CHAPITRE CGIV

Comment l'ambaxade du roy d'Angleterre ala devers le roy de France et le duc de Bourgongne. — Et autres besongnes.

Item, le roy de France et le duc de Bourgongne estans à Prouvins, alèrent devers eulx en ambaxade, devers {sicj lis : de par) le roy d'Angleterre, les contes de Varvich et de Kent, lesquelz estoient conduis par aucuns des gens du duc de Bourgongne. Et en leur chemin, assez près de Chaumes en Brie, furent assaillis par Tanegui du Chastel et autres Daulphinois , qui au commencement prindrent et gaignèrent une partie des chevaulx et bagues desdiz Anglois. Mais en la conclusion les dessusdiz Daulphinois furent desconfiz , et en demoura sur la place bien quarante hommes d'armes, et les autres, avec ledit Tanegui, se retrahirent à Meaulx. Après, iceulx Anglois s'en alèrent à Prouvins, où ilz besongnèrent avec le duc de Bourgongne et le conseil du Roy, et de là s'en retournèrent à Rouen

devers le roy d'Angleterre. Et lors, pour donner consolacion aux Parisiens leur fut envoyé Plielippe de Saint-Pol, nepveu du duc de Bourgongne, aagé de quinze ans ou environ , lequel, oudit lieu de Paris , fut constitué lieutenant du Roy, et avecques leur fut envoie le chancelier de France , c'estassavoir maistre Eustace de Laistre , pour en ladicte ville deniourer et ordonner des besongnes ilec survenans, tant en justice comme sur le fait de guerre. Et lors fut fait prévost de Paris messire Giles de Ciamecy, en déposant Le Yeau de Bar, bailli d'Auxi '.

Item, en ce temps, Hector de Saveuses fist une grande assemblée de gens d'armes au Pont de Remy, lesquelz il mena courre devant le chastel de Monceaulx en la conté d'Eu, lequel tenoient les Anglois. Lesquelz saillirent hors vigoreusement contre ledit Hector et les siens, et y eut très dure escarmouche , en laquelle le capitaine de Maulevrier print iceMui Hector prisonnier et le mena grant espace. Mais depuis fu rescoux par ses gens, qui occirent environ douze desdiz Anglois. Et là fut prins ung gentil homme d'armes , nommé Jouan Chervin. Après laquelle besongne s'en retournèrent tous ensemble au Pont de Remy.

Item, en pareil cas, messire Loys Brunel, Guischard, son frère, Gauvain et Jehan de Ilarselances, avec eulx plusieurs gentilz hommes qui se tenoient en la ville de Gamaches , faisoient très forte guerre aux dessusdiz Anglois , et souvent en occioient et prenoient prisonniers et en destroussoienl plusieurs, et aussi fai-

i . En novembre. '"

soient moult de maulx et de travaulx aux villes et paysans qui s'estoient rendus aux Anglois.

Et de l'autre costé , messire Jehan de Luxembourg estoit fort embesongné sur les frontières de Guise pour résister aux entreprinses que cbascun jour faisoient La Hire, Pothon de Sainte-ïreille et autres capitaines tenans la partie du Daulphin, et aussi avoit la charge de garder vers Roye, Mondidier et autres fortresses contre ceulx de Compiengne , pour quoy il convenoit que il entretenist grant foison de gens d'armes en iceulx pays.

Et en ce temps se tenoit le duc de Touraine , daulphin de Viennois en la ville de Tours, laquelle, comme dit est ailleurs il avoit reconquise. Et menoient ses gens forte guerre à la ville de Chartres et autres fortresses tenans la partie de Bourgongne. Et se rendit en son obéissance la ville de Bonneval et aucunes autres places oudit pays.