Guillaume Cousinot

qui à nous est exposé cy en présent , nous touche comme de nostre seul frère, et le réputons à nous estre fait. » Et adonques ladicte duchesse, Jehan, son filz , et la royne d'Angleterre, sa belle-fille 1 , tous ensemble se gectèrent aux piez du Roy à genolz , et, en grans pleurs , lui requirent qu'il eust souvenance de faire bonne justice , et leur enseigna le jour dedens lequel il le feroit. Et après ces paroles prindrent congié et s'en retournèrent à l'ostel d'Orléans. Le second jour ensuivant , le roy de France , demourant en son palais , vint en la chambre de Parlement , qui noblement estoit préparée , et sist personèlement en siège royal. Ouquel lieu, en la présence de ses ducs et princes royaulx , avec plusieurs nobles , le clergé et le peuple, par bon conseil, fist un édict, et ordonna que s'il advenoit qu'il mourust avant [que] le duc d'Acquitaine , son premier filz légitime , n'eust aage compétent, non obstant ce, il vouloit qu'il gouvernast le royaume et en eust le régime , moiennant qu'en son nom et pour lui, de cy à tant qu'il auroit son aage, les trois eslats dudit royaume gouverneroient. Et s'il advenoit que sondit filz mourust avant son aage, il vouloit que son second filz, le duc de Touraine, en ce droit succédast. Et pareillement, se le duc de Touraine mouroit, veult que son tiers filz gouverne le royaume ainsi comme dit est. Lesquelles ordonnances , les devantditz princes royaulx, avec tous le conseil, conformèrent et l'eurent pour agréable. Et le quatriesnie jour de janvier la dessusdicte duchesse d'Orléans releva

1. Isabelle de France, veuve de Richard II, et alors femme de Charles d'Orléans.

[1407] DENGUERRÀN DE MONSXRELET. 171

pour elle et pour ses en fans, la conté de Vertus et toutes les autres seigneuries que tenoit son feu mary, et en fist serement et fidélité à la personne du Roy. Et après qu'elle ot prins congié , dedens aucuns briefs jours ensuivans se départi de Paris avec tout son estât, et s en retourna à Blois.