CHAPITRE ce

Comment ceulx de Rouen envolèrent devers le roy Charles pour avoir secours. L'ambaxade envoiée devers le roy d'Angleterre; et plusieurs autres matières.

^ En ces propres jours fut envoiée devers le Roy et son conseil ung prestre assez aagé, de bon entendement, par les asségez de Rouen , lequel venu audit lieu de Paris fist proposer par ung frère augustin , docteur, nommé Eustace de Paville * devant le Roy et son grant conseil, Testât et la tribulacion desdiz asségez. Et print icellui proposant son theume : Domine quid faciemus , lequel il proposa moult sagement et auctentiquement. Et après qu'il eut finée sadicte proposicion, icellui prestre dist au Roy : « Très excellent prince, il m'est enjoint de par les habitans de la ville de Rouen à crier contre vous sire duc de Bourgongne, qui avez prins le gouvernement du Roy et de son royaume, le grant baro, lequel signifie l'oppression qu'ilz ont des Anglais, et vous mandent et font sçavoir par moy, que se par faulte de vostre secours il con-