CHAPITRE GXXIII

Comment le duc de Bourgongne assist ses garnisons en plusieurs de ses villes et chasteaulx. Et comment le Roy ala asséger la ville de Bapaumes. Et comment ceulx d'Arras fortifièrent leur ville.

Or est ainsi que devant le département du duc de Bourgongne de ladicte ville de Douay, ledit duc assist ses garnisons en plusieurs villes et forteresses, en la conté d'Artois. Et furent mis dedens ladicte ville de Douay grant partie des Bourguignons du pays de Bourgongne, soubz la conduite de messire Gaultier de Rupes et autres capitaines. Et en la ville d'Arras fut commis cappitaine général , messire Jehan de Luxembourg, qui estoit alors jeune chevalier, avecques lequel pour le conduire estoient le seigneur de Ronq, messire Guillaume Bouvier, gouverneur d'Arras, le seigneur de Noielle nommé Le Blanc chevalier, Alain de Vendôme et plusieurs autres vaillans gens de de guerre jusques au nombre de six cens hommes d'armes et autant d'archers. Et si y estoient de Bourgongne, le seigneur de Montagu, messire Jehan de Vienne, le Borgne de Toulonjon , chevalier, messire Guillaune de Champdivers, le bastard de Grantson, et autres jusques au nombre de cinq cens hommes d'armes. Et de la coramunaulté estoit capitaine le seigneur de Beaufort A-la-Barbe. Et es autres villes m 2

estoient commis autres nobles hommes selon la disposicion dudit duc. Lesquelles gens de guerre firent plusieurs courses sur aucunes des terres et seigneuries de ceulx qui tenoient la seigneurie* d'Orléans. Et messire Jehan de Luxembourg, ung certain jour, à tout grant nombre de combatans , vint à la ville de Hem sur Somme, laquelle estoit au duc d'Orléans, laquelle par iceulx fu toute robée et desnuée de tous biens par les dessusdiz. Et avecques ce furent pillez aucuns villages à l'environ, pour et à la cause devant dicte. Pareillement, Hector de Saveuses, Phelippe son frère, Loys de Vargnies et aucuns autres capitaines, passèrent l'eaue de Somme par Hangest emprès Piquigny, et de là s'en alèrent en la ville de Blangi près Monceaulx, appartenant au conte d'Eu, laquelle estoit fournye et pleine de tous biens. Mais tantost fut robée par iceulx, prenant hommes et femmes et tous autres biens qu'ilz povoient actaindre, à tous lesquelz s'en retournèrent ou pays d'Artois. Et aussi souventesfoiz les gens du duc de Bourgongne faisoient telles courses dont le povre peuple estoit moult travaillé.

Et le IX* jour de juillet, yssy le Roy avec ses princes de la ville de Péronne, et s'en ala faire son pèlerinage à Nostre-Dame de Gurlu^, et s'en ala de là loger selon une petite rivière assez près de Miraumont. Le jeudi ensuivant^ s'en ala devant la ville de Bapaumes appartenant au duc de Bourgongne, devant laquelle fut fait chevalier le conte d' Auxerre par la main du duc de Bourbon, qui menoit l'avant-garde du Roy, et y estoit