Les 3, 4 et 5 juin

Paris la plus grant partie des capitaines de Picardie, à tout leurs gens d'armes, c'estassavoir messire Jehan de Luxembourg, le sire de Fosseux et ses frères, messire Jennet de Poix, le sire de Cohem et moult d'autres, espérans que oudit lieu de Paris trouveroient bon gaignage. Mais la plus grant partie trouvèrent le contraire de ce qu'ilz avoient empensé, et convint qu'ilz paiassent leurs despens.

En oultre les dessusdiz mors du costé dudit connestable furent par le bourrel de Paris sur une charète menez hors de la ville et enfouiz aux champs, et les autres du parti des Parisiens furent notablement ensevelis et mis en terre saincte. Et adonc par toute la ville de Paris on portoit communément l'enseigne du duc de Bourgongne, c'estassavoir la croix Saint-Andry, laquelle par grant espace avoit esté fort déboutée en ladicte ville.

Le samedi ensuivant, ceulx de la Bastille voians qu'ilz perdoient leur temps de la tenir , firent leur traictié au sire de l'Isle-Adam et aux autres seigneurs estans en ladicte ville de Paris, par ainsy qu'ilz s'en yroient sauf leurs corps et leurs biens en rendant ladicte Bastille, et sur ce leur fut baillié sauf-conduit, et se départirent comme dit est. En laquelle Bastille fut commis à estre capitaine, de par le Roy et le duc de Bourgongne, le seigneur de Chauny, qui tousjours léans avoit esté prisonnier depuis sa revenue de l'ambaxade par lui faicte à Amiens à la personne dudit duc de Bourgongne, dont en autre lieu paravant est faicte mencion \

î. Voir plus haut, p. 206. '