Sic dans Suppl. fr

[1408] DENGUERRÀN DE MONSTRELET. 383

Item. Que les portes de Dinant , les murs et toutes les tours , soient destruictes et abatues tout oultre le fleuve de Meuse et dedens ladicte ville , et quî par les habitans de ladicte ville , ou par autres quelconques, ne pourront pardurablement estre réédifiez par quelque manière.

Item. Que ceulx de ladicte ville de Culvin 1 , de Fossez f , Commun et Dynant , ne autres quelconques des autres villes , cité et pays , dès maintenant et pardurablement ne pourront estre réédifiez par eulx , ne par autre les faire refaire , ne réédifier les villes fermées, défenses et garnisons, en montant de Namur en Haynnau, entre les deux fleuves de Meuse et de Sambre. *

Item. Sera abatue et destruicte une des portes de la ville de Tongres , c'estassavoir celle qui regarde la ville de Trect *, avec quarante piez du mur de chascun costé de ladicte porte , sans ce que jamais puist estre réédifiée. Et avecques ce , ceulx de ladicte ville de Tongre seront tenus de remplir, ou faire remplir à leurs despens les fossez par eulx fais devant ladicte ville , en laquelle ils asségèrent leurdit seigneur.

Item. Pour ce que, à moult grans despens, coustez, mises et fraiz , ilz ont subjugué et mis en leur obéissance le pays de Liège dessusdit , et avecques ce ont eu en leurs pays grans pertes pour cause de faire ladicte subjection , comme il est assez notoire , ilz veulent et ordonnent que sur les héritages de ladicte cité , villes et pays dessusnommez, sera imposé, ceuilli et levé

i . Couvin , enlre Rocroy et Marienbourg.

î. Fosse, à l'Est de Charleroy.