C'était un dimanche

seize cens personnes ou environ. Desquelz furent les principaulx, le conte d'Armaignac, connestable de France , maistre Henry de Marie, chancelier du Roy , les évesques de Constances, de Baieux, d'Evreux, de Senlis, et de Xainctes, le conte de Grant-Pré, Reraonnet de La Guerre, l'abbé de Saint-Cornille de Compiengne , messire Hector de Chartres , messire Hector de Marcoignet, Charles Poupart, argentier du Roy, lesdiz seigneurs de la chambre de parlement , des requestes, des comptes, du trésor, et généralement tous ceulx qui estoient èsdictes prisons, desquelz aucuns y estoient pour débas ou pour debtes , mesmement aucuns tenans la partie de Bourgongne. Et en celle fureur furent occises plusieurs femmes par la ville, et où elles furent mises à mort furent laissées. Et dura celle cruelle occision au lendemain dix heures devant midi. Et pour tant que les prisonniers du grant Chastellet estoient garnis d'armeures et de traict, ilz se défendirent moult fort et navrèrent et occirent plusieurs merdailles de celle commune. Mais, lendemain par feu, fumée et autre assault, furent prins, et en firent, les dessusdiz, plusieurs saillir du hault des tours aval, et lesdiz Parisiens les recevoient sur leurs piques et sur les pointes de leurs basions ferrez et puis les murdrissoient paillardement et inhumainement. A celle cruelle occision estoient présens, le nouvel prévost de Paris *, messire Jehan de Luxembourg, messire Jaques de Harecourt, le seigneur de Fosseux, le seigneur de l'Isle- Adam, le vidame d'Amiens, le seigneur de Chevreuse, le seigneur de Chastillon, le seigneur de Cohem, mes-