Saint-Martin le Gaillard {Seine-Inférieure

vez environ soixante Anglois gardans icelles , lesquelz très asprement se défendirent et gardèrent ledit pas. Mais en fin furent desconfis et tous mis à l'espée, excepté ung peu d'iceulx qui par fuite se saulvèrent. Et adonc ledit seigneur de Gamaches, suivant ses gens asprement, entra en la ville, frapant es logiz où lesdiz Anglois estoient logez. Mais la plus grant partie s'estoientjà retrais en une grant église qui estoit en la ville, à tous leurs chevaulx, et là moult fort se défendirent. Et en conclusion , pour tant que lesdiz Anglois [pouvoient] avoir brief secours de leurs gens qui estoient sur les marches, fist bouter le feu dedens la fortresse, et amena saulvement ceulx qui dedens estoient. Et à ceste besongne furent fais nouveaulx chevaliers , Anthoine de Beausault, Giles de Rouvroy, et aucuns autres.

En après, dedens les huit jours ensuivans , le conte deHontiton, capitaine de Gournay en Normendie, assembla environ deux mille combatans Anglois des frontières de la marche, lesquelz il conduis! jusques à ung gros village nommé Poix, où ilz se logèrent, et y firent plusieurs dommages, et de là alèrent à Breteul et livrèrent grant assault au fort de l'abbaye, et, pour tant qu ilz y eurent de leurs gens mors , ardèrent la ville, qui estoit puissamment amassée, et puis se tirèrent vers Clermont , et prindrent la tour de Vendeul * et boutèrent le feu dedens. Et après, en destruisant le pays par feu et par espée, à tout infinis biens et grant nombre de prisonniers, s'en retournèrent en leur garnison.

i. Yenàcuil (Oise), ' -^

Et de l'autre costé, messire Phelippe dessusnommé ', qui se tenoit à Eu en Monceaulx, couroit très souvent vers Abbeville et au Pont de Rémi et par tout le Viraeu. Alors estoit le pays grandement désolé. Auxquelles courses et envayes messire Jaques de Harecourt, qui se tenoit au Crotoy, et Hector de Saveuses, avecq ceulx de la garnison du Pont de Rémi, bailloient très souvent de grans empeschemens. Et pareillement faisoient messire Loys de Thiebrone et ceulx qui estoient avecques lui en la ville de Gamaches.