juin

ment : Vive le Roy, le Daulphin, et le conneslable d'Armaignac ! Auquel cry soudainement s'assemblèrent les Parisiens en grant nombre armez, avec le nouvel prévost de Paris le sire de l'Isle-Adam, et tous les autres gens d'armes dedens Paris , et vindrent vigoreusement combatre les dessusdiz de toutes pars. Ouquel lieu y eut aspre et cruelle bataille , mais enfin par la grande multitude des Parisiens qui venoient de toutes pars, il convint que ledit mareschal de Rieux et toutes ses gens se retraissent vers la bastille Saint-Ântlîoine, non point sans perte, car ilz y demourèrent mors sur la place de trois à quatre cens de ses meilleurs gens de guerre. Et desdiz Parisiens et de ceulx de leur parti y moururent environ quarante bommes. Entre lesquelz y mourut ung gentil homme nommé Harpin de Goy, qui estoit au seigneur de l'Isle-Adam.

En après, les dessusdiz mareschal de Rieux, Barbasan et messire Taneguy du Chastel, voians leur perte de plus en plus multiplier , mirent certain nombre de gens d'annes dedens ladicte bastille, et après s'en alèrent, les ung à Meaulx en Brye, les autres à Corbueil, à Meleun et es autres lieux à eulx obéissans.

Le jeudi ensuivant *, Hector et Phelippe de Saveuses, à tout deux cens combatans, arrivèrent dedens Paris. Dont les autres seigneurs furent tous joieux, et les logèrent aux Tournelles et autres hostelz devant la bastille Saint-Anthoine, où estoieut encores les gens du conte d'Armaignach. Et le venredi, samedi et dimenche' et huit jours ensuivans, vindrent audit lieu de

i. 2 juin.