PROLOGUE CAPITAL

ouR demonstrerà chascun populaire les grandes et merveilleuses hystoires du noble roy Gargantua, )'ay bien voulu prendre la peine de translater ceste présente hystoire de grec en latin et de latin en bon françoys, qui traicte de sa nativité et qui furent ses père et mère, comme vous pourrez ouyr cy après. Pour le commencement de ceste yraye cronicque vous debvez sçaroir comme nous tesmoingne Tescripture de plusieurs cronicqueurs , dont nous en laisserons aulcune, comme Guaguin, André, maistre Jehan Le Maire et plusieurs aultres semblables, lesquelz ne servent de riens à propos quant à ceste présente hystoire ; mais nous prendrons Tristan de Lyonnoys, Ysayc le triste, Huon de Bordeaulx, Jourdain de Blanes, Lancelot du Lac, Guerin Mesquin, Parceval le Gailoys, Mabriam, Ogier le Dannoys, les quatre filz Hemon, et tous les chevaliers de la table

ronde, et aultres semblables, dont en y a assez pour approuver la vérité de ceste présente hystoire, comme vous verrez plus à plain.

fL Comment au temps du bon rqy Artus estoit ung tresexpert nigromancien que on appelloit Merlin.

ous bons chevalliers et gentilz hommes, vous debvez sçavoir que au temps du roy Artus il estoit ung grant philosophe lequel estoyt tresexpert en Tart de nigromancie plus que nul homme du monde, lequel ne cessa jamais de secourir Testât de noblesse : dont il mérita par ses faictz estre appelle le prince des nigromanciens, lequel fut nommé Merlin. Il fut engendré sans père humain : car sa mère estoit une jeune fille devotte, laquelle conceupt d'img esperit fantasticque qui la nuyct la vintilluder, et en ceste illusion naturelle fut produicte aultre semence d'ailleurs, et alors conceupt ladicte jeune fille Fenfant qui fut nommé Merlin. Ledict Merlin fist de grandes merveilles, lesquelles sont ung peu fortes à croire à ceulx qui ne les ont vues. Ledict Merlin estoit du grand conseil du bon roy Artus, et toutes les demandes qu'il faisoit en la court dudict roy Artus luy estoient accordées et octroyées, fust pour luy ou pour aultres. llgarentist le roy et plusieurs aultres ses barons et gen-

tilz hommes de grans perilz et dangiers, et fist plusieurs grandes merveilles entre lesquelles- il fist une navire de mil cinq cens tonneaulx, laquelle alloit vagant sur terre ainsi que vous en voyez aller sur la mer; et fist plusieurs aultres merveilles, lesquelles seroyent trop prolyxes à racompter, comme vous pourrez veoir plus amplement cy-après.

fL Comment Merlin dict au roy Artus qu'il aurait beaucoup d'affaires contre ses ennemys.

PRÈS plusieurs merveilles faictes par ledit Merlin à la louenge et au prouffit dudit roy Artus, Merlin luy dist : « Treschier Sire et magna nime prince, vous aurez beaucoup

d'affaires à rencontre de vos ennemis. Parquoy sll vous plaist je y veulx remédier, puis que m'avez retenu à vostre service. Car tous jours n'y pourray estre, car je seray trompé et deceu par une femme à laquelle je aprendray plusieurs faictz et ars de nigromancie, dont après elle me enfermera en ung lieu dont ne partiray jamais; mais soyez seur et certain que tant que seray en mon libéral arbitre je vous garderay de la main de tous vos ennemis. » Atant parla le roy à Merlin et luy dist: «Dea, Merlin, est il point possible de éviter ce péril et passaige en baillant tout mon royaulme? — Non, sire, dist Merlin, non pas

pour tout le monde. » Adonc, luy dist le roy, qu'il fist ce qu'il luy plairoit et qu'il ne espargnast rien de ce qui estoit en son royaulme. Alors ledit Merlin remercia le roy de la belle offre que il luy faboyt, et luy, qui sçavoit toutes choses, c'est assavoir le temps passé, par ses artz, et le temps advenir, par le bon voulloir de Dieu, demanda et obtint congié du bon roy Artus et se fist emporter par son bon voulloir à la plus haulte montaigne d'Orient ; et avecques luy emporta une empolle, laquelle estoit plaine du ^n^ de Lancelot du Lac, qu'il avoit recueilly de ses playes après qu'il avoit tournoyé ou combatu contre aulcun chevallier. Oultre plus porta la rongneure des ongles des doys de la belle roync Geniefvre, espouse du noble roy Artus, qui pesoyent environ douze ou treize livres. Oultre plus porta certaines relicques secrettes : c'est assavoir de la mousse de la fontaine en laquelle Genius vient espandre le doulx brouet de génération, le tout spermatisé de souspirs transpersans ; et quant ledict Merlin se voit sus le hault d'icelle montaigne, il fist une enclume d'acier grosse comme la tour de Montlehéry et des marteaulx à ce convenables jusques au nombre de troys. Lesquelz, par ces artz, il fist que ilz frappoyent si impétueusement sur ladicte enclume que il sembloit que ce fust fouldre qui descendit du ciel. Et le tout ce faisoyt par compas.

flJ Comment Merlin fist apporter les ossemens de deux balleines pour faire les père et mère de Gargantua,

iFijANT Merlin eut entendu ses mar* le aulx si bien forger et qu'ilz estoyent si bien d'acord, il fist apporter les ossemens de une bal-

îiieine masculine et les arrousa du sang qui estoit dedans ladicte empoUe, puis les mist sur ladicte enclume, et en brief furent tous consumez lesdists ossemens et du tout mis en pouldre, et adoncques, parla chaleur du soleil, de l'enclume et desdicts marteaulx, fut là engendré le père du puissant roy Gargantua, par le moyen d'un peu de pouldre d'oribus. Après ledit Merlin fist apporter les ossemens de la balleine féminine, avecques les quelz mesla les susdictz ongles de la royne avecques ladicte mousse notablement spermatisée, puis mist le tout sur l'enclume, comme ja avoyt (aict, et de icelles besongnes fiit faicte ladicte mère du dict Gargantua, par le moyen de ladicte pouldre d'oribus.

fC Comment Merlin fist une merveilleuse jument pour porter les père et mère dudit Gargantua.

UTS après que ledict Merlin eut î achevé ceste merveilleuse besongne, il n'eust pas si tost posée la I dicte pouldre pour faire ceste J femme comme dict est, que subit ilvist rhomme qui estoyt ja de la grosseur d'une balleine et de longueur avoit à Tequipolent comme doibt estre ung droict homme. Ce voyant, Merlin gecta son sort sur luy et le fist dormir jusques au neufsriesme jour, auquel devoit estre la femme faicte. Lx)rs ledict philosophe Merlin, voyant le géant endormy, proposa luy faire une beste pour le supporter, et pour ce faire regarda tant çà et là qu'il vit les ossemens d'une jument, lesquelz il print, puis les mist surrencîùme et en Rst une si grande et puissante jument, par le moyen de ladicte pouldre d'oribus, qu'elle les povoit porter tous deux aussi facillement que iaict ung cheval de dix escutz au soleil ung simple homme. Et après ce faict, ledict Merlin la envoya paistre aval la montaigne.

fjj Comment Merlin rompit les enchantemens.

jluANT Merlin eut faicte ceste grande et merveilleuse jument, il rompit tous les enchantemens et lors aperceut que la femme estoit ja faicte !lde la grandeur et grosseur de rhomme. Et tout subit Thomme se prent à regarder la femme. Puys luy dist ainsi : « Que fais tu là, Gallemelle?» Respond la femme : t Je te attens,grant Gosier mon amy.» Âdonc Merlin se print fort à rire et leur dist que ces parolles estoient fort belles et que il voulloit qu'ilz eussent ainsy nom. Adoncques adviserent ledit Merlin et luy firent grant honneur comme à leur souverain seigneur. Puis Merlin leur fist grant chère et leur dist: «Allez aval ceste montaigne et me amenez une jument que vous y trouverez. »

Il Comment Grantgosier et Gallemelle allèrent quérir la jument et engendrèrent Gargantua,

DONC par le commandement de Merlin, Grantgosier et Gallemelle se descendirent au bas de la montaigne pour aller quérir la grant jument. Grantgosier, qui fut le premier au bas de ladicte montaigne, regardoir

