LA CHASTELAIXE DE VERGI

si se pensse, s'il la messert

et s'il par son mesfet la pert, 288

quant o soi ne l'en puet mener,

comment porra sanz li durer.

Si est en tel point autressi

corn li chastelains de Couci, 292

qui au cuer n'avoit s'amor non,

dist en un vers d'une chançon :

Par Dieu, Amors, fort m'est a consirrer

du dous solaz et de la compaingnie 296

et des samblanz que m'i soloit moustrer

celé qui m'ert et compaingne et amie :

et quant regart sa simple cortoisie

et les douz mos qu'a moi soloit parler, joo

comment me puet li cuers ou cors durer ?

Quant il n'en part, certes trop est mauves.

Li chevaliers en tele angoisse

ne set se le voir li connoisse, 304

ou il mente et lest le païs ;

et quant il est ainsi penssis

qu'il ne set li quels li vaut mieus,

l'eve du cuer li vient aus ieus 508

por l'angoisse qu'il se porchace,

et li descent aval la face,

si qu'il en a le vis moillié.

Li dus n'en ot pas le cuer lié, 312

qui pensse qu'il i a tel chose

que reconnoistre ne li ose.

Lors dist li dus isnel le pas :

« Bien voi que ne vous fiez pas 316

en moi tant com vous devriiez.