CHAPITRE CCV

Comment Lyonnet de Bournonville et Daviot de Gouy firent une grosse escarmouche sur les Anglois,

Item, durans ces tribulacions, Lionnet de Bournonville, beau-frère du seigneur de ITsle-Adam, mareschal de France , et Daviot de Gouy , qui estoient très expers en armes, se tenoient à Gisors sur la frontière des Anglois, auxquelz par plusieurs foiz firent de grans dommages. Et par espécial en la ville de Ferry-Fontaine, ung certain jour estoient logiez bien huit cens Yrlandois et deux cens Anglois ou environ. Si alèrent

les dessusdiz par nuit férir dedens les logis, à tout trois cens combatans ou environ, où ilz trouvèrent lesdiz Anglois et Yrlandois, la plus grant partie dormans, tous désarmez en plusieurs maisons, sans estre sur leurs gardes, et là très vigoreusement les envayrent et les commencèrent à détrencher et occire en plusieurs parties. Et les aucuns d'iceulx oyans le cry, se boutèrent en aucunes loges et maisons, eulx défendans au mieulx qu'ilz povoient. Mais les dessusdiz Bourguignons boutèrent tantost les feux esdictes maisons. Et finablement, tant de ars comme de mors, en demoura sur la place bien quatre cens, et en prindrent bien cinq cens, et les autres se saulvèrent parmy le bois au mieulx qu'ilz peurent. A tout lesquelz prisonniers et foison de bagues, s'en retournèrent audit lieu de Gisors, très joieux de leur victoire.

Après, environ la Pasque fleurie, le roy de France, la Royne et le duc de Bourgongne, avecques tout leur estât, s'en alèrent demourer en la ville de Troies en Champaigne, ouquel lieu par les habitans de ladicte ville furent receuz honnorablement, et y solemnizèrent la feste de Pasques, et avecques eulx plusieurs seigneurs. >,, * ■

DE L'AN MCCCCXIX.

[Du 16 avril 1419 au 7 avril 1420.]