Le vireton est le trait d'une arbalète

seigneurs de Fosseux et de Vergi, à tous huit cens combatans, lesquelz se mirent en embusche et s'arrestèrent à demie lieue près et envoièrent de rechef ung certain message devers la Royne , lui noncer la venue dudit duc. Pour quoy, incontinent qu'elle oy les nouvelles, appella maistre Guillaume Torel, maistre Jehan Picart et maistre Laurens du Puis, qui estoient ses principaulx gouverneurs, auxquelz elle dist qu'elle vouloit aler oyr la messe à une église dehors la ville nommée Meremoustier * , et qu'ilz se préparassent pour aler avecques elle. Lesquelz lui desenortèrent à ce faire. JNéantmoins elle yssi briefment hors de Tours et les mena avecques elle à ladicte église. Et tost après les dessusdiz seigneurs alèrent devers icelle église, et envoièrent devers la Royne Hector de Saveuses, à tout soixante combatans. Et lors, les dessusdiz gouverneurs vindrent devers elle où elle oioit la messe et lui dirent : « Dame, veez cy nous voions venir grant compagnie de Bourguignons ou d'Anglois. » Et elle qui riens ne doubtoit, leur dist qu'ilz se tenissent près d'elle. Et adonc ledit Hector de Saveuses entra dedens l'église et la salua de par son seigneur le duc de Bourgongne. Laquelle lui demanda où il estoit, et il lui respondi qu'il venroit tost vers elle. Après lesquelles paroles elle commanda audit Hector que les dessusdiz maistre Guillaume Torel, maistre Jehan Piquart et maistre Laurens du Puis, estans emprès elle, feussent prins. Lequel maistre Laurens elle avoit en grant hayne, car parloit à elle irrévéremment sans mectre main à son chaperon et sans lui faire quelque révérence , et ne