CHAPITRE GLVIII
Comment messire Jennet de Poix et autres alèrent secrètement à Saint- Denis de par le duc de Bourgongne. Et de plusieurs chevauchées qui se firent sur le royaume * .
Item, oudit moys de juing, messire Jehannet de Poix, par l'accord dudit duc de Bourgongne son seigneur, acompaigné de quatre cens piétons, print chariotz et mist en tonneaulx secrètement leurs armeures, et par compaignies alèrent par divers chemins jusques à Saint-Denis, au Lendit, en guise de marchans. Et ainsi que le Roy estoit à Saint-Germain en Laie et le connestable en Normendie, plusieurs d'iceulx se muçèrent sur le chemin, et les autres entrèrent en la ville comme marchans. Et là aloient, principalement pour prendre le chancelier et Tanegui du Chastel , prévost de Paris. Mais tandis qu'ilz buvoient et mengeoient, lesdiz chancelier et Tanegui passèrent sans empeschement par ladicte ville et retournèrent à Paris. Et après ce qu'ilz sceurent qu'ilz furent passez, ilz retournèrent à confusion en Picardie, en amenant avec eulx prisonniers et despoulles du royaume. Dont le peuple ne fut point bien content.
Et d'autre part. Ferry de Mailly, acompaigné de plusieurs gens de guerre, ala en Santers es villes du Quesnel *, Hangest, et où avoit esté prins messire Martelet et lui, et là prindrent plusieurs prisonniers et autres biens sans nombre, et les emmenèrent. Et lesdiz
1 . Le second paragraphe de ce chapitre forme la matière du chapitre clix des imprimés.
2, Le Quesne {Somme).
prisonniers, après ce qu'ilz eurent esté piteusement questionnez, furent mis à grans finances.
Et pareillement, messire Mauroy de Saint-Léger passa l'eaue de Seine et s'en ala mectre en embusche assez près du chastel de Chaule *. Et au matin, quant le pont fut avalé, soudainement, à tous ses gens, print ledit chastel, lequel grandement estoit rempli de tous biens. Mais assez tost après, les paysans de Lihons et autres villes, qui avoient leurs biens dedens, alèrent à puissance devant ledit chastel. Et en fin traictèrent tant devers ledit messire Maulroy, que, moyennant grant somme d'argent que lui et ses gens en eurent, se party de là, en rendant le chastel à la dame doairière d'icellui .
