CHAPITRE GLXXVI

Comment le duc de Bourgongne passa oultre à tout sa puissance vers Paris, mectant plusieurs villes et citez en son obéissance.

Item , après ce que le duc de Bourgongne eut par aucuns jours séjourné en la ville d'Amiens, et qu'il eut commis au gouvernement de ses pays de Picardie en délaissant pour principal chef son seul filz, le conte de Charrolois, acompaigné de notable conseil pour le conseiller et conduire, il se parti dudit lieu d'Amiens en retournant à Corbie, et delà s'en ala à Montdidier. Lequel temps durant, la dame du chastel de Demuin * promist que plus ne souffreroit que ses gens feissent guerre sur les pays dudit duc de Bourgongne. En la compaignie duquel alèrent audit lieu de Montdidier le jeune conte de Saint-Pol, messire Jehan de Luxembourg et plusieurs autres notables et grans seigneurs. Et le seigneur de Fosseux, acompaigné de ses trois frères, c'estassavoir messire Phelippe, Jehan et Jaques, Jennet de Poix, Hector, Phelippe et le Bon de Sa-

î> Demuin {Somme).

veuses, le seigneur de Rambures, messire Hue Brunel, Loys de Vargines et plusieurs autres nobles bommes, s'en ala à Beauvais, ouquel lieu il fut receu par certain moïen, pour et ou nom dudit duc de Bourgongne, ainsi et par la manière que avoient fait ceulx d'Amiens. Dedens laquelle \ille ledit seigneur de Fosseux fist proposer présentie maire, escbevins et communaulté d'icelle par maistre Robert le Josne , advocat et conseiller du duc de Bourgongne, la bonne amour et vraie affection que ledit duc avoit tousjours au bien du Roy et de toute sa généracion et de la cbose publique, en remonstrant aussi l'entencion qu'il avoit en ce présent voiage afin de relever le royaume et mectre hors des grans tribulacions où il estoit par le moien d'aucunes gens de petit estât qui gouvernoient le Roy. De laquelle proposicion les dessusdiz de Beauvais furent assez contens, et finablement se conclurent et disposèrent du tout à recevoir icellui duc de Bourgongne dedens leur ville, à tout telle puissance qu'il lui plairoit à y mètre. Lequel duc , tantost après se parti de Montdidier et ala audit lieu de Beauvais, où il fut très joieusement receu de tous les bourgois et habitans. A l'entrée duquel fu crié Noël par les carrefours où il passoit , et s'en ala loger à Fostel de l'évesque, et là séjourna par huit jours entiers. Si estoient ses gens d'armes logez ou pays à l'environ, qui fort en fut traveillé, jà soit ce que le pays feust très h abondamment pourveu de tous biens. Ouquel lieu vindrent aucunes gens de Gournay en Normandie, envoiez par les gouverneurs et habitans d'icelle, lesquelz se mirent en son obéissance, promectant de tenir son party, et à ce les receut bénignement, et leur fist faire serement d'estre bons et loyaulx en- III ik

vers le Roy et lui, ce qu'ilz accordèrent libéralement, et par ainsi leur quicta toutes gabelles , subsides , imposicions, comme il fist es autres villes du Roy qui se mirent en son obéissance.

Et ce pendant, Hector et Phelippe de Saveuses, messire Hélion de Jacqueville et aucuns autres capitaines alèrent courir devant Beaumont sur Oise, cuidant gaigner le passage, mais il fut bien défendu par les gens du conte d'Armignac, connestable de France, qui estoient dedens, par quoy iceulx s'en retournèrent en la ville de Chambely le Hauberger, en laquelle, tant es églises comme ailleurs par la ville, ilz prindrent biens sans nombre , et après retournèrent à Beauvais vers le duc leur seigneur, qui peu de temps après envoia grant partie de ses gens loger audit lieu de Chambely et es villages d'environ. Et tost après ledit duc partant de Beauvais, les suivy, à toute sa puissance qui estoit moult grande, et selon Vestiraacion de gens à ce congnoissans, quant ledit duc avoit mis toutes ses gens ensemble, il avoit mieulx de soixante mille chevaulx. Et lors, par le moien et pourchas d'un gentilhomme nommé Charles de Moy, fu tant traicté que le seigneur de risle-Adam se rendi du parti du duc de Bourgongne, et avec ce, mist et bailla sa ville et passage en la main et obéissance de Jehan de Fosseux et Hector de Saveuses, lesquelz pour le garder y mirent certain nombre de leurs gens. Pour laquelle besongne, quant ce vint à la congnoissance du duc de Bourgongne , il en fu très joieulx, tant pour ledit passage comme pour icellui seigneur qui s' estoit tourné de son parti. Et d'autre part, messire Jehan de Luxembourc ala passer l'eaue d'Oise , à tout grant nombre de gens d'armes ,

par Précy, par aucuns petis bateaulx, et firent la plus grant partie de ses gens nager sur leurs chevaulx oultre ladicte rivière. Si se loga assez près, et lendemain, à tout une partie de ses gens, ala courir devant la ville de Senlis, dedens laquelle estoit messire Robert d'Esne, commis de par le Roy bailli de ladicte ville, à tout soixante combatans ou environ, lequel fist saillir ses gens tous de pie à l'encontre dudit de Luxembourg et ses gens, et y eut grande escarmouche. Toutesfoiz la plus grant partie du commun de ladicte ville n'estoient pas bien contens de ce que ledit messire Robert d'Esne menoit guerre aux gens du duc de Bourgongne. Et pour tant, la nuit ensuivant, après que ledit messire Jehan de Luxembourg fut retrait, ledit commun prindrent ledit messire Robert d'Esne et toutes ses gens, et après qu'ilz en eurent tué neuf ou dix , le mirent en prison. Mais par le moien d'aucuns des plus notables il fut mis hors de la ville avecques toutes ses gens et leurs bagues, duquel lieu s'en ala au Mont Epiloy '. Et lendemain très matin, messire Jehan de Luxembourg fu mandé de ceulx de Senlis, lesquelz pour et ou nom du duc de Bourgongne lui baillèrent obéissance, et entra dedens à son plaisir. Et là receut le serement d'eulx pour le Roy et le duc de Bourgongne, promectans qu'ilz seroient bons et loyaulx, et avec ce fist, Troullart de Maucreux, nouvel bailli de Senlis, et aucuns autres officiers, telz que bon lui sembla. Après lesquelles besongnes, ledit messire Jehan de Luxembourg s'en retourna devers ledit duc de Bourgongne.

i. Montépilloy {Oise, arr. de Senlis).