RONDEAU

Dame d'honneur, n'oubliez pas Le puissant Gargan, par amours Pour vous faict piteuses clamours, Car sans vous veoir est au trespas; Jamais ne fera beau repas S'il ne vous tient à tous les jours,

Dame d'honneur.

Et puis que congnoissez mon cas, De venir ne faictes séjours.

Vous priant ne faire faux tours Au graut Gargan, tant hault que bas,

Dame d'honneur.

Ladîcte dame receupt tresvoulentiers ce rondeau, lequel elle leut tout au long et luy sembla fort beau et bien dicté, dont elle fut incontinent esprinse de son amour ; mais elle redoubta fort sa grandeur et grosseur, car il estoit si grand et si gros qu*il eust bien veu par dessus les plus haultes montaignes du pays, mais qu'il se fust ung bien peu haulsé. Et la dame qu'il aymoit n'avoyt pas plus de troys cens couldées de hauit : pour ce elle redoubtoit sa grosseur et grandeur, et en soy excusant le plus honnestement qu'elle peult, et aussi qu'elle craingnoit la mort, elle luy envoya ung beau rondeau, lequel s'ensuyt, et luy fist présenter par le mesme messaigier. Le dict Gargantua le resceupt voulentiers, pensant qu'elle le deust aymer, puis c'est prins à le luyre en ceste manière :