CHAPITRE CLXXXIX

Comment la ville de Paris fut prinse par les gens du duc de Bourgongne, et les incidens qui en vindrent.

Vous avez bien oy cy-dessus recorder comment les Parisiens n'estoient point bien contens du conte d'Ar-

maignac, connestable de France, et des autres gouverneurs du Roy, pour ce principalement qu'ilz n'avoient point voulu entretenir le traictié derrenièrement fait avecques le duc de Bourgongne, comme cy- dessus est plus à plain déclairé. Lequel duc et sa puissance iceulx Parisiens doubtoient moult , et bien veoient que s'ilz n'estoient réconsiliez avecques le Roy et le Daulphin, ilz demourroient long temps en la tribulacion où ilz estoient, et aussi y en avoit grant partie qui fort souliaitoient et désiroient qu'il eust le gouvernement, mais bonnement n'y savoient comment pourveoir, car moult estoient près gardez et ne se osoient ne po voient mectre ensemble pour avoir communicacion l'un avecques l'autre, parce que les gouverneurs dessusdiz estoient tousjours fort furniz de gens d'armes prestz pour les punir tantost qu'ilz les verroient faire aucune apparence de rébellion. Mais néantmoins il y eut aucuns jeunes compaignons de moien estât et de légère voulenté, qui autrefoiz avoient esté punis pour leurs démérites, lesquelz s'aventurèrent d'aler secrètement parler au seigneur de l'Isle-Adam, qui se tenoit à Pontoise en garnison. Desquelz compaignons estoient les principaulx ung nommé Perrenet Leclerc, filz Jehan le Clerc , ferron , Jehan Thibert , boucher , Perrin Bourdechon et aucuns autres jusques à six ou huit. Et tant traictèrent avec ledit seigneur de l'Isle-Adam, qu'il leur promist d'assembler gens de guerre le plus grant nombre que faire se pourroit, et de les mener le xxix® jour de may ensuivant devant la porte Saint-Germain des Prez, pour entrer dedens Paris. Laquelle porte ilz lui promirent ouvrir et délivrer, et sur ce se partirent. Et adonc ledit seigneur de l'Isle-Adam, le plus secrète-

ment qu'il peut, assembla jusqu'à huit cens combatans ou environ, entre lesquelz estoit Le Veau de Bar, bailli d'Auxi, le seigneur de Chastellus , le seigneur de Chevreuse, Ferry de Mailli, Loys de Vargines, Lionnet de Bournonville, David de Goy et aucuns autres jusques au nombre dessusdit, lesquelz il conduist au lieu et jour dessusdit , où ilz' trouvèrent ledit Perrenet le Clerc, lequel avoit emblé à son père dessoubz son chevet les clefz de ladicte porte Saint-Germain qu'il gardoit, et avecques lui estoient ses compaignons dessusdiz. Si fut icelle porte ouverte ainsi que promis l'avoient, et yssirent les aucuns dehors, qui parlèrent à icellui seigneur de l'Isle-Adam et aux autres, disans qu'ilz entrassent hardiement dedens et seurement, et qu'ilz les conduiroient par toute la ville. Lesquelz seigneurs avecques leurs gens, tous armez comme s'ilz deussent entrer en bataille, sur le raport desdiz compaignons se boutèrent dedens Paris tous à cheval moult doubteusement. Et povoit estre environ deux heures après my-nuit. Et lors, icellui Perrenet le Clerc, après qu'ilz furent ens, referma la porte [ avec les clefs ] et après en leur présence les gecta oultre la muraille. Et puis commencèrent à cheminer tout quoyement à cheval jusques assez près du Chastellet. Ouquel lieu ilz " trouvèrent environ douze cens 'compaignons Parisiens tous prestzpour aler avecques eulx. Etadonc conclurent d'un commun accord d'aler assaillir plusieurs hostelz des gouverneurs du royaume. Et ordonnèrent partie d'iceulx qui alèrent par diverses rues, crians à haulte

i . Notre texte écrit xii , en omettant le G, tandis que le Suppl. ■ fr. 93 met bien xu".

262 CHRONIQIjE [1418]

\oix, la paix ! disans oultre que ceulx qui vouloient la paix alassent en armes avecques eulx. Auquel cry se trouvèrent tantost grant multitude de peuple, à tout lesquelz s'en alèrent, comme dit est, envayr plusieurs hostelz par ordonnance. Dont l'une des parties ala à l'ostel de Saint-Pbl, où ilz rompirent portes et huis, et firent tant qu'ilz parlèrent au Roy. Lequel Roy fut content de leur accorder tout ce qu'ilz demandoient. Et tantost le firent monter à cheval, le filz du roy de Chipre avecques lui , et chevaucha avecques eulx parmy Paris. Et les autres alèrent à l'ostel du connestable pour le prendre. Mais il estoit jà adverti et s' estoit saulvé en habit descongneu en la maison d'un povre homme assez près de son hostel. Aucuns autres alèrent à l'ostel du chancelier et de Remonnet de La Guerre, lesquelz furent prins. Et après. Tannegui du Chastel prévost de Paris, oyant cel effroy, incontinent s'en fouy à l'ostel du Daulphin, lequel, enveloppé d'un linseul tant seulement, il porta dedens la bastille Saint- Anthoine. Avec lequel se retrahirent tantost plusieurs de leurs gens qui oyrent la criée parmy la ville de Paris.

