CHAPITRE CLIX
Comment Lihons en Santers fu pillé de plusieurs capitaines, qui se meirent sus : la prinse du chastel de Beaumont ; et l'assault et prinse de Neelle, et autres matières *.
Item, assez tost après, ledit messire Maulroy de Saint-Léger et Jehan d'Aubigny alèrent loger à Lihons en Santers, laquelle ville avecques la proye ilz pillèrent et ravirent tous les biens, et avecques ce raençonnèrent plusieurs hommes à grant finance. Et ce fait, à tout leur proie, s'en retournèrent en Artois.
Ainsi et par ceste manière se commencèrent à assembler plusieurs compaignies, tant nobles comme non nobles, estans au duc de Bourgongne, dessoubz plusieurs estandars. Desquelz estoient principaulx ,
4. Cbaulnes, près Lihons -en-Santerre, 2. Titre de l'édition de 4S72.
iSO CHRONIQUE [4416]
ledit messire Maulroy de Saint-Léger, Jehannot de Poix, Daviot, son frère, le seigneur de Sores en Beauvoisis, Jehan de Fosseux , Hector et Phelippe de Saveuses. Ferry de Mailly, Loys de Vargines, messire Paien de Beaufort, messire Loys Brunel, Jehan d'Onqueure, Girard, bastard de Brimeul, et autres sans nombre. Lesquelz très souvent chevauchoient à estandart desployé sur le royaume, c'estassavoir sur les marches de la conté d'Eu et d'Aumarle, et aussi es pays de Santers et de Beauvoisis jusques sur la rivière d'Oise, par espécial sur les terres de ceulx qui autrefois avoient tenu le parti d'Orléans. Esquelz pays, iceulx faisoient maulx sans nombre, prenans hommes prisonniers et autres proies, comme on fait de coustume sur ennemis. Desquelles malefaçons et rapines, iceulx et leurs gens estoient grandement remplis. Et pareillement y avoit plusieurs autres capitaines et conducteurs, messire Catilinas, chevalier lombart, Jehan de Gingin, Jehan du Clau et Lami du Clau, savoisiens, Jehan d'Aubigni, le bastard de Sallebrusse, Charles Labbé, le bastard de Thien, Mathieu des Prez, Pancète, le bastard Penard et aucuns autres, qui estoient bien deux mille chevaulx quant ilz estoient joins ensemble. Lesquelz par longue espace tindrent les champs, tant sur les pays du roy comme sur ceulx du duc de Bourgogne ; qui faisoient maulx inestimables. Et mesmement ledit messire Catilinas et ses gens prindrent le chastel d'Oisy en Cambrésis, appartenant à la fille et héritière de messire Robert de Bar, oii il fut par longue espace et fist d'icellui et de toute la terre comme de son propre.
En après, le dessusdit seigneur de Sores, à tout six
cens combataiis, ala passer au port Avaire ' et de là se tira vers Paris, et au point du jour se mist en embusche entre Paris et l'église Saint -Laurens jusques à ce que les portes feussent ouvertes. Et tantost vint à eulx ung homme chevauchant ung blanc cheval, qui en brief parla audit de Sores et en brief retourna à Paris tout le chemin qu'il estoit venu. Et eulx là estans prindrent plusieurs hommes et femmes par là passans, pour doubte qu'ilz ne feussent descouvers. Et après, voians leur entreprinse estre rompue, en sonnant leur trompeté se partirent de là et se tirèrent bien en haste vers Beaumont sur Oize. Si estoient là alez pour prendre le roy Loys de Cécile, à l'aide de quelques Parisiens. Et quant ilz vindrent près de Beaumont, ilz envoièrent douze de leurs gens, à toutes leurs droictes croix, devant, qui dirent aux portiers que le Roy les envoioit sur l'eaue de Somme pour garder les passages contre les Bourguignons, et tant firent par leurs paroles, et aux enseignes qu'ilz bailloient, qu'ilz entrèrent en la ville. Lesquelz, tantost après qu'ilz virent venir leurs gens, occirent les portiers et saisirent les portes, et incontinent assaillirent le chastel. Si le prindrent et occirent le capitaine et son filz. Et après qu'ilz le eurent prins et ravy et fait grant occision par toute la ville et chastel, sans bouter feux, ilz se départirent en emportant tous les biens et emmenant plusieurs prisonniers. Et alèrent vers Cleremont, tout pillant le pays, et puis delà, s'en alèrent devers Mondidier à Neelle en Vermandois, appartenant au conte de Dampraartin. Et se rassemblèrent là plusieurs capitaines, entre lesquelz
