CHAPITRE GXGI

Comment les communes gens de Paris se mirent sus en grant multitude et occirent tous les prisonniers qui avoient esté prins à la prinse dessusdicte de la ■ville de Paris.

Après toutes len besongnes dessusdictes, le xii® jour de juing ensuivant*, s'assemblèrent les communes gens de Paris de petit estât jusques à soixante mille ou plus, environ quatre heures après midi, et tous armez, doubtans comme ilz disoient que les prisonniers ne feussent mis à délivrance, non obstant le desenortement du nouvel prévost de Paris et de plusieurs autres seigneurs, iceulx embastonnez de vielz mailletz, haches, coignées, massues et de moult d'autres bastons dissolus, en faisant grant bruit et crians , Vive le Roy et le duc de Bourgongne ! s'en alèrent à toutes les prisons de Paris, comme au Louvre, à Saint- Magloire, au Palais, à Saint-Martin des Champs, ou grant ChasteUet et au petit, au Temple et autres lieux où estoieht les prisonniers. Si rompirent lesdictes prisons et occirent et tuèrent Gaultier et Guillaume et tous ceulx qu'ilz y trouvèrent jusques au nombre de