En oultre, toute celle nuit et le premier et le second jour, les seigneurs dessusdiz avecques leurs gens et infiny peuple de Paris avecques eulx , foullèrent plusieurs maisons des gouverneurs dessusdiz et de leurs favorisans, lesquelz ilz prindrent et desrobèrent de tous poins, et prindrent prisonniers sans nombre et les menèrent au Palais, au Louvre, en Chastellet et en plusieurs autres lieux. Entre lesquelz furent prins les évesques de Senlis et de Bayeux et de Constances, messire Hector de Chartres, messire Enguerran de

Mftrtignet et autres sans nombre. Le sire de l'Isle- A.dam à ceste nuit ala à l'ostel de Bourbon, où il trouva Charles de Bourbon, aagé de quinze ans ou environ , auquel, après qu'il le eut esveillé, lui demanda quel parti il vouloit tenir, et il respondi, tel parti comme monseigneur le Roy. Et adonc le sire de l'Isle-Adam le fist lever et puis le mena devers le Roy, avecques lequel il se tint. Et durant ceste tribulacion grant partie des gens d'armes dudit connectable et de messire Tannegui , comme dit est , se saulvèrent en la bastille Saint- Anthoine, et avecques eulx Jehan Louvet , président de Prouvence, maistre Robert Maçon et moult d'autres gens de grant estât et auctorité. Pareillement furent prins les cardinaulx de Bar et de Saint Marc et de leurs gens, l'arcevesque de Reims et tous leurs chevaulx. Mais par la prière de l'évesque de Paris, pour ce qu'ilz avoient conseillié la paix, ilz furent mis au délivre, et si leur fu tout rendu.

Item , le lundi \ environ huit heures , fut de par le Roy, au son de la trompeté, Taneguy duChastel desmis de la prévosté de Paris , et en son lieu y fut constitué Le Veau de Bar, bailli d'Auxi. Et à brief comprendre, tous les conseillers du Roy, de la chambre de parlement, des comptes et autres bourgois de Paris de nom, teuans la partie du comte d'Armignac, furent pillez, prins ou occis cruellement. Et avecques ce fut cryé de par le Roy de quarrefour en quarrefour au son de la trompeté, que sur confiscacion de corps et de biens tout homme ou femme qui sçavoient aucuns tenans la partie du conte d'Armaignac mucez ou cachez en au-

i . 30 mai.

cuns lieux, les nonçast au dessusdit prévost de Pa»is ou à aucuns des capitaines. Pour quoy, assez tost après le povre homme en la maison duquel estoit ledit conte d'Armignac le ala noncer audit prévost , lequel sans dëlay y ala et le trouva ainsi qu'il lui avoit dit , et là le fist monter sur son propre cheval derrière lui, et le mena au Palais avec les autres qui là estoient prisonniers.

Après les choses dessusdictes, ^ messire Taneguy du Chastel, le plus hastivement qu'il peut, envoya par le pont de Charenton et Corbueil à Meleun et de là à Montargis, Charles, duc de Touraine, daulphin, et tantost manda par tous les lieux de son parti gens d'armes qu'ilz venissent vers lui à la bastille Saint-Anthoine à Paris. Et en cas pareil, le sire de Tlsle-Adam et les autres seigneurs mandèrent par tout le parti du duc de Bourgongne jusques en Picardie, gens d'armes à venir à Paris sans délay. Lesquelz dedens briefz jours ensuivans y vindrent en grant multitude.

Or est-il vérité que le mercredi ensuivant *, après ladicte prinse de Paris, du matin, le mareschal de Rieux , le sire de Barbasan et Taneguy du Chastel , à tout seize cens combatans tous gens d'eslite, entrèrent dedens Paris par la porte Saint-Anthoine en entencion de reconquerre ladicte ville. L'une des parties ala à l'ostel du Roy à Saint- Pol par derrière, le cuidans trouver pour l'emmener avecques eulx. Mais le jour devant on l'avoit mené et tout son estât au Louvre. Les autres chevaucboient très fort à estendart desployé tous ensemble devant l'ostel de l'Ours , crians haulte-