V. 481-545 ir
en ot la duchoise sanz fable
qu'ele se leva de la table
et a fet samblant par faintise
que maladie li soit prise : 516
alee est couchier en son lit
ou ele ot petit de délit.
Et li dus, quant il ot mengié
et lavé et bien festoie, 520.
si l'est tantost alez veoir
et la fist sus son lit seoir,
et a commandé que nului
ne remaingne leenz fors lui : 52^
l'en fet tantost ce qu'il commande ;
et li dus errant li demande
comment cist maus li est venu
et que ce est qu'ele a eu. 528»
Ele respont : « Se Dieus me gart,
je ne m'en donoie regart
orains, quant au mengier m'assis,
que greignor sens et plus d'avis 552;
n'avez en vous que je n'i vi,
quant vous tenez plus chier celi
que je vous ai dit qui porchace
qu'il a moi honte et despit face ; 556.
et quant vi que plus biau samblant
li feïstes que de devant,
si grant duel et si grant ire oi
qu'ilueques demorer ne poi. 540
— Ha ! fet li dus, ma douce amie,
sachiez, je n'en croiroie mie
ne vous ne autre créature
que onques par nule aventure 544,
avenist ce que vous me dites ;
Chast. de Vergi. >
ainz sai bien qu'il en est toz quites, n'onques ne penssa de ce fere, tant ai a'pfis de son afere : 548
si ne m'en enquerez ja plus. ^
Atant se part d'iluec li dus ;
et ele remest moût penssive
que ja mes jor que ele vive, 552
une eure a aise ne sera
devant que plus apris avra
de ce que li dus li desfent
qu*ele ne li demant noient ; 556
que ja ne l'en tendra desfensse, ^
quar en son cuer engin porpensse
qu'ele le porra bien savoir,
s'ele s'en sueffre jusqu'au soir 360
qu'ele ait le duc entre ses braz :
ele set bien qu'en tel solaz
en fera, ce ne doute point,
mieus son vouloir qu'en autre point. 564
Por ce adonc atant se tint,
et quant li dus couchier se vint,
a une part du lit s'est traite ;
samblant fet que point ne li haite >68
que li dus o li gésir doie,
qu'ele set bien ce est la voie
de son mari mètre au desouz
par fere samblant de corouz. 572
Por ce se tint en itel guise
que ele mieus le duc atise
a croire que moût soit irie ;
por ce sanz plus qu'il l'a besie ,76
li dist ele : « Moût estes faus
et trichierres et desloiaus,
qui me moustrez samblant d'amor,
n'onques ne m'amastes nul jor; 580
et j'ai esté lonc tens si foie
que j'ai creù vostre parole
que soventes foiz disiiez
que de cuer loial m'amiiez ; 584
mes hui m'en sui aperceùe
que j'en ai esté deceùe. »
Et li dus dist : « Et vous, a qoi ?
— Ja me déistes, par ma foi, 588 Pet celé qui a mal i bee,
que je» ne fusse si osée
que je vous enqueïsse rien
de ce que ore savez bien. 592
— De qoi, suer, savez vous, por Dé ?
— De ce que cil vous a conté, fet ele, mençonge et arvoire,
qu'il vous a fet pensser et croire. 596
Mes de ce savoir ne me chaut,
que j'ai penssé que petit vaut
a vous amer de cuer loial :
que c'onques fust ou bien ou mal, 600
mes cuers riens ne vit ne ne sot
que ne seûssiez ausi tost ;
et or voi que vous me celez,
vostre merci, les voz penssez. 604
Si sachiez ore sanz doutance
que ja mes n'avrai tel fiance
en vous, ne cuer de tel manière
com j'ai eu ça en arrière. » 608
Lors a commencié a plorer
la duchoise et a souspirer,
>' et s'esforça plus qu'ele pot. <
Et li dus tel pitié en ot 612
qu'il li a dit : « Ma bêle suer, je ne soufFerroie a nul fuer ne vostre corouz ne vostre ire; mes, sachiez, je ne puis pas dire 616
ce que volez que je vous die sanz fere trop grant vilonie. »
Ele respont isnel le pas :
« Sire, si ne m'en dites pas, 620
quar je voi bien a cel samblant qu'en moi ne vous fïez pas tant que celaisse vostre conseil ; % €t sachiez que moût me merveil : 624
qu'ains n'oïstes grant ne petit •conseil que vous m'eussiez dit, dont descouvers fussiez par moi ; , et si vous di en bone foi, 628
ja en ma vie n'avendra. »
Quant ce ot dit, si replora ; et li dus si l'acole et bese, et est de son cuer a malese, 652
-si que plus ne se pot tenir de sa volenté descouvrir.
Puis si li a dit : « Bêle dame, je ne sai que face, par m'ame, 656
que tant me fi en vous et croi •que chose celer ne vous doi que li miens cuers sache ne ot ; Tiies, je vous pri, n'en parlez mot : 640
sachiez, et itant vous en di, •que, se je sui par vous trahi, vous en receverez la mort. »
Et ele dist : « Bien m'iacort; 644
estre ne porroit que feïsse
chose dont vers vous mespreïsse. »
Cil qui l'aime por ce la croit
et cuide que veritez soit 648
de ce que li dist, puis li conte
de sa nièce trestout le conte,
comme apris l'ot du chevalier,
et comment il fu el vergier 652
en Tanglet ou il n'ot qu'eus deus,
quant li chienés s'en vint a eus ;
et de l'issue et de l'entrée
li a la vérité contée, 6$6
si qu'il ne li a riens teii
qu'il i ait oï ne veû.
Et quant la duchoise l'entent
que •cil aime plus bassement 660
qui de s'amor l'a escondite,
morte se tient et a despite ;
mes aine de ce samblant ne fist,
ainçois otroia et promist 664
au duc a si celer ceste oevre
que, se c'est qu'ele le descuevre,
que il la pende a une hart.
Et si li est il ja moût tart 668
d'à celi parler qu'ele het,
des icele heure qu'ele set
que ele est amie a celui
qui li fet et honte et anui 672
por itant, ce li est avis,
qu'il ne vout estre ses amis.
Si afferme tout son porpens
que, s'ele voit ne lieu ne tens 676