— lO —

venir Gallemelle sa femme et prenoit fort grant plaisir à luy regarder Tentredeux de ses chausses» car ilz estoient encorcs tous deux nudz. Âdoncques que la dicte Gallemelle fut descendue, Grantgosier luy demanda : « Qu'esse là, Gallemelle maroye? qui t'a faict ceste ouverture? » Adonc elle luy respond, en eslargissant les cuysses, que ceste playe luy estoit venue de nature. Lors Grantgosier regardant ceste playe, qui estoit large et rouge comme le feu sainct Ânthoine, le membre luy va incontinent dresser, lequel estoit aussi gros comme le ventre d'ung baril à harenc et long à Tadvenant, puis dist à Gallemelle : « Mamye, je suis barbier devenu, il fault que je regarde se vostre playe est point dangereuse.» Alors print son membre, puis luy a dist que c'estoitung esprou* vette de laquelle il pourroit facillement sçavoir et congnoistre se elle estoit bien profonde. Mais il n'y sçeut oncques trouver ne fons ne rive, nomplus qu'en la mer Rouge. Touttesfoys si bien leur aggrea le jeu qu'ilz engendrèrent le puissant Gargantua, lequel, après sa nativité, creut si bien et si beau que à troys ans il avoit bien troys cens soixante sept couldées de hault. Après qu'ilz eurent bien faict tout leur deduyct, ilz menèrent la grant jument à Merlin, comme il leur avoit enchargé. Lors ledict Merlin leur dist : « Vous avez engendré un beau filz, lequel fera grans faictz d*arn)es et secourra le roy Artus à rencontre de tous ses ennemys, et pourtant vous le dcbvez bien traicter et nourrir : car ainsi le vueil et le vous

comcoaade, et aussi que faciez bonne provision (ie vivres pour quant il sera né sur terre. Outre plus, i^e vous dictz que je ne seray plus avedques vous. Et vous commande, sur peine de me désobéir, que, quant vostre filz sera en Taage de sept ans, que vous deux le amenez à la court du noble roy Artus, en la Grant Bretaigne, et que appor-^ tez auicunes choses de par deçà pour monstres* et manifester vostret grant puissance. » Adoiic dist Grantgosier : c Treschier seigneur, comment trouverons nous le chemin quant jamais nous n'y fusmcs ?» Se leur dist Merlin : « Voicy que vous ferez : vous tournerez la teste de vostre ju^ ment vers Occident et puis la laissez aller, et el)e vous conduyra bien sans faillir. » Grantgosier n'estoit point d'oppinion de partir de ce lieu là sans la présence dudict Merlin, car il luy dist : « Gentil seigneur, tu scez que Gallemelle et mov sommes de grande stature^ par quoy ne pourrions trouver de pain ne de vivres facillement pour elle ne pour moy : que veulx tu que nous facions, si tu ne nous y ordonne la manière d'en avoir, veu que tous les boulengiers de ce pays icy ne veul* lent Êdre du pain que par compas, à cause qu'ilz 3Qnt moncqpoUe tous ensemble affin de le tenir tousjours cbier, et d'aultre part ceulx qui y deus»sent mettre ordre sont ceulx qui en ont à vendre; parquoy ilz senfifrent tout et ont noncballoir de la misère tt paovreté de la commune, mais, qui pis est^ prennent argent des amasseurs de bledz qui tous les ans sont faictz et duiatz de les

serrer et amasser, de gentilz hommes et aultres personnaiges riches qui en ont. Et quant ilz ont ainsi tout desgarny le pays, ils tiennent leurs bledz en grenier et les mettent à tel pris qu'ilz yeullent , dont le monde a beaucoup à soufifrir. n Loçs respond Merlin : a Vous dictes la vérité. Je m'en voys vers le roy de ce pays à celle fin de le advertird'y faire pourveoir et mettre bon ordre. » Ce qu'il fist incontinent, car, la remonstrance de Merlin ouye, le roy envoya ses commissaires par le pays, lesquelz firent pendre tous les courtiers de bledz aux goustieres de leurs maisons et tous leurs biens declairez confisquez; les boullengiers qui avoient monopoUe ensemble furent pugnis du fouet et par la bource; et fiit toute la pollice reformée, dont tout le pays vallut beaucoup mieulx (si l'on faisoit ainsi par tout maintenant, ce seroitbienfaict).Âdoncques Grantgosier et Gallemelle chargèrent leur jument de grans pains, mais tout premièrement ilz en mengerent plus de quatre mille pains. Alors Merlin leur mist leur jument appoinct et se voullut départir d'eulx comme dict est, et print congié, dont ilz démenèrent si grant dueil queonleseust bien en tenduzde dix lieues, car ilzplouroient si très-fort que deux moulins eussent peu mouldre de l'eau qui leur sortoit des yeulx, et de leurs larmes se engendra une belle fontaine où l'on faict cuyre les œufs la vigille de Noël, le jour de Noël et toutes les ferics jusques au lendemain des Roys; et d'icellc fontaine sort, neuf jours devant la

sainct Jean, ung coq et une poulie qui tous les jours ponnent gros œu£z comme boisseaulx, que ceulx du pays prennent et les gectent en ladlcte fontaine la vigille de la sainct Jehan, desquelz œu£s s'engendrent tout soubdain deux pouUatrices, lesquelles sont plus grandes que hacquenées. Puis le roy les prent et les faict nourrir bien chierement, pour ce qu'ilz luy servent quant il veut aller en guerre, car ces poullatrices sont facilles à apprivoiser. Ilz se laissent monter sur le corps, sur lequel y a comme une chaire faicte, et ne fault synon que se bien tenir à de grandes plumes qu'ilz leurs procèdent de la creste, la quelle est plus reluysante que fin or. Et puys quant ce vient qu'ilz s'en vont en guerre et que le soleil frappe dessus leur dicte creste, elle rend telle clarté que tous les adversaires sont aveuglez. Et lesdictes poullatrices sont de telle nature et propriété que, quant elles haulsent leurs ongles elles renversent hoipme à cheval tous armez, qui est une beste inestimable. Ledit roy Artus en eut une, laquelle luy cousta bien ung milion d'or. Mais ceste pouUatrice estoit si tresvertueuse que elle portoit le roy Artus de son royaulme d'Angleterre jusques à Paris en ung jour, car die voUoit en l'air comme ung canard de rivière; et si avoit les plumes des aesles si tresfortes et si dures que, quant elle estoit en mutation et que ses plumes tomboyent, on en faisoit des pièces de artillerie, desquelles le roy Artus se servoit en guerre^ et estoit la

meilleure artillerie qui fust pour ce temps là e& tout le monde, car elle portoit bien vingt et sept lieues françoyses de drotcte visée, et d'ung seul coup eust bien fouldroyé la tour de Babillone, et du vent du boullet eust bien traversé toute la ville de Paris et les faulx bourgs sainct Marcel sans la raye.

f]^ Comment Grantgosier et Galletnelle &' en ailerent chasser pour passer Vennuy qu'il!( avqyejnt d'avoir perdu Merlin^ et comment ladicte Gailemelle conceupt Gargantua.

a s'en vont Grantgosier et Galle* melle chasser en une grant forest pour oublyer Tennuy quHlzavoyent du bon prophète Merlin, ou ilz trouvèrent un g grand troupeau de <:erfz. Lors Grantgosier alla après et en print environ vingt sept des plus grans, puis regarda derrière luy pour ce qu'il ne veoyoit point Gallemelle, car elle n'avoit point de coutume de demourer ainsi derrière. Adoncques chargea \tsdictes bestes sur son col pour aller veoir où elle estoyt demourée. Or nous dist le compte que, tandis que Grantgosier estoit ainsi eschauffé à chasser après ces bestes, Gallcmelle sentit le mal d'enfantement, et si ne sçavoit à qui se plaindre. Or estoit elle près de la montaigne des Faées, la quelle montaigne a plus de sept grans lieues de

tour. Et quant son grant mal la pressa tellement qu'elle ne se sçavoit contenir, elle se escria si treshault que toute ladicte montaigne se print à eroller comme si la terre eust tremblé. Lors yssirent de la montaigne les dieux Faunus et Silvanus, tous chanus et couvers de mousse, et sortit aussi environ cent Satyres et Sagittaires, pensant que le dieu Juppiter les eust invoquez ; d -aultre part sortirent une légion de Lutons regardant par les crevasses des arbres, lesquels? n'eussent osé remuer l'œil, craignans la fureur dés dieux. Mais à chef de temps au dernier cry de Gallemelle sortirent Morgain, Cibelle, Proserpine, Abellonne, Ysangrine, Cornalline, Ysabelle. Florentine et Philocatrix, qui estoit ayeulle de Melusine. Lesquelles, garnies de linges et de tous aultres acoustremens servans à ladicte délivrance de l'enfant, se trouvèrent toutes prestes de le recepvoir. De laquelle vision et apparition fut moult esmerveillée ladicte Gallemelle, car elle pensoit que ce fust la Vierge Marie et les unze mille vierges qui fussent venues à son cry. Lors la belle Ysangrine, la gente Cybelle et la doulce Morgain la couchèrent tout doulcement en une belle prée, laquelle tapissée de beau velours vert, en laquelle prée estoyent certains haulsemens si bien faictz et si bien appropriez qu'ilz ressembloyent estre beaulx lictz; et à l'heure que Gallemelle sentit son plus grant mal, la noble Proser« pine commença à déployer sa gorge si tresdoulcement et toutes les aultres avec elle, que le

noble Titan, au signedeScorpio,se arresta troys heures; la Lune, in Libra^ six heures; les vens, s^ns aliéner, troys jours, et les arbres, sans oser remuer une seule fueille, troys moys. Tous dieux, semidièux, nymphes, paranymphes, déesses et aultres se monstrerent fort serviables audict enfantement. Car la mélodie endormit Gallemelle tellement que l'enfant sortit tout à son aise sans qu'elle sentist aulcun mal, et estoit aussi grant que est ung homme de XXVII ans de ceulx de maintenant, et le receurent bien joyeusement Ysangrine et Cornalline, Ysabelle et Philocatrix, le nettoyèrent et le baignèrent en ung grant bassin de faerie tout d'or massif, lequel tenoit du moins sept pipes et demye d'eaue. Madame Cybelle l'avoit emply d'eaue rose sentant plus fort que basme. Il y avoit tout joingnant ladicte montaigne une église où residoit ung herniite au quel, après avoir donné la destinée à l'enfant, le portèrent, et le baptisa ledit hermite sus la chaussée d'ung grant estang qui estoit joingnant d'icelle église. Le clerc dudit hermite fut son parrain, Morgain et Philocatrix furent ses marraines.

