CHAPITRE CaVI

Comment messire Jehan de Lujcemhourg ala en la conté de Brayne devers son frère. Et la destrousse de Hector de Saveuses.

Au commencement de cest an, messire Jehan de Luxembourg, accompaigné de Hector de Saveuses et de six cens combatans ou environ, ala par Vermendois, Laonnois et Reims, jusques à Braine, où estoit le conte de Conversen, son frère, et eux deux ensemble firent grant guerre aux Daulphinois, qui paravant avoient fort dégasté ladicte conté de Brayne ; et ardirent les faulxbourgs de Vitry, et aussi coururent et gastèrerit grant partie de Barrois et de la conté de Grantpré. Après lesquelles besongnes se départi ledit messire Jehan de Luxembourg, laissant une partie de ses gens avecques son estandart ou gouvernement dudit Hector. Lequel Hector, dedens quinze jours ou environ ensuivans, se départi dudit pays parle congié dudit conte de Conversen, à tout trois cens combatans et ledit estandart, pour retourner ou pays d'Artois. Mais en passant par la Champaigne fut envay des Daulphinois, qui se tenoient à Montagu, et non obstant que iceuls Daulphinois ne feussent point en si grant nombre qu'estoit icellui Hector, si gaignèrentils la besongne, et fut ledit estandart perdu, et avec-

ques ce y furent mors et prins bien cent hommes et grand quantité de bagaige, que raportoient et ramenoient les dessusdits. Et les autres, en la plus grant partie, par espécial les hommes d'armes, se saulvèrent par leurs bons chevaulx avec ledit Hector. Lequel, moult triste, s'en retourna en Artois. Et lesdis Daulplîinois, à tout bien soixante prisonniers, rentrèrent moult joyeux en Montagu. Et dedens ung mois ensuivant, soudainement, dedens leurs prisons, pour aucune soupeçon, occirent tous lesdis prisonniers, si non aucuns qui paravanl s'estoient partis pour aler quérir leur finance.