CHAPITRE GLXXI

Comment les gens du Roy qui estoient en garnison à Péronne firent forte guerre ou pays du duc de Bourgongne, et autres matières.

Or est ainsi que durant le temps dessusdit la ville de Péronne, située sur la rivière de Somme, estoit très fort gamye de gens d'armes que le connestable de France y avoit envolez de par le Roy, entre lesquelz y estoit pour chef messire Robert de Loire, à tout cent hommes d'armes bien en point, et cent arbalestriers genevois avecques autres cent combatans, lesquelz très souvent couroient de jour et de nuit sur les pays et subjetz du duc de Bourgongne et en ramenoient de grans proies en leurs garnisons.

Et pareillement le chastel Demuin ', appartenant à messire Colart de Calville , faisoit guerre ou nom du Roy à tous les bienvueillans et qui tenoient le parti du duc de Bourgongne.

Et par espécial , les villes d'Amiens et de Corbie avoient à ceste occasion de grans affaires, tant d'une partie comme d'autre. Et mesmement à l'instance et mandement du duc de Bourgongne convint que ceulx de la ville d'Amiens déboutassent d'icelle messire Robert d'Esne qui en estoit bailli de par le roy, et Hue du Puis, procureur, avec aucuns autres, à l'occasion de ce que trop rigoreusement s'estoient conduis entre Içs gens dudit duc oultre son plaisir. Car il leur manda

i. Sic dans 8345. Le Suppl. fr. 93 est plus clair, puisqu'il met l'article. « Le chastel de Demuyn. « C'est Demuin, Somme.

d84 CHRONIQUE [1417]

que c'estoit son entencion de à eulx faire guerre ou cas que contre lui ilz les vouldroient soustenir. Et pour ce s'en partirent et alèrent à Paris devers le Roy, auquel et à son grant conseil firent pour ceste besongne grant complainte. Dont ilz ne furent point bien contens du duc de Bourgongne.