L'hermite estoit nommé Guybert, et son clerc avoit nom Pacollet. Mais l'ordre de faerie voulut et ordonna qu'il fust nommé Gargantua, car il avoit ainsi esté prédestiné des dieux. Puis, après le mystère du baptesme faict et accomply, les Faées se esvanouyrent et laissèrent ledit enfant pendant aux mamelles de sa mère, laquelle se esveilla quant Grantgosier retournoit de la chasse.

lequel estoit chargé de vingt sept grans cerfz , comme dit est. Quant il fut bien près d'elle, il advisa qu'elle estoyt accouchée et apperceut que c'estoit d'ung enfant masle. Adonc il dist tout hault Gargantua , lequel est ung verbe grec qui vauit autant à dire comme tu as ung beau fîlz. Adonc la mère dist qu'elle vouloit qu'il eust ainsi nom. Donc le père fut bien d'acord, non saichant qu'il eust ainsi esté prédestiné et nommé par les Faées. Lors prindrent leur en^t Gargantua chascun par une main et le menèrent à la montaigne où ilz faisoyent leur demeurance. Aulcuns acteurs veullent dire que ledit Gargantua fut totallement nourry de chairs en son en£ance ; je dictz que non, ainsi que dit Morgain et plusieurs aultres : car sa mère povoit bien porter à chascune de ses mammeiles cinquante pipes de iaict. Le pere^et la mère prenoyent fort grant plaisir à le nourrir, car il leur faboit tout plain de petit passetemps. Auicunes foys il se esbatoit à jecter des pierres du hault de la montaigne, comme font petis enfisins, lesquelles n'estoyent point moindres de la pesanteur de troys pipes de vin. Et par foys s'alloit esbatre en la forest, comme font jeunes jouvenceaubc ; et quant û veoit aulcun oyseau, pour son plaisir luy jectoit quelques pierres, lesquelles n'estoyent pas moins grosses que deux meuUes de moulin, et si ne luy pesoyent comme rien en la main.

Il Comment Grantgosier et Gallemelle pensèrent de leurs affaires pour aller cherchier Merlin à la court du noble roy Artus.

RANTGosiER et Gallemelle adviserent que leur fîlz estoit ja grant et bien nourry et que les sept ans s*approucherent qu'il falloit qu'il menassent leur fîlz Gargantua à la court du roy Artus, ainsi que leur avoit dit Merlin à son département. Lors s'en va Grantgosier d'ung costé et sa femme de l'autre pour pourchasser des vivres, lesquelz firent tant que en peu de temps ilz en eurent assez pour parfaire leur voyaige, fors de marée fresche. Mais Grantgosier reconforta Gallemelle et luy dist ^ que chascun pays s'en estoit foumy. Lors chargèrent leurs vivres sus la grant jument, qui cstoyent bien, à l'estimation, de cinq cens charges de pain et de chair fresche et sallée, sans les saulcisses ; de vin ne firent aulcune provision pour lors. Puis, leur charge ainsi faicte, tournèrent la grant j ument la teste vers les parties d'occident, ainsi que leur avoit conseillé le bon prophète Merlin à son département. Puis baillèrent à leur fîlz Gargantua une verge pour toucher ladicte jument, laquelle estoyt bien aussi grande comme est le mastz de la grant navire françoyse qui est au port de Grâce. Au regard de Grantgosier et Gai-

lemelle ilz prindrent chascun un grant rochier et les mirent sus leur teste pour monstrer leur puissance au bon roy Artus quant ilz seroyent en son royaulme, comme leur avoit dict Merlin, desquelz rochiers vous oirez parler plus amplement cy après.

fL Comment ledict Grantgosier et sa femme se misrent à chemin^ et des grans boys etforest\ de Champaigne et de la Beaulce,

ANT a cheminé Grantgosier et sa compaignie par leurs journées qu'ilz sont arrivez à Romme, et de là sont venuz en Allemaigne et en Suisse, puis en Lorraine et au pays de la grant Champaigne, où il y avoit pour lors de grans boys. Et de celuy temps on commençoit à abbatre les grans forestz par les quelles failloit qu'ilz passassent leur chemin. Alors que la grant jument fut entrée dedans, les mousches se prindrent à la mordre au cul et la mordirent jusques au sens. Ladicte jument, qui avoit la queue longue de deux cens brasses et grosse à Tadvenant, se print si fort à esmoucher que pour lors vous eussiez veu tomber et cheoir par terre ces gros chesnes ainsi que ce fust gresle qui cheust du ciel, et tant continua ladicte beste qu'il n'y demoura nul arbre debout que tout ne fust rué et renversé par terre. Et autant en fist elle en la

Beaulce, car de présent il n'y anulz boys, et sont contrainctz les gens desditc pays d*eulx chauffer de feurre ou de chaulme. Et Gargantua, qui suyvott ladicte jument, ne la sceut oncques arrester, à cause desdictes mousches qui si fort la mordoyent au cul. Car en la suyvant se mist ung estoc de boys au petit orteil, lequel pesoyt bien troys cens livres, dont il se trouva fort blessé. Et se print fort à clochier et dist à son père et à sa mère qu'il se vouloit ung bien peu reposer, car il se sentoyt estre fort en malaise. Adonc s'en va endormir en une grant lande qui estoit près de là où alloyent les bergiers du pays aux champs. Et est à notter que, quant ledict Gargantua dormoit, il dormoit voulentiers deux ou troys moys sans soy resveiller. Merveilles y advinrent» car, ainsi que les brebis estoient aux champs^ advint qu*il y en eut qui allèrent passer et treppiner sus sa teste ; et y enavoit bien environ deux ou troys cens. Le preux et vaillant Gargantua, les sentans ainsi remouvoir, pensoyt en luymesmes que ce feussent poulx, car il les print entre ses ongles et les tua toutes, car il pensoyt que ce fussent des poulx. Or le bergier qui ce veoit fut moult esbahy, car il y estoit advis des cheveulx de Gargantua que ce fussent buissons, et pensoit en luymesmes que ce fust ung loup qui devorast ses brebis ; et se hasta d'y courir, et en courant cheut dedans la bouche du dict Gargantua, lequel dormoit la bouche ouverte, et cuydoit le povre bergier estre cheut en une abisme. Mais par le

vouloir de Dieu il se trouva en ung beau jeu de paulme, comme pourrott estre celuy de bracque, où est la fontaine, lequel estoit une de ces grosses dentz; et y fut tant que ledit Gargantua se resveilla, car il avoyt de coustume de dormir tousjours la bouche ouverte, à cause d'ung catarre qui le tenoit en le stomach; et quant ledit bergier en saillit, il avoyt si grant fain que plus n'en povoit, et y fust mort de fain ce n'eust esté que ung jour que ledict Gargantua mengeoirt du pain, et avoit si tresgrant fain qu'il le avalloit tout entier, tant qu'il en alla ung de travers, lequel cheut en ce jeu de paulme auquel estoit le povre bergier caché derrière ladite fontaine, dont il eust grant joye, et en vesquit tant qu'il fust enfermé leans, et quant il en fust hors il fist une orayson à Dieu par laquelle il le prioit qu'il luy pleust de le préserver et garder de plus chéoir en ce grant dangier, et disoit en ceste manière :

Dieu qui créa le firmament.

Plaise toy de moy préserver Du dangereux abismement Où j'ay esté si longuement En piteulx et cruel dangier.

Vivre sans boire et sans mangier, Comme l'on peult appercevoir, Mon Dieu, préserve le bergier Que jamais ne le puisse veoir.

Amen. Et bien dieu.

En après que le povre bergier fut ainsi eschappc

Gargantua s'en va resveiller; puys son père, sa mère et luy s'en allèrent jusques au rivaige de la mer où est de présent le mont Sainct Michel. Quant Grantgosier, Gallemelle et leur fîlz Gargantua furent au rivaige de la mer, ilz furent bien esbahis de veoir tant d'eaue. Lors Grantgosier apperceust Tremblejoue et ung grant prescheur d'andouilles nommé Pertsespeines, ausquelz il. demanda le chemin pour aller en la grant Bretaigne, où se tenoyt le bon roy Artus. Lesquelz luy dirent qu'il leur convenoit passer la mer s'il ilz vouUoient aller. Ce pendant Gargantua pensoyt son petit orteil et y mettoyt une tente, laquelle contenoit environ de troys à quatre toyses, et estoy t ladicte tente faicte du bout d'ung clochier d'une petite parroisse qui estoit là auprès, et oncques puys n'y eust clochier, duquel bout il en avoyt ostée la croysée ou estoyt le coq, car elle luy eust faict mal à sa playe à cause des croysons de fer qui y estoient, et ne mist gueres ladicte playe à estre du tout guarie. Et nottez qu'il faiUoit quatre cens aulnes de loille pour faire la bende dudict petit orteil, sauf demy quartier seullement, car il le avoyt encores quelque peu enflé à cause d'ung mal qu'il avoit eu au paravant.

IL Comment les gens du plat pays s'assemblèrent pour veoir Grantgosier, Gallemelle et leurfils^ Gargantua qui portqyent les rochiers.

