis qu'il n'a a Amors le cuer :
que nus ne savroit a nul fuer 444
combien vaut a tel joie avoir,
s' Amors ne li fesoit savoir.
Ne teus biens n'avicnt mie a toz,
que ce est joie sanz corouz 44S
et solaz et envoiseûre ;
mes tant i a que petit dure,
c'est avis a l'amant qui l'a ;
ja tant longues ne durera, 452
tant li plest la vie qu'il maine,
que se nuis devenoit semaine
et semaine devenoit mois,
et mois uns anz, et uns anz trois, 456
et troi an vint, et vint an cent,
quant vendroit au definement,
si voudroit il qu'il anuitast
celé nuit, ainz qu'il ajornast. 460
Et en itel penssé estoit
icil que li dus atendoit ;
quar ainz jor aler l'en covint,
et s'amie o lui a l'uis vint, 464
La vit li dus au congié prendre
besier doner et besier rendre,
et oï forment souspirer
et au congié prendre plorer. 468
Iluec ot ploré mainte lerme,
et si oï prendre le terme
du rassambler iluec arrière.
Li chevaliers en tel manière 472
s'en part, et la dame l'uis clôt ;
mes tant comme veoir le pot,
le convoia a ses biaus ieus,
quant ele ne pot fere mieus. 476
Quant li dus vit clorre l'uisset,
tantost a la voie se met
tant que le chevalier ataint
qui a soi meïsme se plaint 480
l6 LA CHASTELAINE DE VERGI
de la nuit : si comme il a dit,
trop li avoit duré petit.
Et tel penssee et auteus diz
ot celé dont il ert partiz, 484
a cui il samble por la nuit
que failli ait a son déduit,
ne dujor ne se loe point.
Li chevaliers ert en tel point 488
et de penssee et de parole,
quant li dus l'ataint, si l'acole
et 11 a fet joie moût grant,
puis li a dit : « Je vous créant 492
que toz jors mes vous arriérai
ne ja mes jor ne vous harrai
quar vous m'avez de tout voir dit
et ne m'avez de mot mentit. 496
— Sire, fet cil, vostre merci !
mes por Dieu vous requier et pri que cest conseil celer vous plaise,
qu'amor perdroie et joie et aise 500
et morroie sanz nule faute, se je Savoie que nul autre ice savroit fors vous sanz plus.
— Or n'en parlez ja, fet li dus; 504 sachiez qu'il ert si bien celé
que ja par moi n'en ert parlé. »
Ainsi s'en sont parlant venu
la dont il estoient meû. son
Et cel jor, quant vint au mengier,
moustra li dus au chevalier
plus biau samblant qu'ainz n'avoit fait,
dont tel corouz et tel deshait 5"
en ot la duchoise sanz fable
qu'ele se leva de la table
et a fet samblant par faintise
que maladie li soit prise : ji6
alee est couchier en son lit
ou ele ot petit de délit.-
Et li dus, quant il ot mengié
et lavé et bien festoie, 520
si l'est tantost alez veoir
et la fist sus son lit seoir,
et a commandé que nului
ne remaingne leenz fors lui : 524
l'en fet tantost ce qu'il commande;
et li dus errant li demande
comment cist maus li est venu
et que ce est qu'ele a eii. ^28
Ele respont : « Si Dieus me gart,
je ne m'en donoieregart
orains, quaat au mengier m'assis,
que greignor sens et plus d'avis 532
n'avez en vous que je n'i vi,
quant vous tenez plus chier celi
que je vous ai dit qui porchace
qu'il a moi honte et<iespit face; 5}6
et quant vi que plus biau samblant
li feïstes que de devant,
si grant duel et si grant ire oi
qu'ilueques demorer ne poi. 540
— Ha ! fetli dus, ma douce amie.
sachiez, je n'en croiroie mie
ne vous ne autre créature
que onques por nule aventure 544
avenist ce que vous me dites
CbasI. de Vergi. 4
l8 LA CHASTELAINE DE VERGI
ainz sai bien qu'il en est toz quites, n'onques ne penssa de ce fere, tant ai apris de son afere : >4«
si ne m'en enquerez ja plus. »
Atant se part d'iluec li dus ;
et ele remest moût penssive,
qje ja mes jor que ele vive,. iS^
une eure a aise ne sera
devant que plus apris avra
de ce que li dus li desfent
qu'ele ne li demant noient ; 556
que ja ne l'en tendra desfensse,
quar en son cuer engin porpensse
qu'ele le porra bien savoir,
s'ele s'en sueftre jusqu'au soir 560
qu'ele ait le duc entre ses braz :
ele set bien qu'en tel solaz
en fera, ce ne doute point,
mieus son voloir qu'en autre point. 564
Por ce adonc atant se tint,*
et quant li dus couchier se vint,
a une part du lit s'est traite ;
samblant fet que point ne li haite ,68
que li dus o li gésir doie,
qu'ele set bien ce est la voie
de son mari mètre au desouz
par fere samblant de corouz. ^72
Por ce se tint en itel guise
que ele mieus le duc atise
a croire que moût soit irie ;
por ce sanz plus qu'il l'a besie 576
li dist ele : « Moût estes faus
