Diacres. » {Suppl.fr

[ikil] D'ENGUERRAN DE MONSTRELET. 2îîf

comme le saint colege fait dire, pour ce que le Roy estoit ocupé de maladie, monseigneur le Daulphin en trop jeune aage, et le conte d'Armaignac entechié de scisme, et aucuns du conseil du Roy estoient adhérens audit conte et par conséquent suspectz de scisme. Bien est vérité que ledit conte d'Armaignac n'est point déclairé scismatique ne suspect de hérésie, mais à la session publique par laquelle fut débouté Pierre de La Lune et déclairé estre scismatique et hérétique, il fut accusé de par le roy des Rommains en propre personne, et par le procureur fiscal dudit concile , et fut relié au scisme, non obstans excusacions frivoles que fist maistre Jehan de Gerson. Et tantost, de par le saint collège, je fis à mondit seigneur trois prières et re questes. La première si fust, qu'il lui pleust ledit saint collège, le pape et Testât du saint concile, avoir pour recommandé, en les gardant et aidant à garder en leurs privilèges, franchises et libertez anciennes. La seconde, que s'il y avoit aucuns qui eussent escript ou escripvoient ou temps avenir contre ledit saint coliege ou le pape , qu'il n'y voulsist point adjouster foy. La tierce, que mondit seigneur voulsist avoir pour agréable ce qui seroit fait par ledit saint collège, tant sur le fait de l'élection, comme sur la réformacion de saincte Église. »

Au bout de laquelle cédule ledit Lienin avoit mis son signe manuel.

iS