1 R nous dit l'hystoire que, quant les Igens du plat pays sceurent qullz j estoient ja arrivez sur le rivaige de i la mer comme dict est, vous eussiez veu venir tant de gens de tous costez pour les veoir que c'estoit une chose inestimable, dont entre toutes les nations qui y viixdrent pour leur faire ennuy et fascherie ce furent les Bretons, car ilz leur firent beaucoup de mal. Et debvez sçavoir que ce qu'ilz portoient sur leurs testes ilz le mirent bas , et aussi les vivres que portoit la grant jument sur soy. Puis l'envoyèrent paistre parmy les landes , et eulx, comme bons mesnagiers, serrèrent bien leur bagaige; mais ilz ne sceurent si bien faire ne garder leur victuaille que en peu d'heures on leur en osta beaucoup : car vous eussiez veu ces Bretons qui se cachoient alentour de ses rochiers de peur que on ne les apperceust , lesquelz avecques grans cousteaulx couppoient et desroboient lesdites victuailles. Uung prenoit une cuisse de beuf, l'autre prenoit ung plus grant quartier ; mais tant y vindrent de foys que Grantgosier les apperceust. Lors il jura par sainct Troubaise que, s'ilz n'amendoyent ce qu'ilz luyavoient des-

robbé, que il mengeroit toutes les vaches de leur pays. Quoy voyant, lesdicts Bretons luy baillèrent et délivrèrent deux mille vaches pour recompense, sans les veaulx, lesquelz n'estoient pas du compte - Adonc Grantgosier et Galle melle dirent qu*ilz se donneroient bien de garde que plus ne fussent desrobbex par le moyen desdicts deux rochiers où se cachoient lesdicts Bretons : car tout souddain Grantgosier et Gallemelle prindrent chascun le sien et les misrent sur leur teste ainsi qu'ilz les avoient apportez du pays d'orient. Et puys se misrent en la mer pour les descharger, disant que., quant ilz en auroyent à faire, que ilz les pourroyent tousjours «ussi £sicillement aller quérir comme ilz les avoyent apportez. Quant Grantgosier fiit à son advis assez avant, il mist le sien sur la rive de la mer et le mist la poincte contre mont, ce que je puis prouver par plusieurs michelletz, et est ledit rochier de présent tresbien gardé au noble roy de France comme vrayes relicques et précieuses. Sa femme Gallemelle voulloit mettre le sien contre, mais Grantgosier luy dist que non feroit et qu'il le failloit porter plus avant, pensant en luymesmes que tel pourroit prendre l'ung qui ne prendroit pas Tautre. Gallemelle fist son com> mandement , car elle le porta ung peu plus ioing, et est ledit rochier de présent appelle le mont de Tombellaine. Après ce faict, s'en sont retournez lesdicts Grantgosier et Gallemelle sa femme au champ où ilz avoient laissé leur petit filz Gargantua, lequel ilz trouvèrent qui se donnoit

garde que les Bretons ne besoignassent plus à sa perte comme aultresfoy s avoyent faict. Ce voyant, Grantgosier pensa en iuymesmes qu'il s'en vengeroit, ce qu'il fist, comme vous orrez tantost cy après.

Il Comment Grantgosier emporta la grosse orloge de Rennes.

ANDis que le temps se passoit, il souvint à Grantgosier du larrecin que luy avoient faict les Bretons et tout soubdain fist une course jusques à Rennes, et print la grosse orloge de ladicte Ville de Rennes en despit des Bretons; pays la mist en sa brayette, et s'en alla à tout, et luy retourné la pendit à l'oreille gauche de son petit fiiz Gargantua, craignant de le perdre et qu'il ne se egarast parmy les maretz du mont Sainct Michel. Mais, quant ledit Gargantua l'ouyt sonner, il fut si tresaise que c'estoit merveilles, et faisoyt tant de petis saulx que son père Grantgosier y prenoyt ung grant plaisir. Les Bretons firent grand amatz de gens de guerre pourcuideravoirleur orloge, dont ils estoient fort courroucez ; mais jamais par force ne l'eussent eue, car à leur arrivée , laquelle fut près du mont Sainct Michel, ledit Gargantua s'esbastoit à leur jecter des pierres, lesquelles cent hommes n'eussent pas sceu remuer, tellement que les dictz

Bretons ce prindrent tout à fuyr. Alors ledit Gargantua, voyant la marée venir comme elle a de coustume, fîst sonner ceste grosse orloge si fort et si hault qu'il endormit une grant balleine, laquelle il tua d'ung seul coup de poing ; puys la prindrent Grantgosier et sa mère et luy, et la mangèrent toute à ung soupper. Or est il ainsi que ce temps pendant que ledict Grantgosier estoyt allé à Rennes, il prit mai aux dentz de son fîlz Gargantua, lequel, pour passer sa merencolie, se prit à ronger une grosse roche toute d'acier, et la rongea tellement qu'il se creusa toute une de ses dentz, pour laquelle cause il retint une des arestes de ladicte balleine pour curer et nettoyer sa dent, et la garda bien huyct jours, jusques à ce qu'il vint des pellerins au mont Sainct Michel, lesquelz estoyent du pays d'Anjou et amenoyent quant et eulx du vin par charroy qui estoyt trèsbon. Lors , quant Gargantua les apperceust, il leur demanda que c'estoit qu'ilz menoient ainsi, lesquelz luy dirent que c'estoit du bon vin de leur pays et que tout estoit à son commandement. Adonc ledit Gargantua eust envye d'en boyre, car tout aussi tost qu'il sceut que c'estoit vin, il bailla une chiquenaulde du poing contre une pippe et la defFonça, puys l'avalla comme vous feriez deux doigtz de vin dedans ung verre. Et pource qu'il le trouva bon, il leur donna Tareste de sa balleine en recompense, de laquelle il curoit sa dicte dent creuse, laquelle ilz emportèrent et la firent pendre à l'entrée de l'église

Sainct Maurice d'Angiers, et y est encores bien gardée en perpétuelle mémoire dudît Gargantua. Ce faict, ledit Gargantua despendoit souvent ceste grosse orloge de son oreille et beuvoyt dedans, et puis s'esbastoit à la faire sonner pour faire courir les chiens par les rues ; dont ceulx qui estoyent presens de ladicte ville de Rennes eurent grand despit, car incontinent pacifièrent avec ledit Grantgosier tellement quellement, affin qu'il leur reportast leur orloge, ce qu'il fist; et laissa au partir son filz Gargantua avec sa mère Gailemelle, et la mist au lieu où elle est de présent, dont tout le monde fut bien esmerveillé, et pour ce faict le louèrent moult les Bretons.

fL Comment Grantgosier et Gailemelle moururent ^ dont Gargantua, pour passer son courroux, s'en vint à Paris et emporta les deux grosses cloches de Nostre Dame.

PRÈS que Grantgosier fut revenu de porter Torloge de la ville de Il Rennes, une fiebvre continue le print, et sa femme Gailemelle pâli reillement, laquelle si treffort les

tourmenta que en brief temps ilz moururent tous deux par faulte de leur faire prendre chascun un suppositoire ; mais on n'en n'eust sceu trouver d'assez long pour leur servir, car tous les appothicaires de Paris et de BagnoUet y eussent esté

bien empeschez ; parquoy ce voyant ledict Gargantua se cuyda désespérer : car il se arrachoit les cheveulx et se battoit sa teste; il frappoit du pied contre terre, il se destordoit les bras; c*estoyt merveille du dueil qu*il demenoyt. A chef de temps son grant dueil se passa. Et Juy souvint que aultreffois il avoit ouy dire que Paris estoit la plus grant ville du monde ; parquoy il lui print envye d'y aller , car il desiroit fort à veoir choses nouvelles, comme font jeunes gens. Lors il s'en va monter sur sa grant jument et se mist à chemin. Quant il fut près de ladicte ville, il se mist à pied et laissa paistre sa jument auprès de la porte du temple; puis va entrer en la ville et se va asseoir sur une des grosses tours de Nostre Dame. Mais les jambes luy pendoyent jusques en la rivière de Seyne, vers la place Maubert, et regardoit les cloches de Tune tour puis de l'autre. Et alors luy souvint de i'orloge de Rennes que son feu père Grantgosier luy avoyt pendue à l'oreille, de peur de le perdre es marestz d'entre le mont Sainct Michel et Dol. Craingnans ceulx de ladicte église qu'il emportast leurs cloches, se prindrent à sonner les grosses digues; mais, quant il les ouyt ainsy asprement sonner, il les faya «t leur donna pour destinée qu'elles chanteroyent le temps advenir aussi doulcement comme ung cent d'asnes; ce qu'il leur est demouré, car il ne fault point d'aultre vinaigre aux oreilles deceulxqui les escoutent. C'est une perte de ronflerie pour une telle église.

Alors se print à esbransler les deux grosses cloche de ladicte église, lesquelles sont tenues les deux plus grosses qui soyent en tout le royaulme de France. A donc vous eussiez veu venir tous les Parisiens à grant foulle : car , comme vous povcz sçavoir, le peuple de Paris est sot par sa nature; lesquelz se mocquoyent de luy pour ce qu'il estoyt ainsi grant. Alors il pensa qu'il emporteroyt ces deux grosses cloches et qu'il les pendroit au col de sa grant jument, ainsi qu*il avoit veu des sonnettes pendues au col des Muletz des haultes Auvergnes. Après qu'il eut bien regardé tout le pourpris de la noble ville de Paris à son bon plaisir, il choisit le clochier neuf de Feglise Sainct Jehan en grève, où y en avoit aussi deux bien grosses, mais non pas comme estoyent les aultres, et les print toutes deux, dont Tune mist à son oreille dextre et Taultre mist en sa gibecière. Puis après s'en va prendre les deux grosses de Nostre Dame en ses deux mains et les sonnoit pour son plaisir, comme vous voyez ùire à ces petis enfans qui sonnent ces petites clochettes quand ilz vont aux processions. Adonc se part et les emporte toutes deux, et les mist bien secrètement en sa brayette. Alors vous eussiez veu tous les Parisiens fort marris, car ilzveoyent bien que par force ne les povyent ravoir. Lors, quant ilz virent ce, ilz se misrent à part en conseil pour sçavoir comment ilz pourroyent ravoir leurs dictes cloches, auquel conseil fut conclud qu'ilz envoyroyent des plus anciens de la ville pour parler à

