Du chaslel cTEslocquihen » (Ms. Suppl. fr

38î CHRONIQUE , [1408J

traires et rebelles à leur seigneur et esmouveurs de peuple , soient bannis hors du pays de Liège , de la conté de Los et des apartenances. Et en oultre , sera crié par tous les pays de Liège et de la conté de Los , que aucuns ne reçoivent lesdiz conspirateurs ou aucuns d'iceulx, mais, s'il est aucun qui sache qu'ilz soient èsdiz pays , il sera tenu de iceulx prendre et amener à la plus prouchaine justice du seigneur, le plus tost qu'il pourra , sur peine d'estre puni de semblable punicion en corps et en biens comme seroient ou devroient estre telz conspirateurs punis. Et en cas que en faisant ou voulant faire leur devoir mort s'en ensuivroit, pour ceste cause riens ne leur en sera demandé du tout en tout.

Item, Ordonnent que les murs du chastel de Renin *, les portes et les tours , seront abatues et destruictes , tant en la valée comme en la montaigne , et les fossez remplis. Et ne sera icelle ville, plus réparée ne restorée ou temps avenir, de murs, de tours, ne de fossez.

Item. Pareillement sera fait de la ville , chastel et fortresse de Commun 1 ? tous les murs , tours et portes seront abatues et destruictes; et ainsi tous les murs des autres garnisons et défenses estans sur la rivière de Sambre. Tous les fossez seront remplis , et plus ne seront , ne villes , ne chasteaulx , ne autres défenses ou retrais, aux habitans desdictes villes ne autres quelconques par quelque manière , ou au temps avenir ne seront plus fortresses , ne les fossez plus refaiz.

1 . Lis. Thuin , comme dans Suppl. fr. 93. Thuin est situé sur la Sambre à quelques lieues en amont de Charleroy.