CHAPITRE GLXXVII
Comment le duc de Bourgongne fîst passer ses gens outre à l'Isle-Adam et asséga et conquist Beaumont et Pontoise, et de là ala se loger à l'Arbre sec. Bl autres matières.
En après ledit duc de Bourgongne fist refaire le pont de l'Isle-Adam, par lequel passèrent grant partie de ses gens, lesquelz conduisoient les seigneurs de Fosseux, de Vergi, de Saveuses et de Vargines. Et se logèrent aux plains champs et soubz les haies et buissons dudit passage. Et lendemain au matin se deslogèrent, et puis en belle bataille chevauchèrent jusques à Beaumont sur Oise, et là se logèrent dedens la ville et tout autour du chastel, non obstant la défense de ceulx de dedens. Et messire Jennet de Poix, à tout quatre cens combatans soubz son estandart, s'en ala loger à un village à une lieue près de Beaumont en tirant vers Paris, et là se fortifia et se tint tant que tout l'ost se desloga. Et ledit duc de Bourgongne par l'autre costé de Teaue se loga en des tentes à pleins champs, et tantost fist asseoir ses gros engins pour gecter contre ledit chastel de Beaumont par dessus la rivière d'Oise. Lesquelz engins gectèrent tant continuellement et par telle manière, que ledit chastel fut grandement endommagié en plusieurs parties. Pour quoy les asségez voyans qu'ilz estoient en péril d'estre prins par force, se rendirent à la voulenté dudit duc de Bourgongne. Et furent trouvez cinquante deux hommes, desquelz il en eut neuf qui eurent les testes copées et furent leurs corps pendus par les aisselles à ung arbre qui estoit es
prez vers Chambeli, et les autres furent depuis délivrez par finance, au moins la plus grant partie. Et le seigneur de Vergi qui estoit maresclial de l'ost, à cause de son office, eut tous les biens qui furent là trouvez dedens la fortresse. Et après ledit duc de Bourgongne fist refurnir icelhii chastel de vivres, et le bailla en garde à ung gentil homme de Bourgongne, nommé Jehan de Torsenay. Après laquelle prinse, icelkii duc fist partir son avangarde qui estoit outre l'eaue au costé vers Paris, et ala loger devant Pontoise en l'abbaye de Maubuisson et autres lieux devant icelle ville, et le duc se loga de l'autre costé pardevers Beauvais, et par ainsi fut tantost avironnée. Et de première venue, ceulx de dedens saillirent contre leurs ennemis et adversaires, mais tantost furent des autres reboutez dedens leur ville. Et tost après ledit duc fist asseoir ses gros engins devant les portes de Pontoise, et avec ce fist commencer à faire plusieurs apparaulx pour iceulx subjuguer. Mais quant lesdiz asségez apparceurent lesdiz apparaulx ilz commencèrent à parlementer, et finablement dedens cinq jours ensuivans rendirent ladicte ville en la main du duc de Bourgongne, par condicion que les gens de guerre et souldoiers s'en alèrent sauf leurs corps et leurs biens, et promirent qu'ilz ne s'armeroient point contre ledit duc de Bourgongne jusques au Noël ensuivant , laquelle chose ilz ne entretinrent point. Car, ceulx venus à Paris, y commencèrent à mener guerre comme ilz avoient fait paravant. Et estoient trois capitaines dedens Pontoise aians estandart, c'estassavoir le bastard de Saincte- Terre, Tromagon et Marigon, natifz du pays de Gascongne, lesquelz comme dist est partirent tous ensem-
ble et s'en alèrent par le pont de Meulenc à Paris. Et après leur département, ledit duc, à petites gens, entra dedens ladicte ville de Pontoise pour la visiter. Dedens laquelle il fut receu par plusieurs bourgois, lesquelz le amoient et avoient aymé long temps paravant. Et lors fist faire défense par tout son ost que nul n'entrast en ladicte ville, sinon ceulx qui y estoient commis, afin que les vivres dicelle ville ne feussent destruis ne amendris. Et là ordonna de par le Roy et de par lui, capitaine de la ville , le seigneur de l'Isle- Adam. Et après se parti de là, prenant son chemin vers Meulenc. Ouquel lieu de Meulenc lui fu faicte ouverture. Car les gens d'armes qui estoient commis à le garder de par le Roy et le connestable, s'estoient partis et alez à Paris avecques ceulz de Pontoise, qui estoient passez par là. Toutefoiz ledit duc de Bourgongne, entre Pontoise et Meulenc, fistmectre tous ses gens en bataille pour les veoir tout à une foiz en ordonnance comme s'ilz eussent esté devant leurs adversaires. Et estoit en une belle pleine au dessoubz d'une montaigne. Laquelle chose fut moult plaisante à veoir, car il avoit grant nombre de gens moult bien habillez et désirans de le servir contre tous ses ennemis. Desquelz les principaulx qui avoient la charge de ses gens je nommeray une partie.
