CHAPITRE CCXI

Comment les fortresses de Cbasteau-Gaillart et la Rocheguion se rendirent au roy Henry d'Angleterre.

En ces mesmes jours le roy d'Angleterre fist asséger les fortresses de Cbasteau-Gaillart et de la Rocheguion, lesquelles estoient les deux plus fortes places de la duchié de Normendie , et les tenoient les gens du Daulpbin. Mais au bout de deux moys la Rocheguion fut rendue, du consentement de la dame qui estoit dedens, au roy d'Angleterre. Laquelle ledit roy donna prestement à messire Guy le Boutiller, et avec ce lui voult faire avoir ladicte dame en mariage. Mais onques elle ne se y voult consentir, ains s'en ala avecques ses gens hors du pays, en délaissant sadicte fortresse.

Et le Cbasteau-Gaillart, qui estoit au roy de France, se tint l'espace de seize raoys , au bout duquel temps se rendi par faulte de ce que les cordes dont ilz tiroient

i. Philippe le Lys.

338 CHRONIQUE [14i9]

l'eaiie leur estoienl faillies. Et en estoit capitaine messire Olivier de Mauny, qui avoit avecques lui six vings hommes d'armes et plus. Et tenoient ledit siège les contes de Hontiton et de Kent.

Et durans les choses dessusdictes plusieurs Daulphinois et Bourguignons avoient grant confidence les ungs avecques les autres depuis le traictié de la paix, espérans que icelle deust estre pardurable, et souvent s'assembloient plusieurs d'un commun accord pour faire guerre aux Anglois, anciens ennemis du royaume de France. Mais la roe de fortune y pourveut par telle manière que dedens briefz jours ensuivans furent en plus grande tribulacion et hayne l'un contre l'autre que paravant n'avoient esté , comme cy-après sera déclairé.