CHAPITRE GLXXIL

Comment le duc de Bourgongne envoya ses ambaxadeurs en plusieurs bonnes villes du royaume pour avoir aliances avecques eulx.

Item, après ces choses, le duc Jehan de Bourgongne envoia en plusieurs des bonnes villes du royaume ses ambaxadeurs, c'estassavoirdes seigneurs de Fosseux et de Humbercourt et maistre Phelippe de Morviller, lesquelz portèrent lectres patentes du duc de Bourgongne adrécans aux gouverneurs d'icelles bonnes villes. Et premièrement alèrent à Monsterueil \ laquelle ouvry , aux autres la voye , et de là alèrent à Saint-Riquier, à Abbeville, à Amiens et à Dourlens. Esquelles et en chascune d'icelles ilz firent lire en commun lesdictes lectres. Après laquelle lecture ledit maistre Phelippe de Morviller proposa devant iceulx moult auctentiquement, remonstrant la bonne provision que le duc de Bourgongne avoit entencion comme il disoit de mectre pour le bien du royaume et de la chose publique. Finablement tant firent et procurèrent lesdiz ambaxadeurs que icelles bonnes villes firent aliances avec iceulx jurées solemnellement, et de ce l'une partie et