LA CHASTELAINE DE VERGC

ne comment savez lieu ne tens ?

— Par foi, sire, fet cil, par sens 553 que je vous dirai sanz riens tere,

quant tant savez de nostre afere. »

Lors li a toutes acontees

ses venues et ses alees, 5^6

et la convenance première,

et du petit chien la manière.

Lors dis.tli dus : « Je vous requier

que a vostre terme premier î6o

vueilliez que vostre compains soie

d'aler o vous en ceste voie,

quar je vueil savoir sanz aloingne

se ainsi va vostre besoingne : 364

si n'en savra ma nièce rien.

— Sire, fet il, je l'otroi bien, mes qu'il ne vous griet ne anuit,

et, sachiez bien, g'irai anuit. » î6H

Et li dus dist qu'il i ira, que ja ne li anuiera, ainz li sera solaz et geu.

Entr'aus ont devisé le leu $73

ou assamblerent tout a pié

si tost comme il fu anuitié,

que assez près d'iluec estoit

ou la nièce le duc manoit; 576

celé part tienent lor chemin

tant qu'il sont venu au jardin,

où li dus ne fu pas grant pièce,

quant il vit le chienet sa nièce 380

qui s'en vint au bout du vergier

ou il trova le chevalier

qui grant joie a fet au chienet.

Tantost a la voie se met 384

li chevaliers et le duc lait,

et li dus après lui s'en vait

près de la chambre, et ne se muet ;

iluec s'esconsse au mieus qu'il puet : 588.

d'un arbre moût grant et moût large

s'estoit couvers com d'une targe

et moût entent a lui celer. • "

D'iluec vit en la chambre entrer 592-

le chevalier, et vit issir

sa nièce et contre lui venir

hors de la chambre en un prael,

et vit et oï tel apel 396.

comme ele li fist par solaz

de salut de bouche et de braz,

si tost comme ele le choisi.

De la chambre vers lui sailli, 400»

et de sds biaus braz Tacola

et plus de cent fois le bésa

ainz que feïst longue parole.

Et cil la rebese et acole, 404,

et li dist : « Ma dame, m'amie,

m'amor, mon cuer, ma drue rie,

m'esperance et tout quanques j'aim,

sachiez que j'ai eu grant faim 408-

d'estre ovous, si comme ore i sui,

trestoz jors puis que je n'i fui. »

Ele redist : « Mon douz seignor,

mes douz amis, ma douce amor, 412:

onques puis ne fu jor ne eure

que ne m'anuiast la demeure ;

mes ore de riens ne me dueil,

quant j'ai o moi ce que je vueil, 416

quant ci estes sains et haitiez,

et li très bien venuz soiez ! »

Et cil dist : « Et vous bien trovee ! »

Tout oï li dus a l'entrée, 420

qui moût près d'aus apoiez fii ;

sa nièce a la voiz bien connu,

si bien, et a la contenance,

que il est or fors de doutance, 424

et si tient de ce la duchesse

que dit li ot a menterresse ;

et moût li plest : or voit il bien

que cil ne li a mesfet rien 428

de ce que il l'a mescreû.

Ilueques s'est issi tenu

toute la nuit, endementiers

que la dame et li chevaliers 452

dedenz la chambre en un lit furent

et sanz dormir ensamble jurent

a tel joie et a tel déport

qu'il n'est resons que nus recort 456

ne ne le die ne ne l'oie,

s'il n'atent a avoir tel joie

que Amors aus fins amanz done,

quant sa paine reguerredone ; 440

quar cil qui tel joie n'atent,

s'il l'ooit or, riens n'i entent,

puis qu'il n'a a Amors le cuer :

que nus ne savroit a nul fuer 444

combien vaut a tel joie avoir,

s'Amors ne li fesoit savoir.

Ne teus biens n'avient mie a toz,

que ce est joie sanz corouz 448

et solaz et envoiseùre ; —

mes tant i a que petit dure,

c'est avis a l'amant qui l'a ;

ja tant longues ne durera, 452

tant li plest la vie qu'il maine,

que se nuit devenoit semaine

et semaine devenoit mois,

et mois uns anz, et uns anz trois, 456

et troi an vint, et vint an cent,

quant vendroit au definement,

si voudroit il qu'il anuitast

celé nuit, ainz qu'il ajornast. - 460

Et en itel penssé estoit

icil que li dus atendoit ;

quar ainz jor aler l'en covint,

et s'amie o lui a l'uis vint. 464

La vit li dus au congié prendre

besier doner et besier rendre,

et oï forment souspirer

et au congié prendre plorer. 468

lluec ot ploré mainte lerme,

et si oï prendre le terme

du rassambler iluec arrière.

Li chevaliers en tel manière 472

s'en part, et la dame l'uis clôt;

mes tant comme veoir le pot,

le convoia a ses biaus ieus,

quant ele ne pot fere mieus. 476

Quant li dus vit clorre l'uisset,

tantost a la voie se met

tant que le chevalier ataint

qui a soi meïsme se plaint 480

ï6 LA CHASTELAINE DE VERGI

de la -nuit : si comme il a dit,

trop li avoit duré petit.

Et tel penssee et auteus diz

ot celé dont il ert partiz, 484

i\ cui il samble por la nuit

-que failli ait a son déduit,

ne du jor ne se loe point.

Li chevaliers ert en tel point 488

•et de penssee et de parole,

quant li dus l'ataint, si l'acole

-et li a fet joie moût grant,

puis li a dit : « Je vous créant 492

•que toz jors mes vous amerai

ne ja mes jor ne vous harrai,

-quar vous m'avez de tout voir dit

«t ne m'avez de mot mentit. 496

— Sire, fet cil, vostre merci !

mes por Dieu vous requier et pri que cest conseil celer vous plaise, qu'amor perdroie et joie et aise «>oo €t morroie sanz nule faute,

se je Savoie que nul autre

ice savroit fors vous sanz plus.

— Or n'en parlez ja, fet li dus ; ^04 sachiez qu'il ert si bien celé

que ja par moi n'en ert parlé. »

Ainsi s'en sont parlant venu

la dont il estoient meû. 508

Et cel jor quant vint au mengier,

moustra li dus au chevalier

plus biau samblant qu'ainz n'avoit fait,

dont tel corouz et tel deshait 512