CHAPITRE CLXXIX

Comment le duc Jehan de Bourgongne ala loger devant Corbueil et depuis à Chartres, et ala en Touraine au mandement de la Royne.

Or est ainsi que aprèi^ ce que le duc Jehan de Bourgongne eut receu l'obéissance du chastel de Montlehery et le regarny de ses gens, il se départi à tout son ost, et ala mectre le siège devant la ville de Corbueil, c'estassavoir du costé de Montlehery tant seulement, et là fist asseoiF ses gros engins en plusieurs parties pour icelle ville dommager. Mais ceulx de la ville, qui estoient fort garniz de gens d'armes que le connestable et le conseil du Roy leur avoit envoiez , défendirent grandement et bien ladicte ville contre ledit duc de Bourgongne et son armée, et par plusieurs foiz lui occirent de ses gens, de traict de canons et autres habillements de guerre, dont continuellement ilz gectoient en son ost, et chascun jour , tant par eaue comme par terre, venoient gens dedens ladicte ville de par ledit connestable, à tous vivres, habillemens de guerre et autres choses neccessaires pour icelle défendre. Finablement, après ce que ledit duc eut esté troys sepmaines ou environ devant ladicte ville de Corbueil, voiant qu'il ne le povoit subjuguer ne avoir, et aussi que ses gens estoient moult fort traveillez , tant pour les grandes pluies qu'il faisoit chascun jour, comme pour la mortalité qui s'estoit boutée en son ost, se départi le xxviii^ jour d'octobre et leva son siège de devant Corbueil, prenant son chemin vers la ville de Chartres. Auquel \3gis de Corbueil ledit duc

laissa aucuns de ses gros engins et autres babillemens de guerre, avecques grant provision de vivres que plusieurs marchans avoient amené en l'ost, lesquelles choses après le département devantdit furent mises dedens la ville par les asségez; lesquelz grandement furent joieux quant ilz se virent délivrés de leurs ennemis. Auquel logis devant Corbueil messire Mauroy de Sainl-Léger fut féru d'un vireton * parmy la jambe si angoisseusement qu'il en demoura affolé et en clocha grandement tout le temps de sa vie.

Et la cause pour quoy ledit duc se desloga si hastivement, ce fut pour ce que la royne de France, qui estoit à Tours en Touraine, lui avoit fait scavoir secrètement par ung sien féable serviteur, qu'il voulsist aler devers elle pour la ramener avecques l\ii, car moult estoit court tenue et en grant danger. Sur laquelle requeste icellui avoit envoie ung sien serviteur nommé maistre Jehan de Droissay, pour sur ce prendre conclusion. Lequel traicta tant avec ladicte Royne qu'elle promist de soy en venir avecques ledit duc ou cas qu'il vendroit devers elle pour la quérir, et pour plus grande seureté bailla audit secrétaire ung sien signet d'or pour porter audit duc, lequel signet il recongnut bien , car plusieurs foiz il l'avoit veu. Et sur ce, quant ledit duc fut venu dudit lieu de Corbueil à Chartres, la nuit de la Toussains, à tout la plus grant partie des seigneurs et capitaines de sa compaignie et aussi de ses gens d'armes les mieulx montez, se parti soudainement, et par Bonne val et \endosme s'en ala devers Tours. Et quant il vint à deux lieues près, il envoia devant les