luy et pour le prier que son plaisir fust de leur rendre leurs cloches et de les remettre où il les avoit prinses ; ce qu'ilz firent, et l'allerent trouver au chastel du boys de Vincennes, où il s'ebatoit ; lesquelz, quant ilz furent là arrivez, le vont trouver. Il s'ebatoit comme dit est, et luy ont faict la révérence, puis luy ont dit ce qu'ilz avoyent conclud ensemble à Paris, puis luy disrent oultre qu'ilz luy donneroyent voluntiers sept cens beufiz et cinq cens moutons pour le disgner, et qu'il leur raportast leurs cloches : ce que accorda voulentiers Gargantua. Puis ledict Gargantua les alla remettre en leur place ; mais en les tirant hors de sa dicte brayette luy cheut ung jeune compaignon de sa gibecière, lequel il avoit prins en ladicte haulte Normendie entre deux montaignes pour sa réfection. Car, quant il ne trouvoit assez pain , il mengeoit ce qu'il povoil rencontrer. Et luy cheut ledit compaignon devant THostel Dieu de Paris, où un maistre de rimprimerie le print et luy demanda dont il venoit ; mais le povre àompaignon esioit si esperdu qu'il ne sçavoit que respondre. Alors ledit imprimeur le fîst accoustrer de habitz aux mieulx qu'il peult et luy fisi apprendre l'art et science d'impremer les livres, lequel y est encoresde présent, qui en sçauroit bien racompter plus au long. De là s'en alla ledit Gargantua sur la rivé delà mer dont il s'estoit party; et lors va recommencer son dueil quant il ne vit plus son père et sa mère où il les avoit laissez mortz. Mais Merlin

qui tout sçavoit, estoit venu pour le reconforter, car il avoit fait enterrer Grantgosier au mont Sainct Michel et Gallemelle au mont de Tombeilaine. Ledit Merlin s'en vint lors au noble Gargantua et luy dist : « Ne te desconforte point pour Famour de tes père et mère, car je les ay faict enterrer en ce lieu. » Lors lui dist Gargantua : « Qui estes vous qui ainsi parlez? » Dist Merlin : « Je suis celuy qui commanda à ton père qu*il vint piedeça pour te présenter au roy Artus. — Dea, luy dist Gargantua, esse-vous qui avez nom Merlin? — Oui, dist-il, et pourtant dispose toy pour l'en venir avecques moy en lagrant Bretaigne pour servir le noble roy Artus. » Alors luy dist Gargantua : « Seigneur Merlin, je suis à vous, ayez pitié du povre orphelin. » Ce voyant, Merlin luy donna encores huyct jours d'espace pource qu'il avoit oubliée sa grant jument en la forest de Bruyères le Chastel, près Marcoussis, pource qu'elle estoit pleine, et d'aultre part vouloit revenir pour dessendre la rivière de Loyre pour tuer deux grans geans lesquelz faisoient grant mal au pays d'Anjou, dont i'ung estoit à Sainct Mor sur Loire et l'autre estoit près Angiers. Celuy de Sainct Mor estoit nommé Pigalle, et celuy d'Angiers estoit nommé Amaurry. Quant Gargantua fut audit Sainct Mor, Pigallè estoit ja mort et enterré, et luy fut monstrée la tumbe où de présent l'en veoit encores sa fosse ; mais on luy dist que celuy d' Angiers n'estoit pas encores mort. Puis s'enquist quel homme

c'estoit. Les moynes de Sainct Mor luy dirent : « Seigneur, il n'est pas si grant que vous, car, s'il estoit de telle stature, avecques la maulvaistié qui est en luy, il eust pieça mengé le chastel, les églises et aussi toute la ville d'An* giers : car il est tousjours à guecterles basteaulx qui viennent de la ville en ceste rivière de Loire, et, quant ilz sont au droit de sa caverne, il sort hors et avalle basteaulx et bastelliers, et se ne luy monte non plus que faict une fraise en la gueulle d'ung four. » Lors jura Gargantua pour sa dent creuse qu'il en vengeroit les Angeveins , dont l'abbé dudit Sainct Mor luy donna quatre pipes et demie de son vin blanc d'Anjou : lesquelles il print et les versa en deux grandes cuves où l'en foulle les raisins en vendenges, puis les mist en ses deux mains , et les avalla plustost que nous n'auriez seullement levé votre verre pour boire. Dont les moines se prindrent si fort à rire qu'ilz en cuiderent tous mourir, et dire les ungs aux aultres : « Si en Anjou avoit une couple de telz paltoquers, les Bretons ne les Normans n'auroient plus que faire de venir chercher des vins au pays d'Anjou pour mener boire en leurs pays. » Gargantua remercia l'abé, puis se apuya sur un rocq où avoit ung hermite (maintenant y a des religieux de l'observance S. F.); et quant il fut assis sur ledit rocq, il se baignoit ses jambes en la rivière du Meyne, regardant aval. Alors ledict hermite congneut bien qu'il estoit venu pour chastier Amaurry ,

car il luy avoit ainsi esté révélé ; puis ledict hermite luy monstra la (^verne où se tenoit ledic Amaurry, qui estoit en ung rocq au dessoubz, du costé des pruniers. Lors Gargantua ne fîst sinon ung petit pas; mais Amaurry le sentit bien venir, car il se coucha en sa fosse sans se oser de là remuer. Mais ledict Gargantua, d'ung seul coup de pied descouvrit tout le rocq et print le géant Amaurry par une oreille, laquelle il attacha dedans ledict rocq, et luy couvrit tout le corps le dedans comme se eust esté dedans une voulte ; et luy donna pour sa destinée qu'il seroit là dedans )usques au jour du jugement pour respondre à tous ceulx qui passeroient par dessus ladite rivière ou près d'icelle : car ledit Gargantua estoit faée de la main de Philocatrix, qui estoit bisaieuUe de Melusine, comme nous avons dit cy devant. Ledit Amaurry demoura ainsi, et est encores, et respond à tous ceulx qui passent par là. De là ledit Gargantua s'en alla à Angiers et se accouda sur le hault des deux clochiers Sainct Morice; mais toute la ville trembloit de paour, et estoit à Theure de prime, et lors le secretain commanda de sonner la cloche de prime; mais Gargantua l'entendit bien, lequel print une mpusche guespe et la jecta outre ladite cloche tellement qu'elle se print à sonner si aygre qu'elle sembloyt estre cassée, car depuis elleatousjours sonné si tresaygre que les oreilles en font mal à ceulx qui l'escoutent sonner :

pour ceste cause il la condempna à sonner la

$ouppe de karesme. Les Angevins, se voyam délivrez du grant gean Atnaurry, qui tant kur avoit fait de maulx, menèrent Gargantua au pré d'Allemaigne, qui est pingnant ladite ville, et luy donnèrent cinquante fournitures devin, dont il en beut demye douzaine sur le lieu^ et le demou* l-ant mist en sa gibecière et en sa brayette; et puis se départit d'Angiers pour aller au mont Sainct Michel, où Merlin l'attendoit, et mena sa grant jument quant et luy jusques au rivaige de k mer, laquelle eut paour des ondes de l'egue, en sorte que on l'eust ouye ronffler de plus de dix grans lieues. Puis se print à saulter, rtier et courir parmy les landes, et en courant leva la cuisse, et reo^t ung poullain, lequel luy sortit si roide du ventre qu'il se alla tomber }usques es marestz de DoL Les Bretons le prindrent et le firent tresbien nourrir, et depuis en firent couvrir la grant jument de Monsieur de Quermahoen, dont sont venuz les bons chevaulx bretons. Mais la grant jument de Gargantua, si tost qu'elle eut rendu son poullain, rentra en plus grande challeur que devant, et de rechief se print plus fort à courir que devant. Lors Merlin, estant ennuyé et fasché de tant muser, et voyant que ledit Gargantua vouUoit encores aller après, luy dist qu'il la laissast aller, car elle s'en alloit vers pays de FJanckes ; et aussi luy dist qu'elle estoyt encores chaulde et pourroit estre couverte de quelques beaulx poullainsdont les Flamens auroient de la rasse, et que une

autre foys la pourroit recouvrer. Mais tant y fut ladite jument qu'elle fist poullains et pouilaines : pourtant saichez que d'iceHe est venu le nom des grandes jumens de Flandres.

fL Comment Merlin mena Gargantua en la grant Bretaigne pour le présenter au noble rqy Artus,

PRÈS la perte de la grant jument, Merlin fist venir une nue qui le porta luy et Gai^antua sur le bort de la mer, près Londres en An- Ijgleterre. Lors dist Merlin à Gargantua ; a Tu m'attenderas icy, et je iray parler au roy Artus, lequel, comme je croy, te fera bonne chère et te fera délivrer ung don qui moult te plaira; et pourtant ne le reffuse de chose qu'il te commande. — Non feray, dist Gargantua. Je feray tout à votre voulloir. » Lors s'en va Merlin, et salua le roy Artus, auquel il dist en ceste sorte et naaniere : a Trespuissant prince, j'ay amené ung personnaige en votre pays lequel est assez suffisant pour deffaire et mectre affîn tous voz ennemys sUIz estoient tous assemblez en ung ost, et plus de cent mil hommes d'armes avec. — Dea, dist le roy, comment est il possible ? Moy qui ay tant de vaillans gens de guerre ay perdu deux batailles ceste sepmaine passée. — Sire, dist Merlin, à ceste foys leur po-

vez bien monstrer qu'ilz ne vous doivent plus venir veoir de si près : car, quant ilz congnoistront ladicte puissance de celuy qui tantost voirrez, ilz seront fort estonnez. » — Adonc le roy Artus, ses seigneurs et barons avec Merlin, montèrent à cheval, lesquelz, tout aussi tost qu'ilz furent hors de la ville, ilz apperceurent Gargantua qui se alloitproumenant; dont le roy Artus et ses barons furent fort esmerveillez de la grosseur et haulteur d*icelluy. Lors le roy le salua, et Gargantua luy rendit son salut, comme bien faire le sçavoit. Puys le roy luy demanda son nom ; mais Merlin luy dist qu'il avoit nom Gargantua et qu'il estoit bien homme pour le deffendre contre tous ses ennemys. Adonc ledit Gargantua luy dist : a Sire, mais qu'ilz ne soient que L. mille) ilz ne me feront point de paour. » Adonc luy demanda le roy s'il voulloit aller combattre contre les Gotz et Magotz, lesquelz luy faisoient forte guerre ; qu'il le feroit habiller de sa livrée et si luy bailleroit bonsgaiges et bouche à court. Lors le mercia Gargantua de l'offre que il luy avoyt faicte, puis luy dist : « Sire, commandez que on me face une massue de fer de cent et vu piedz de long et que par le bout elle soit aussi grosse comme la gueuUe des grosses cloches Nostre Dame de Paris. » Car il luy en souvenoit encores.

