CHAPITRE GLXX

Comment le roy Loys trespassa de ce siècle. — Le gouvernement des gens des compaignies , et autres matières.

' '' En ces jours, le roy Loys, beau-père du Daulphin, mouru * ; délaissa troys en fans, c'estassavoir le premier nommé Loys, qui fut roy après son père, le second René, qui depuis fut duc de Bar, et le tiers Charles. Et si avoit deux filles, dont l'une avoit espousé le Daulphin dessusdit , et la seconde nommée Yolant, n'avoit que deux ans. Pour la mort duquel icellui Daulphin fut moult affebli de conseil et d'aide.

En ces tribulacions regnoit ung moult merveilleux gouvernement en plusieurs parties du royaume de France, et justice n'estoit obéye en quelconque manière que ce feust. Et aussi les estrangers tenans la partie du duc de Bourgongne, c'estassavoir Gastelinas, Gingin, Jehan du Clau et les autres dessusnommez, régnoient et destroussoient par tous les lieux et pays où'ilz aloient et repairoient, tant sur les nobles que sur les non nobles, et mesmement sur ceulx tenans la partie du duc de Bourgongne, et fmablement faisoient maulx inestimables, dont le peuple estoit très fort oppressé. Toutesfoiz iceulx estrangers alèrent ou pays de Boulenois, tendans à rober icellui comme ilz avoient fait ailleurs, mais aucuns du pays s'assemblèrent en la compaignie Victor, bastard de Croy , et tout ensem-

1. Louis II, duc d'Anjou, roi de Naples et comte de Provence, mourut à Angers le 29 avril 1417.

[1417] D'ENGUERRAN DE MONSÏRELET. 181

ble, par nuit, alèrent assaillir le logis du lieutenant Jehan du Clau, nommé Laurens, lequel fut par iceulx mis à mort avec aucuns de ses gens, et tous les autres furent destroussez. Pour laquelle envaye le bastard de Thien, qui estoit l'un des capitaines d'icelle compaignie, print ung gentil homme très notable nommé Gadifer Galehault , lequel il fist pendre à ung arbre. Toutesfoiz iceulx estrangers, voians la forte guerre que leur faisoient lesdiz Boulenois, se tirèrent tantost hors dudit pays, et tost après en eulx en alant prinrent aucunes villes et fortresses dont ilz ravirent tous les biens, puis boutèrent les feux partout et les désolèrent. Et delà alèrent mectre le siège devant Neufchastel sur Esne *. Pour lequel siège lever et aussi pour iceulx estrangers destrousser, se assemblèrent Remonnet de La Guerre et messire Thomas de Kersis, bailly de Vermendois, en très grant nombre, de par le Roy, et de fait alèrent les combatre. Lesquelz sachans leur venue alèrent à l'encontre de eulx, et en conclusion les mirent en desroy et en prindrent que tuèrent bien huit vingts, et les autres, avecques ledit Remonnet et messire Thomas de I.iersis, se saulvèrent en eulx retraiant es bonnes villes du roy, où ilz porent le mieulx. Après laquelle besongne ceulx dudit chastel se rendirent ausdiz estrangers. Lesquelz, après ce qu'ilz eurent desrobé tous les biens, boutèrent les feux dedens, et eulx partans de là s'en alèrent en Cambresiz, où ilz firent plusieurs dommages.

Item, d'autre part, en ce mesme temps, Jehan de Fosseux, Daviot de Poix, Ferry de Mailly, messire Loys