Orsay, en Hurepoix {Seine et-Oisé

cinquante gentilz hommes. Durant lequel temps ledit duc de Bourgongne envoia messire Hëlion de Jacqueville, Jehan Gingin et autres capitaines, à tout bien seize cens combatans, en la ville de Chartres, laquelle avec Estampes, Galardon et autres villes et fortresses, se rendirent en l'obéissance dudit duc de Bourgongne, et en demoura ledit Jacqueville capitaine et gouverneur. Et pareillement furent envoiez messire Phelippe de Fosseux et Robert le Roux, à Auneau \ devers la dame de La Rivière, laquelle promist que dedens ses fortresses d' Auneau et de Rochefort ne mectroit nulles gens qui feissent guerre, ne portassent dommage audit duc de Bourgongne, ne à ses bien vueillans.

En oultre, pour ce temps, plusieurs diverses villes et fortresses, et aussi plusieurs nobles hommes, se mirent en la subjection et en l'obéissance dudit duc de Bourgongne, espérant que vendroit à son entente de son entreprinse et auroit le gouvernement du royaume de France. Ausquelles villes, c'estassavoir celles qui se mectoient en son obéissance, ne souffroit payer aucune gabelle, imposicion ne autre subside, excepté le sel. Et par ainsi, acquit grandement la grâce de plusieurs bonnes villes et du peuple de plusieurs pays. Ouquel temps aussi icellui duc de Bourgongne envoya ses lectres en plusieurs bonnes villes du royaume. Desquelles la teneur s'ensuit :

« Jehan, duc de Bourgongne, conte de Flandres, d'Artois et de Bourgongne palatin , seigneur de Salins et deMalines. Très chers et bons amis, par vraye expé-