CHAPITRE XL

Comment le Roy enrôla ses ambaxadeurs devers le pape Bénédic , lequel envoya audit Roy lettres d'excommunication.

En ce temps vint à Paris , devers le Roy et devers les seigneurs qui estoient avecques lui , certains messagers. Lesquelz rapportèrent que le pape Bénédic et son adversaire ne se vouloient point déporter, ne délaisser la papalité comme ilz avoient promis, et enconvenancé de venir en la cité de Saxongne 1 et autres lieux , mais prolongèrent la besongne de l'universelle Église par dilacions de nulle value , très frauduleusement. Pour lesquelles nouvelles le Roy escripvit et fist savoir au pape par Jehan de Chastelmorant et Jehan de Cousoy*, chevaliers, ses ambaxadeurs', que ou cas que union ne seroit trouvée en l'Église universelle dedens le jour de l'Ascension lors prouchain venant, lui, le clergié , les nobles et le peuple de son royaume et du Daulphiné ne feroient plus obéissance à lui , ne à son adversaire, et que plus ne feroit, ne par ses subgetz ne soufïreroit à lui estre faicte aucune obéissance. De laquelle ambaxade , ne du contenu es lectres envoiées de par le Roy, icellui pape,, nommé Bénédic , ne rut point bien content , jà soit ce qu'il n'en mon-