V. 287-350 II

Guidiez vous, se me disiiez

yostre conseil celeement,

que jel deïsse a nule gent ? 320

Je me leroie avant sanz faute

trere les denz l'un avant l'autre.

— Ha ! fet cil, por Dieu merci, sire,

je ne sai que je doie dire 524

ne que je puisse devenir;

mes je voudroie mieus morir

que perdre ce que je perdroie

se le voir dit vous en avoie, 328

et il estoit de li seû

que l'eusse reconneu

a jor qui fust a mon vivant ! »

Lors dist li dus : « Je vous créant 332

seur le cors et l'ame de moi

et sor l'amor et sor la foi

que je vous doi sor vostre hommage,

que ja en trestout mon eage 336

n'en ert a créature née

par moi novele racontée

ne samblant fet grant ne petit. »

Et cil en plorant li a dit : 540

« Sire, jel vous dirai ainsi ;

j'aim vostre nièce de Vergi,

et ele moi, tant c'on puet plus.

— Or me dites donc, fet li dus, 344 quant vous volez c'on vous encuevre, savoit nus fors vous dui ceste oevre ? »

Et li chevaliers li respont :

« Nenil, créature del mont. » 348

Et dist li dus : « Ce n'avint onques : comment i avenez vous donques,