Alors commanda le roy que incontinent on cherchast des ouvriers pour ce faire; au surplus, le roy Artus luy dist que ces Gotz et Magotz

estoient fors et puissans, et qu'ilz estoyent tout armez de pierre de taille, et qu'il en avoit ung, lequel estoit son prisonnier, qui luy faisoit paour toutes les foys qui le regardoit. Lors dist Gargantua : « Sire, vous plaist il que je le voye ? » Le roy dist que ouy et dist que on Tamenast ainsi armé comme il estoit. Et quant Gargantua le veit, dist : a Sire, vouliez vous que ce prisonnier ne vous face plus paour ? » Lors luy dist le roy : « Mon amy, faictes en ce qu'il vous plaira. » Et tout soubdain Gargantua print ledit prisonnier par le collet, puis le gecta devant tous Iqs barons si treshault que on ne le povoit plus veoir ; puis tomba tout mort, aussi froissé comme si la grosse tour du Louvre fust tombée sur luy. Puis dist Gargantua : « Sire, ne craignez plus cestuy cy, car il ne vous fera plus de paour, ainsi comme je croy. »

fL Comment^ parla subtilité de Merlin ^ fut faicte la massue de fer de Gargantua avecques ses armes.

A massue fut tantost faicte, par la science de Merlin, telle qu'il avoit devisée, et en brief fut amenée dedans une grant navire comme est celle qui est au port de Grâce, laquelle fut présentée audit Gargantua ensemble la coquille d'une tortue saulvaige que ledit Merlin

envoya quérir jusques es terres de prestre Jehan pour faire ung hallecret d*armes audit Gargantua, lequel a prins ledit hallecret et s'en est accoustré, non pas pour craincte qu*il eust desdits Gotz et Magotz, mais il vouUoit du tout obeyr à Merlin. Puis après print la dite massue bien legierement comme vous voyez prendre une espée à ses gens d'armes quant ilz courent après la poullaille, et a juré par sainct Troubaise devant tous les assistans que jamais ne beuveroit ne mangeroît que les Gotz et Magotz n'eussent sentu au vif combien pesoyt la massue qu'il tenoit en ses mains. Adonc vint ung poste par le commandement du roy Artus qu'il le mena jusques près le camp des Gotz et Magotz, et les luy monstra, luy disant : « Voyla les traistres Gotz et Magotz qui nuyct et jour nous veuUent destruyre. » Et tout soubdain le vaillant Gargantua se mect en la bataille comme ung loup fait parmy ung trouppeau de brebis, frappant de sa massue en criant çà et là : « Vive le noble roy Artus; » en leur disant : « Meschans, je vous monstreray Toffence que luy avez faicte. » Lors les Gotz et Magotz, voyans qu'il estoit pire que ung diable pour eiilx, ne luy sçavoient aultre chose faire sinon tendre leur doz en luy criant mercy. Mais il n'avoit pitié de nulz quelz conques. Lors vint l'armée du roy Artus, laquelle fist le pillaige. Ce faict, Gargantua s'en retourna à Londres par devers le roy, et ledit roy commanda dresser les tables pour faire disner ledit

Gargantua, et commanda de ùàre les feux de joye en la cité pour la victoire qu'il avoit eue contre ses ennemys les Gotz et Magotz. Lors se assist Gargantua à une table qui luy fust dressée entre deux grandes montaignes, le tout richement tendu de belles tapisseries d*haulte lisse en laquelle estoit tirée la création du monde toute au vif. Le seigneur Gargantua prenoit fort grant plaisir à la regarder tandis qu'on faisoit les préparatifs de son disner, car jamais n'avoit vu telle chose. Il vit aussi en figure comme les geans du temps passé avoient porté montaigne sur montaigne pour monter jusques es cieulx, et pensa en luy mesmes qu'il feroit aussi bien ce mystère là comme ilz avoient faict ; puis se leva de table, où il estoit assis comme dit est, et en une heure en mist XVII montaignes les unes sur les aultres, tellement que le roy Artus povoit bien veoir jusques dedans Paris. Après cela faict il se remist à table, où le roy le fist servir honnestement; et pour entrée de table luy fut servy les jambons de cinq cens pourceaulx saliez, sans les andouilles et boudins; et dedans son potaige avoit la chair de III cens liepvres et IIII cens pains dont chascun pain pesoit L livres et II onces; et la chair de deux cens beufz gras dont il avoit mengié les trippes dès l'entrée de table; et ne feult pas doubter que le tranchouer là où on luy tranchoit sa chair ne fust merveilleusement bien grant : car il y avoit six hommes qui ne cessoyent de trencher la chair dessus ledit tran-

chouer et mettre par quartiers, car de chascun quartier de beuf il n'en faisoit qu'un morceau ; et y avoit aussi VII puissans hommes lesquelz sans cesser, à chascun morceau qu'il mengeoit, lui jectoient chascun une grant pellée de moustarde en la gorge, tellemen* qu'il en mengea bien XVII pippes; et pour le dessert luy fut servy quatre tonnes de pommes cuyctes, et beut dix pippes de citre devant qu'il se advisast de son vin d'Anjou qu'il avoit en sa gibecière et en sa brayette. 11 depescha celuy de sa brayette le premier, fors qu'il en donna quatre fournitures au roy Artus, et garda encores celuy de sa gibecière pour quant il retoumeroit en la guerre. Mais les godalliers de Lx)ndres luy firent boire de la godalle, lequel en beut sept ou huyt tonneaulx ; mais le flux de ventre l'empoigna, comme sera icy dit tantost plus à plain.

f]^ Comment Gargantua fut habillé de la livrée au noble roy Artus.

Iprès que les tables furent levées et que Gargantua eut prins sa refec^ tion legierement, non pas comme font ung tas de gallans, mais en es- ^ constant les belles parolles et honnestes ieux et devises du roy et des princes qui là assistoient, à quoy il prenoit plus de plaisir cent mille foys qu'il ne faisoit à boyre ou men-

ger, le roy, voyant que ses grâces estoient fendues et achevées, il manda quérir son grant maistre d'hostel, auquel il commanda qu'il fist faire les habillemens de livrée de Gargantua et qu'il fust aussi foumy de chemises et de tous aultres vestemens. Lors dist le maistre d'hostel que ainsi seroitil faict, puis que son bon plaisir estoit luy commander. Âdonc fut levé, par le commande-*' ment dudit grant maistre d'hostel, hu3rt cens aulnes de toille pour faire une chemise audict Gargantua et deux cens aulnes pour faire les gottssetz en manière de carreaulx, lesquelz sont mis soubz les esselles. Puys, pour ùlïtc son pour^ point, fut levé sept cens aulnes de satin moytié jaulne et moytié bleu deux tiers et demy moins, et trente deux aulnes et demy quart de velours vert pour faire les bordures dudit pourpoint ; plus^ pour luy faire des chausses bouffées de taffectas, fut achepté deux cens cinquante aulnes d'escarlate chez ung drappier et troys quartiers et demy; et pour le taf&ctas à mettre dedans lesdites chausses a esté levé chez ung grossier de ceste ville IIIIXXXVII aulnes ung quart inoytié vert et moytié bleu, et pour luy faire des jartiers à sesdites chausses a esté aussi achepté XXVll aulnes ung quart de taffectas moytié jaulne et moytié . bleu* Item pour faire son saye de livrée fut levé chez ledit drappier neuf cens aulnes et demy quartier de drap moitié rouge et incarnat, et pour faire la bordure dudit saye. fut achepté soixante dix sept aulnes de velours

cramoysi moitié rouge et moitié incarnat comnie dit est par cy devant. Item pour luy faire ung saye ferment à douze boutons par devant son estomach, en façon d'ung saye à chevaucher, fut achepié chez ledit drapier neuf cens sept aulnes de drap frisé et demy quart, sans les boutons, lesquelz furent faitz de velours, et à chascun bouton pour fermer ledit saye fut mis cent et demy de boteaulx de foing, et pour couvrir lesdits boutons fut achepté quinze cents L aulnes et demie de velours violet. Item pour luy faire son manteau fut levé chez ledit drappier VII cents aulnes et demy quartier de drap de Carcassonne; plus fut levé chez ledit drapier XVII cens L aulnes de frise d'Angleterre pour luy faire une robe de chambre, et chez ung pelletier fut achepté deux mil x:inq cens peaulx de regnardz saulvaiges pour fourrer ladite robe de chambre. Item pour luy faire une ceincture de livrée fut aussi achepté sept vingtz aulnes de taffetas moi. tié gris et moitié tanné. Item pour faire ses souliers fut achepté chez ung corroyeur cent L peaulx de vache et demye, et pour faire les courroyes à les fermer fut aussi achepté deux douzaines de peaulx justement; et pour carier lesdictz souliers fut achepté chez un tanneur de cuir le cuir de XXXVII beufz et demy. Item pour luy faire des pantoufHesà porter parmy la chambre fut aussi achepté sur ledit courroyeur six douzaines de peaulx de vache et demye justement; plus pour luy faire des gantz fallut

