CHAPITRE GLXIV
Comment ceulx de Naples se révoltèrent contre le roy Jaques , conte de La Marche, et lui firent guerre, et comment ilz prindrent la royne, et ce qui depuis en survint.
En ce temps se rebellèrent et s'esmeurent les Néapolitains contre le roy Jaques, conte de La Marche, f *; le cuidèrent prendre et emprisonner, mais il en avoit esté aucunement adverti, si se mist hors de leurs mains, de temps et de heure. Si prindrent la royne Jehanne, sa femme, en la cité de Naples, et menèrent grosse guerre audit roy et à ceulx qui ter 'jnt son parti. Si fut prins son connestable et le seij^iieur de Saint-Maurisse, beau-père audit connestable. Et pour estre mieulx asseur, se fist ledit roy mener par ung brigacien, en mer, au Chastel de l'OEf, et laissa garnison de ses gens au Chastel neuf. Et dura celle guerre jusques au xxvii^ jour d'octobre ensuivant, que la paix se fist, moiennant que tous les François estans oudit royaume, aians estât ou office en icellui, se partirent et s'en retournèrent chascun en ^on pays, excepté ceulx qui seroient commis à servir le corps dudit roy, en bien petit nombre. Et après celle paix faicte, retourna ledit roy au Chastel neuf et la royne aussi. Ouquel chastel lui fut desdiz Néapolitains le serement renouvelé, de le tenir comme leur roy toute sa vie, sans ce qu'il deust avoir nul gouvernement dudit royaume, et lui fut son estât ordonné pour sa personne, de gens, de chevaulx et autres choses , tout au plaisir desdiz Néapolitains.
En après, le jour que ledit roy Jaques arriva au Chaslel neuf après ladicte paix faicte, ceulx de ladicte cité de Naples firent grant feste et menèrent grant joye, et alumèrent parmy la ville feux et torches, et lendemain furent les dames et les damoiselles de la cité danser audit chastel, et y menèrent grant joye. Mais au tiers jour fu le roy si court tenu, que nul ne povoit parler à lui si non en la présence de ceulx qui de lui avoient le gouvernement, et ne porent les gentilz hommes de France prendre congié à lui. Et tantost après mirent la royne en ce parti, pour doubte que eulx deux ensemble ne feussent maistres des gouverneurs. Et toutesfoiz, pour leur serement acquiter, ilz tindrent l'un et l'autre pour leur roy et pour leur royne, mais ilz gouvernèrent eulx et leur royaume du tout à leur plaisir. Et fut le chef de tous ces rebelles et vilains traistres, ung ancien homme de la plus riche et puissant lignée de Naples, nommé Hennequin Mourmil, qui estoit cellui en qui le roy avoit plus grant fiance de tous les Ytaliens. Et fut icellui roy, grant espace tenu en ce point, et en fin leur eschappa et fu conduit par mer ou pays de Tarente qui lui estoit donné, et puis s'en party et fut du tout débouté dudit royaume. Et y ala depuis, lui et le duc d'Anjou filz du roy l^oys, et fut reçeu en la cité d'Anverse, mais il n'y eut point longuement esté quand il l'en convint partir. Et fut enchacé par le roy d'Arragon, et du tout débouté d'icelle seigneurie. Car, avec la rébellion de ses subgetz, la royne sa femme, qui estoit vielle et de diverse condicion, n'estoit pas bien contente de lui, pour ce qu'elle avoit esté advertie qu'il estoit amoureux de aucunes jeunes dames du pays plus qu'il n'estoit d'elle. Et ainsi pour pareil cas y
avoient esté les nobles qu'il avoit menez avecques lui du royaume de France *.
