Neufchâtel-sur- Aisne, en Laonnais

f«t CHRONIQUE [1417]

de Thienbronne, I^oysde Vergines, Guérart, bastart de Brimeu, et aucuns autres capitaines du duc de Bourgongne passèrent l'eaue de Somme par la Blanquetaque, à tout bien douze cens combatans, et par Oisemont s'en alèrent à Aumarle appartenant au conte de Harecourt et là se logèrent. Et là livrèrent grant assault au chastel, mais il fut bien défendu contre eulx par ceulx qui l'avoient en garde, et tant que desdiz assaillans y eut plusieurs terriblement navrez. Après lequel assault, en icelle nuit, par meschef ou autrement, boutèrent le feu en la ville, laquelle avecques l'église fut du tout arse et désolée, dont ce fu grant pitié, car c'estoit une ville moult notable pour plusieurs marchandises.

En oultre ledit Jehan de Fosseux et ses complices s'en ala de là loger en la ville de Hornay et es villages à l'environ ou pays de Vimeu. Lequel pays et villages en plusieurs parties fut pillé et robe par les dessusdiz. Lesquelz, dedens trois jours ensuivans, à tous leurs prisonniers , vaches , brebis , chevaulx , pourceaulx et autres proies, rapassèrent l'eaue de Somme par où ilz avoient passé. Et en cas semblables se firent plusieurs courses et chevauchées par les dessusdiz sur les marches de Beauvoisis, Vermendois, Santers, Amiennois et autres pays de l'obéissance du Roy, dont iceulx estoient merveilleusement traveillez.