sept douzaines de peaulx de chevrotin. Item pour ung bonnet à la coquarde convint II cens quintaulx de laine de limestre deux livres et demie ung quart. Son plumail pesoit cent trois livres et ung quarteron. Item pour ung chapeau convint II cens L sept livres et demie de fine laine d'Austriche. Ledit Gargantua avoit ung signet d'or en Fung de ses doigtz, auquel avoit trois cents marcs d'or dix onces et deux gros, auquel y avoit ung rubis enchâssé dedans ledit signet, qui estoit merveilleusement bien estimé et pesoit cent XXXVII livres et demie. Au regard de monture, quoy qu'on en die, il reffusa d'en prendre, à cause qu'il aloit bien à pied, car en trente pas il faisoit autant de chemin qu'ung poste à quatre chevauchées avecques ung bon cheval. Et il estoit encores marry d'avoir perdu sa grant jument. Et povez sçavoir comment ces cousturiers furent embesongnezà luy faire sesditz habitz : car ilz furent amassez plus de sept milles en la prarie de Londres sur la Thamise soubz belles tentes de toille que le roy Artus leur fist dresser. Ce temps pendant ledit Gargantua se pourmenoit et regardoit besongner ces cousturiers. Il en vit qui cousoit à faire sa brayette, et à chacun point qu'il faisoit il rioit si fort que ledit Gargantua s'en apperceut ; et avoit nom maistre Philebert Congnet, lequel se cognoissoit fort bien à plier des brayettes. Quoy voyant Gargantua mist Tune de ses mains auprès de ses genitoires et en arracha ung morpion, lequel

estoyt plus gras que n'est ung beuf, puis le tua sur la teste de ce cousturier si très en paix que le povre cousturier et le morpion tournèrent plus de trente tours cul par dessus teste^ tant qu'ilz cheurent tous deux dedans la rivière de la Thamise ; dont le roy Artus en fut fort marry qu'il ne vit ledit morpion, car il fist demander par Merlin audit Gargantua s'il en avoit plus de sembJiibles. Alors Gargantua va regarder et es» taller sa marchandise sur une grant montaigne» et en trouva encore troys, lesquelz il print en une de ses mains, et en tua deux si rudement oontre ung rocq qui estoit sur ladite montaigne que tous deux crevèrent; puis il jecta l'autre si k)ing qu'il alla cheoir jusques en la mer; puis Merlin print les deux et les fist escorcher, et dist au roy que le cuyr en seroit bon pour|&ir8 des hallecretz à ses gens de guerre: ce qui iut incontinent faict, mais ce cuyr là estoit unt fort qu'il n'y avoit traict ne carreau d'acier qui le peust endommagier. Le roy, voyant la force desditz hallecretz, conunanda que celuy qui estoit cheu en la rivière de la Thamise fust péché, ce qu'il fut faict; mais, quant on l'eut tiré hors de l'eaue, il avoit la peau plus dure que les aultres, car oncques rocq de diamant ne fut si dur. L'on dit que le roy Artus en fist faire du collet une cappeliaine à mettre soubz i'armet de sa teste pour quant il yroit en guerre, car cela avoit une merveilleuse vertu à cause du lieu dont il estoit sorty^ Quant est de celuy que Gar-

gantua jecta en la mer, il cretit et prouffita si bien qu'il fut beaucoup plus grant <|u'une balleine, car il n'y avoit si gros poisson en toute la mer; et à ce que m'ont racompté ceulx qui l'ont veu après sa mort, il estoit plus gros qu« le cbasteau de la Bastille, de quoy \e me suis fort esmerveillé. Or est vray que une foys passoyent près ledit morpion en la mer plusieurs navires esquelles y avoit force marchandise et si y avoit tout plain de paouvres galiens de ce pays comme brodeurs et financiers, lesquelz avo3rent esté longtemps aux gallées. Tout aussi tost que ledit morpion les apperceu t, ouvre la gueulle et les engloutist tous, tant lesdits navires, marchandises que gens y estant ; mais afhn que ce ne vous semble fable, j'ay parlé puis quinze jours ença à ung povre conpaignon brodeur que j'ay trouvé entre cy et Rouen, lequel estoit desdites gallées, lequel avoit esté mengé comme les aultres dudit morpion et ainsi que je luy demanday comment il estoyt peu eschapper, il me dist que le dit morpion, avant l'avoir digéré, par ung pet qu'il fist, il le jecta dehors; duquel pet yssit tel vent qu'il esmeut et troubla la mer jusques à plus de cent lieues à la ronde, à cause duquel vent y eut grant nombre de basteaulx, navires, galliottes et aultres vaisseaulx tous periz. le demanday après audict gallien comment, après avoir sortir hors ledict morpion, se peult sauver en la mer. Lors ledict gallien se print à rire et à se mocquer de moy, me disant pour

certain que au fons de la mer faict fort beau, et que on y trouve terres, praries, forestz, boys, chasteaulx, villes et forteresses, plus plaisantes sans comparaison que icy, avecques escutz, or et argent à grant planté, et que, quant on Cuyde quelcun estre noyé, il ne Test pas, mais est au fons de la mer, où il faict grant chère, car on y boit tout son saoul. Oultre je demanday audict compaignon comment il estoit voulu sortir de la mer, veu qu'il y faisoit si bon. Il me dist que une fois ledit morpion fist une vesse royde et impétueuse, le vent de laquelle le rencontra ainsi qu'il cueilloit et amassoit du boys pour faire cuir la boullieà plusieurs Normans qui là estoient, et le iecta au lieu où je le trouvay, lequel ne me sembla mentir, car il estoit encores tout chargié de cotterez quant je le trouvay. Pour retourner audict morpion, ung jour ainsi qu'il s'en alloit par la mer, mettant à mort ce qu'il povoit rencontrer, il veit venir une grosse armée de bien deux cens mille turcs en navires , lesquelz venoyent, comme est à présumer, pour assaillir la chrestienté ; mais, tout aussitost que lesdictz turcs le veirent de Joing, ilz cuiderent fuir arrière, car ilz veoient bien que c'estoit quelque terrible monstre; mais ilz ne peurent jamais gaigner terre , car il les dévora , navires et tout; sans que jamais on en veit queue ny oreilles, non plus que s'ilz fussent fonduz , fors environ ung cent, lesquelz pourtant, quant il apperçut qu'ilz n'estoient crestiens, les print et en torcha

son cul; puis d'une vesse qu'il ftst les jecta amont si hault qu'ilz ne sont pas encores à présent tombez. Et après ce il fut si remply d'orgueil qu'il délibéra de faire ung pect vers la ville d'Orléans pour la faire du tout tomber. Adonc se efforça de souffler du cul si fort qu'il fist sortir trippes et boyaulx hors de son ventre : toutes les tripières d'Amboise y eussent bien trouvé leur cas. Le foye d'iceluy morpion estoit plus gros que le Louvre. Il avoit les yeulx bien aussi gros que l'abbaye de Angoulvesnier ; des piedz il en avoyt sans nombre, lesquelz piedz sont demourez au lieu où il fist le pet, car il les avoit si avant fichez en terre qu'impossible fut de les arracher; et quant le paouvre morpion se veit en tel estât d'avoir ainsi peté jusques à la mort, il jecta ung cry si horrible qu'il fut ouy de Londres en Angleterre, auquel cry plusieurs angloys coururent, lesquelz, quant Hz furent là arrivez, le trouvèrent tout royde mort en la merde, dont ilz eurent telle paour que la plus grant partie d'eulx moururent; puis les aultres conclurent de craincte qu'ilz avoyent que de luy en revint d'aultres pareilz qui les pourroyent aussi bien dévorer, et pour ce dirent entre eulx qui le feroyent porter en Normendie et feroyent acroyre aux normans que ce seroit une ballaine, laquelle ilz leurs vendroyent bien cher. Et pource faire se. mirent incontinent environ plus de dix mil hommes pour le mettre par pièces, lesquelz ne cessèrent l'espace de huict jours de

coupper; et quant ilz eurent ùàet^ en chargèrent bien cinquante grans navires, et eiilx^ montes sur mer, eurent fort bon vent, car avec ce la mer et tous les poissons sentirent bien que c^ estait le morpion qui estoit mort ; parquoy tous ioyeulx^ et chantans LaudeanmSy le conduisirent le plus tost qu*ilz purent iusques à Rouen* Lors, quant les normans veirent les navires et charges d'icelles, ilz durent fort esmerveillez de la grandeur d'ioelle balleine morpionnée; et pour ce qu'il leur sembla que c^estoit bonne provision pour le caresme, incontinent Tacheptent desdits angloys, puis en envoyèrent à Caen,^ à Sées^ â Avranches, au Mont Sainct Michel^ à Evreux, à Lisieux, à Bayeux, à Caulx, à Alençon, et par toute la Normandie. On dict en après que des os dudit morpion, après que la moesle en a esté hors, ceulx dudit Rouen les ont prins et en ont faict force artillerie, laquelle est plus dure et plus forte que se elle estoit de fer ou de fonte. Une partie de la testiere a esté envoyée, par grant adnûration, en la terre de prebstre Jehan, pour luy donnera congnoistre que toutes les merveilles ne sont pas en son pays. Ses costes, ainsi qu'on dit communément, ont esté mises au travers de la mer pour faire ung pont à passer d'Angleterre en Normandie, et que de la peau le souldan de Babilone Ta Êiict achepter pour £ûre ung pavillon, tête et couverture, pour couvrir ses gens d'armes lors qu'il yra en guerre. Car on dict qu'elle tient plus de sept lieues d'ombre.

