CHAPITRE CXG

Comment après la prinse de ladicte ville de Paris plusieurs villes et fortresses se rendirent en l'obéissance du duc de Bourgongne.

Item, en ces jours furent envolez, à tout ung mandement du Roy, Hector et Phelippe de Saveuses, le seigneur de Crèvecuer et ses gens, vers Compiengne et autres villes et fortresses sur les marches. Lesquelz venus audit lieu de Compiengne firent traictié avec ceulx de la ville, par condicion que tous ceulx tenans la partie du conte d'Armaignac s'en yroient saulves leurs bagues , et aussi que tous les liabitans de ladicte ville voulans faire serement de tenir le parti du Roy et du duc de Bourgongne demourroient paisibles. Et après qu'ilz eurent promis ce entretenir, furent mis dedens. Et pareillement se rendi la ville et cliastel de Creil, aussi Pont-Saincte-Maixence, Moussi-le-Preux , le Pont-à-Choisy et aucunes autres places, dedens lesquelles ilz mirent gens de leur parti pour les entretenir. Et aussi se rendi en l'obéissance du Roy et du duc de Bourgongne la cité de Noyon, par le moien du seigneur de Genlis, et pareillement Le Plessier * et aucunes autres villes. En laquelle ville de Creil fut commis ung gentil homme, nommé Le Bugle de Grouches, pour le garder, et entra en icelle ville à tout huit hommestant seulement. Si estoient dedens la fortresse le conte de Ventadour, le seigneur de Chastelmorant et messire Charles de Saint-Sauflieu , à tout certain