Premièrement, y estoit Phelippe conte deSaint-Pol, filz du duc Anthoine de Brabant nepveu dudit duc de Rourgongne, messire Jehan de Luxembourg, le seigneur d'Antoing, le seigneur de Fosseux, lui troisiesme de ses frères , le vidame d'Amiens , Anthoine, seigneur de Croy, le seigneur d'Inchy, le seigneur de Humières, messire Robinet de Mailli et deux de ses
frères, le seigneur de Rambures, messire Jehan de Vaucourt et Loys son frère. Le Moyne de Renty, Loys de Vargines, le seigneur de Cohem, messire Aleaume de Gapaumes, messire Hue Brunel et messire Loys son filz, et plusieurs autres.
Et de Flandres, le seigneur de Strenhuse, le seigneur de Commines, le seigneur de Gruthuse, le seigneur de Roubaix, Robert et Victor bastards de Flandres, messire Victor de Rabecque , Robert de Manimes , Henri de Dixemude, messire Roland de Hutequerque , Hector de Veront, le bastard de Collequeult et aucuns autres.
Et de Bourgongne, le seigneur de Vergi, mareschal de Bourgongne, messire Antlioine de Vergi, Loys de Châlon, filz du prince d'Orenge, le seigneur de Salusce, messire Jehan de La Trémoille, seigneur de Jonvelle, messire Renier Pot, le seigneur de Montagu , le seigneur de Neufchastel, le seigneur de Chasteauvillain, le seigneur de Chasteauvielz , le seigneur de Rochefort et plusieurs autres nobles hommes de diverses nacions, qui en moult belle ordonnance avecques toutes leurs gens furent bien ilec par l'espace de deux heures. Durant lequel temps ledit duc de Bourgongne et aucuns de ses plus fëaulx avecques lui, ala tout au long des batailles pour les veoir, faisant à iceulx très grans honneurs et inclinacions et ainsi les remerciant du bon service qu'ilz lui faisoient. Et pour dire "vérité c'estoit belle chose de les veoir tant y avoit de notables hommes et fleur de gens d'armes bien habillez. Et après ce qu'il les eut ainsi veuz , passa avecques tout son ost la rivière de Seine au pont de Meulenc et se loga aux pleins champs deux lieues oultre. Et adbnc
Jehan de Fosseux et Hector de Saveuses, à tous deux cens conbatans, alèrent au Val de Galie devant un chastel nommé Vaine, qui estoil à l'abbé de Fescamp, lequel estoit dedens et leur fist obéissance , par le moien d'un nommé Loys de Saint-Saulieu qui estoit son parent, lequel estoit en la compaignie dudit Hector. Et tant fut traictié que une partie de leurs gens demourèrent léans pour garder ledit cliastel contre les autres gens du duc de Bourgongne, et moiennant certaine somme d'argent qu'ilz en receurent, baillèrent leurs scellez. Mais tantost après, par le consentement dudit Hector, comme il fut commune renommée , furent prins et emportez tous les biens d'icellui chastel par Phelippe de Saveuses et aucuns autres de sa compaignie, et y fut fait très grant dommage.
En après ledit duc de Bourgongne chevaucha tant qu'il vint sur le mont Rouge, et tout son exercise et ses gens autour de lui. Ouquel lieu, ceulx de Paris le povoient tout à plein veoir, et y avoit si grant nombre de tentes que ce sembloit unç bonne ville. Et lors, parcellui duc fut envoyé messire Jehan de Luxembourg avecques toutes ses gens, loger dedens la ville de Saint-Cloud et devant le pont. Auquel lieu fist assaillir une petite tour qui estoit au bout dudit pont vers la ville, laquelle fut assez tost prinse et mise en feu, et aussi les moulins qui estoient au dessoubz furent ars. Et tantost après on dressa grosses bombardes devant la grosse tour de Saint-Cloud, qui grandement la dommagèrent en plusieurs lieux, mais pour tant ne fut point prinse car chascun jour venoient toutes nouvelles gens de Paris pom^ le défendre. Et après que ledit duc de Bourgongne eut esté huit jours logié sur le mont Rouge en
[1417] D'ENGUERRAN DE MONSïRELET. 217
tirant vers Paris, sur une montaigne où il avoit un sec arbre sur lequel il fist mectre son estandart, et pour ce, fut ce logis nommé le logis de l'Arbre sec, et autres l'appelloient l'orme Hauldon. Là fut ledit duc bien huit jours, et plusieurs de ses gens estoient logez es villages assez près de Paris, dont il advenoit que chascun jour couroient devant ladicte ville, et ceulx qui en ladicte cité estoient en garnison, sailloient souvent contre eulx, pour quoy il y avoit souvent de grandes escarmouches entre icelles parties, combien que d'un costé ne d'autre n'y eust pour ce temps guères grant perte. Mais ceulx de l'ost, souvent et en plusieurs parties couroient le plat pays jusques à sept ou huit lieues à l'environ, et là prenoient et ramenoient à leur ost chevaulx, vaches, brebis, pourceaulx et tous autres biens portatifz , dont le povre peuple et le pays estoit fort tra veillé.