Ses dentz son^ demouriez près la mer au lieu pu il fut escorché, et servent de pieux pour an* çrer les navires qui arrivent là. Plusieurs aultres merveilles dudit morpion qui seroyent par trop longues à racompter. Aussi je vous en diroye bien plus avant, mais il en est assez escript es livres de la Table Ronde. Or nous fault retourner à nostre propos du seigneur Gargantua, qui se pourmenoit, comme dict est, en regardant ses cousturiers besongner à parfaire sesditz habillemens.

f]^ Comment ledict Gargantua remercia Merlin à secret*

:• QL£f:*

PRÈS que les habillemens furent du tout parachevez et que ledit Gargantua se veit ainsi atourné et vestu de si sumptueulx habitz, il ressembloit au pan qui faict la roue, car il se mist ses deux mains sur ses deux costez en la présence du bon roy Artus et de toute sa court, luy estant eslevé sur ses deux piedz; il se regarda d*ung fier couraigeen £ûsant deux ou troys tours de la teste ; puis dist : « Il faict bon croire le conseil d'ung prudent et saige homme tel comme celuy de monsieur Merlin :

car bien me dist ce que je voy maintenant quant il me dist que ne refifusasse en rien le bon roy Artus ; car', pour ung simple service que luy ay

faict d'avoir du tout destruyct et vaincu les Goiz et Magotz, il m'a tant aymé qu'il m'a donné ces sumptueulx habillemens dont je suys fort tenu à luy. Mais il fault que me face encores ùàre une gibecière. » Lors le roy Artus luy demanda qu'il ferôit d'une gibecière, et le vaillant Gargantua luy respondit qu'elle luy pourroit bien servir à plusieurs choses. Le roy Artus luy dit : « Seigneur Gargantua, si la gibecière est faicte de la sorte et grandeur que vous la sçauriez bien porter, je ne vouldroye pas entreprendre à la voua emplir toute d'argent, non pas seullement l'un des boursaulx d'icelle. » Dist Gargantua : « Sire je ne me soucye d'argent non plus que les estourneaulx de vendengier en Normandie, mais j'en veulx avoir une qui soyt faicte bien prouffitablement, et qu^elle soyt toute double par dedans, si qu'il n'en tumbe rien à terre de ce que y mettray. » Lors le roy Artus luy demanda s*il en voulloit une de velours : « Nenny, luy dist Gargantua, je la vueil toute de cuyr de cerf, fors le couvercle de dessus, qui sera de cuyr de beuf boully. » Alors le bon roy Artus s'escria : « Hé ! Vierge Marie, où seroit prins tant de cerfe comme il en fault pour avoir les cuyrs. » Dist Gargantua au roy : a Sire, il y a des forestz assez en Angleterre et en la noble France, et si cela ne peult suffire, envoyez en la forest d'Ardeine : car, ainsi que je puis sçavoir, et aussi que on m'a adverty, il y en a assez. » Incontinent le roy envoyé par les pays dessusdits toutes sortes de messaigiers, et

Dieu sçait si veneurs et chasseurs eurent fort à faire. Et chiens de courir, cornetz de corner, chevaulx de trotter, et cerfz Iresmal traictez : car tant en Ait prins en divers pays que jamais on n'en eust recouvert après celle heure si n'eust esté que Merlin en fist retenir troys couples : la première couple fut pour mettre es distes forestz d'Angleterre, l'autre fut mise es forestz de la France, et la dernière fut envoyée eii la forest d'Ardeine. Incontinent tous les aultres cerfz furent escorchez et accoustrez, et dict on que jamais ne fut autant trouvé de venayson pour ung coup, et, ce n'eust esté que ledict Gargantua en mengeoit beaucoup, tout le pays d'Angleterre eust esté du tout empulenty ; mais Merlin conseilla que tout le reste fust salle. Lors le roy dtst audict Gargantua qu'il failloit qu'il allast jusquesen Guerrande pour avoir du sel, lequel luy distque ainsi le feroit, et y fut en troys pas et ung sault, et toutes les navires qu'il trouva au port il les emplist, et si emplist sa grosse dent creuse, où il en povoit bien dix sept mynes; puys, quant elle estoit pleine, ne faisoyt que souffler, et incontinent ledict sel alloit jusques à Londres, où estoyent lesdictz cerfz : car il sembloyt qui pleust du sel par toute Angleterre. Lesdictz Guerrandoys donnoyent ce grant villain au diable qui ainsy desgarnissoyt tout leur pays de sel. Quoyoyant, Gargantua leur dist qu'il en feroit bien d'aultres, et puys en se mocquant d'eulx leur demanda s'ilz avoient point une femme

pour luj : car il estoyt desjà quelque peu amoureulx« Les Guerrandoys se prindrent tous à rire et luy dirent que il luy falloit avoir la mère au diable pour le porter. Ce voyant, ledict Gargantua s'en retourna en Angleterre, et furent saliez les cerfz en si grande habondance que les Angloys en eurent pour plus de troys ans.

fL Comment et pourquoy c'est qu'il n'y a nuiff loups en Angleterre,

IJEDicT Gargantua se adtisa de sa I gibecière, puis dist qu'il voulloit qu'elle fust toute doublée de cuyr de loups. Qui en fust esbahy, ce fust le roy Artus. Ce neantmoins il y mist bon ordre par le conseil de Merlin : car en troys jours et troys nuyctz fust si bien chassé qu'il ne demoura loup ne louve en tout le pays d'Angleterre tant grans que petis, et n'y en eust depuys, fors'ceulx qui les tiennent aux jambes; mais de ceulx là en y a assez, lesquelz ne mengent pas les aigneaulx : c'est pourquoy il y a si bon marché de veaulx et de plusieurs aultres bestes qui sont audit pays d'Angleterre, et mesmement de celles là qui ont les cornes au cul.

^L Comment et de quelle façon fut faicte la gibecière dudict Gargantua,

AR le commandement du roy Artus furent appelez trente maistres bons ouvriers pour faire et forger les fers de ceste dicte gibecière de J Gargantua et plus de deux cens varletz : les deux fers et cercles de ladicte gibecière pesoyent vingtroys mil livres troys quarterons et deux grains, sans les pendans ausquel2 tenoyent lesdictz cercles et fers, lesquelz pesoyent environ dix sept mil cinq cens quatre vingtz dîxneuf livres une once. Brief, tous les forgeurs, tanneurs, bauldroyeurs, gantiers, bourçiers, cuyraciers, tailleurs de cuyrs tant blanc que noir, desquelz on sceut fournir, furent amassez tant que tout le mystère fut complect.Mais fust encores le beau du jeu pour luy trouver une ceincture : car, ce n'eus t esté Merlin, ladicte gibecière eust esté inutille, lequel conseilla au roy Artus de envoyer au pays de Poytou quérir des grans beufz qui y sont, et aussi en Bretaigne, et d'iceulxen faire occision et en prendre tous lès nerjfe, qu'on nomme /en françoys vitzde beufz. Incontinant fut mis à mort dix sept cens quatre vingtz beufz pour en avoir les vitz, qui furent àccoustrez selon les devis de Merlin, et d'iceulx luy en fut feicte une ceincture la plus merveilleuse dont on ouyt jamais parler : puys la fîren^

bien ferrer de boucles et hardillons à celle fin qu'elle tint mîeulx. Adonc qui fut bien joyeulx, ce fut Gargantua, lequel vint empoigner ces te grant gibecière et y mist ladicte ceinture, et s'en ceingnit joyeusement; puis dist au roy Artus : « Viennent hardyment vos Gotz et Magotz, car j'en logeray bien dix mille à chascun boursault de ma gibecière. » Lors dist le roy Artus à Merlin : « Nous regardons icy Gargantua, qui est bien aise d'estre né et dit du bien beaucoup de vous et aussi de toute la court; parquoy il me semble qu'il seroit bon de vous aller monstrer pardevant luy pour veoir s'il fera tout ce qu'il dit. » Puys dist Merlin : « Sire, il fera plus fort dix mille foys, car il n'a pas le cueurfailly, >» Adonc Merlin s'en va devant Gargantua, et quant le gentil Gargantua apperceut venir son bon maistre Merlin, s'en vint vers luy et le salua gratieusement. Puys Merlin luy demanda en ceste manière : « Et puis quelle chère ? comment le faictes vous ? » Lors Gargantua, qui estoyt tant gay que merveilles, respond quetresbien. Et sur ce se print si tresfort à rire et de si grande affection pour la gentillesse de sa personne, pour l'amour qu'il avoit à Mçrlin et au roy Artus, que on l'entendit bien de sept lieues et demye tant il ryoit gracieusement. Après dist ledit Gargantua à Merlin : « Seigneur Merlin, jamais homme n'eut autant de biens en ce monde comme j'ay par vostre moyen, parquoy je vous en remercie. » ^doncques quant ledit Gargantua

se veit ainsi bien en ordre et qu'il estoit si bien acoustré de tous habillemens, et aussi que bieù luy sembloit avoir remercié son bon maistre Merlin, il s'en alla desduire et esbatre au long de la ville. Lors, en passant parmy Tune des grans rues de ladicte ville, il advisa ung fort beau logis entre les aultres et de grant appa<* rence, auquel logis avoit plusieurs belles jeunes dames et damoyselles estant à soûlas parmy les jardins dudict lieu, lesquelles luy semblèrent estre de belle faconde et de gracieulx maintien, eîitre lesquelles il y en avoit une fort belle et bien richement acoustrée, en laquelle il ficha si bien son amour que, quant il dormoyt, tousjours luy estoyt advis qu'elle estoit couchée auprès de luy; et pour ceste cause envoya ung fort beau rondeau par amours ainsi que s'ensuyt.